DANIEL 4:19 - Sura' Madatu

¹⁹ Sangattu’ to naalami sumangnga tu Daniel, tu diganti Beltsazar, iatu tangnga’na umpamagiang penaanna. Ma’kadami tu datu lako nakua, E Beltsazar, da napamagiangko tu tindo iato sola sembangna. Mebalimi tu Beltsazar nakua: O puangku, kenna iaora tu to ungkabiri’komi napatu tu tindo iato sia kenna ualimmiora narampoi tu sembangna.

DANIEL 4:19 ပူးပေါင်းရင်းမြစ်များ

KADADIAN 31:35

Nakuami tu Rahel lako ambe’na: Da misengke, ambe’, belanna tae’ kubelai bendan dio tingayomi, pa narampoina’ lalan biasanna baine. Napemadaka’i lan tenda iato, apa tae’ nakabu’tui tu balo’ taunna.

KADADIAN 32:18

La mibalii kumua: Apanna Yakub, kaunanta, misa’ pa’kasian la naben sia puangku Esau, undi duka kalenamo dio mai boko’ki.

KADADIAN 40:12

Nakuami tu Yusuf lako: Susite tu battuananna: iatu tallu tangke battuananna tallung allo.

1 DATU 18:7

Iatonna marassan tu Obaja lumingka, pakalan nasitammu Elia; iatonna tandaimi tukkumi umpekatabe’i, nakua: Kamuraka te, puangku Elia?

KATASSURAN 32:32

Totemo ke ma’dinni, Mipa’dei salana tau iato mai; iake tae’i, puttaina’ lan mai sura’Mi tu mangka Misura’.

YEREMIA 29:7

Dakaranni kamanamanan tu kota Kunii umpali’komi, sia passambayanganni lako PUANG, belanna lan kamanamananna la minii duka manaman.

YEREMIA 4:19

A’a mapa’di’ ba’tengku, mapa’di’ ba’tengku! Mangunterona’ sia bonnong tu penaangku, ma’dube-dube tu ara’ku, tae’mo kurapa’, belanna urrangi oni napiri tanduk sia arrak kasirarian.

DANIEL 1:7

Nasondaimi pangulu to mase’ponna datu tu sanganna tau iato; iatu Daniel nasangaimo Beltsazar, na iatu Hananya nasangaimo Sadrakh, Misael nasangaimo Mesakh, na iatu Azarya nasangaimo Abednego.

DANIEL 2:26

Ma’kadami tu datu lako Daniel, tu diganti Beltsazar, nakua: Ma’dinrokoka umpokadanna’ tu tindo mangka kutiro sola sembangna?

DANIEL 2:37

Kamumo, o datu, datunna mintu’ datu, tu Nakamaseimo Puang Matua dao suruga kadatuan sia kuasa sia kamatotoran sia kamala’biran,

DANIEL 4:24

Inde sia tu sembangna tindomi, o datu, sia inde sia tu Napamatu’tun Puang Patodoranna diona puangku datu.

DANIEL 5:12

Belanna lan kalena tu penaa liu matarru’, kapaissanan sia kamanarangan ussembang tindo sia umpabu’tu rasia sia ungko’ka’i ponto bannang, iamotu lan kalena Daniel, tu naganti datu, iamotu Beltsazar, iamoto melo ke ditambai tu Daniel, naia la umpokadai tu battuanna.

DANIEL 5:18

O datu, mangkamo Puang Matua, Patodoranna, ungkamasei kadatuan, kataromposan, kadipangkeran sia kamala’biran tu Nebukadnezar, ambe’mi.

DANIEL 5:19

Na diona tu kuasa kapua Nakamaseanni Puang, anna mintu’ bangsa sia to sangpetayanan sia ma’rupa-rupa basana ma’parondo penaanna ungkataku’i, belanna minda-minda tu la napatei, manassa napatei, minda-minda tu la napatuo, manassa napatuo, minda-minda tu la napamatande, manassa napamatande, minda-minda tu la napamadiongan, manassa napamadiongan.

DANIEL 7:15

Tigiang tu penaangku lan ba’tengku, te aku, Daniel, sia napatirambanna’ tu mintu’ patiro mendeata, tu bu’tu dio pentiroku.

DANIEL 7:28

Rampomo inde te tu kada iato. Iatu aku Daniel, mintu’ tu tangnga’ku umpamagiang tonganna’, naurunganni bali’ tu rupangku; sia mintu’ te kada iate kupalan penaangku.

DANIEL 8:27

Sia aku te, Daniel, langga’mo’ sia ba’tu pirang-pirang allomo’ masaki; undinnato milikmo’, angku pengkaranganni tu datu. Napussakkimo’ te patiro mendeata iate, apa moi misa’ tau tae’ untandai.

HABAKUK 3:10

NatiroKomi tu mintu’ buntu, anna ma’parondo, lendu’mi tu uai buda tibarrak dao mai, iatu uai buda diong aa’ mi’lan mongngo’ sia unnangka’ limanna langngan.

1 SAMUEL 1:15

Apa mebali tu Hana nakua: Tae’ nasusito, o tuang, sangadinna aku te misa’ to tarru’ mapa’dik; tae’ angku iru’ uai anggoro’ ba’tu diiru’na tu melangona, sangadinna umbarrakanna’ mintu’ apa lan penaangku dio oloNa PUANG.

1 SAMUEL 24:8

Tete dio kada iate nadampai Daud tu mintu’ taunna sia tae’ naeloranni tu tau iato mai la umpogau’ kadake lako Saul. Ke’de’mi tu Saul lan mai lo’ko’ iato, anna male.

1 SAMUEL 26:15

Nakuami Daud lako Abner: Tang pia muanerokomika? mindara padammi dio lu mintu’ to Israel? Ma’apai natae’ mikampai tu datu, puangmi, naurungan dio mai mintu’ tau ma’din sae misa’ ussanggang datu, puangmi?

1 SAMUEL 3:17

Nakuami Eli: Kada apara tu Napokadangko. Da mubunianna’. La Nasanggangiko Puang Matua, sia la Narangngannipa, ke denni mubunianna’ moi sangbuku tu mintu’ kada Napokadangko.