DANIEL 4:21 - Sura' Madatu

²¹ Iatu daunna maballo sia tarri’ tu buanna, iamoto napokande mintu’ angge menono’, sia napentionganni mintu’ olo’-olo’ dao kapadanganna sia iatu tangkena napopembuyan mintu’ manuk-manuk dao lu langi’.

DANIEL 4:21 ပူးပေါင်းရင်းမြစ်များ

PA’PUDIAN 104:17

Tu nanii manuk-manuk messerang, sia iatu tambolang lolok buangin nanii messerang.

YEHEZKIEL 17:23

Dao buntu malangka’na Israel la Kunii untananni, anna mentangke sia membua sia mendadi misa’ arasi’ ballo. Anna sanda rupanna tu manuk-manuk, ma’rupa-rupa bulunna sae messerang diong; anna mentiongan diongna lu tangkena.

YEHEZKIEL 31:6

Iatu takke’-takke’na nanii messerang mintu’ manuk-manuk dao lu langi’, sia diong to’tangkena nanii kianak tu mintu’ olo’-olo’ dao kapadanganna, sia diong karionganna nanii mentiongan mintu’ bangsa kapua.

DANIEL 2:38

ondongpi tu mintu’ ma’rupa tau, tu umba-umba nanii torro sia mintu’ olo’-olo’ dao kapadanganna sia mintu’ manuk-manuk dao lu langi’. Nasorong nasangmo tama limammi sia Napadadikomi la umparentai tu mintu’nato, – kamumo tu ulunna, bulaan iato.

DANIEL 4:11

Iatu kayu iato kapua sia mawatang, iatu ma’layukna tu’tun dao langi’ sia payan ditiro lako mintu’ randan langi’.

DANIEL 4:20

Iatu kayu mitiro kapua sia mawatang, tu ma’layukna tu’tun dao langi’ sia payan ditiro lako mintu’ randan langi’.

DANIEL 4:22

Iatu kayu iato, kamu bangsiamo datu, tu kapuamo sia matoto’; iatu kataromposammi sakerangngan-rangnganna, naurunganni sumpu langngan langi’ sia iatu kadatuammi sae lako randan langi’.

LUKAS 13:19

Susito lise’ sawi sanglise’, naala tau, natananni lan pa’lakna, natuo namendadi misa’ kayu kapua, anna nii manuk-manuk messerang tu mai tangkena.