DANIEL 4:18 - Sura' Madatu

¹⁸ Iamote tu tindo tu akumo, datu Nebukadnezar, mangka untiroi; na iko, e Beltsazar, pokadanna’ tu sembangna, belanna mintu’ to paissan lan parentaku tae’ nakullei umpokadanna’ tu sembangna; apa iko ma’dinko, belanna natorroiko penaa deata masero.

DANIEL 4:18 ပူးပေါင်းရင်းမြစ်များ

KADADIAN 40:12

Nakuami tu Yusuf lako: Susite tu battuananna: iatu tallu tangke battuananna tallung allo.

KADADIAN 41:15

Ma’kadami tu Firaun lako Yusuf: Dikua ma’tindona’ natae’ bang misa’ tau manarang ussembangi, apa kurangi tu karebammu kumua: muranginna tu misa’ tindo muissanna ussembangi.

KADADIAN 41:8

Iatonna melambi’ dio mai ma’bara-barami tu ara’na Firaun na mesua untambai mintu’ to paissan-issan sia to patanda-tandan dio tondok Mesir; napokadami Firaun lako tau iato mai tu tindona, apa tae’ bang misa’ unnissanni ussembanganni Firaun.

YESAYA 19:3

Attu iato iatu tangnga’na to Mesir la putta, sia la Kudampa tu tanan penaanna; anna male mekutana lako dipa’deatainna sia mintu’ to ma’basa-basa sia bombo to mate sia to sola deata.

DANIEL 1:20

Na lan mintu’na apa diona kamatarrusan sia kapaissanan, tu napekutanan datu lako kalena, naappa’mi datu kumua losong ia pessangpulo manarangna na iatu mintu’ to paissan-issan sia to ma’basa-basa lan mintu’ kadatuanna.

DANIEL 2:38

ondongpi tu mintu’ ma’rupa tau, tu umba-umba nanii torro sia mintu’ olo’-olo’ dao kapadanganna sia mintu’ manuk-manuk dao lu langi’. Nasorong nasangmo tama limammi sia Napadadikomi la umparentai tu mintu’nato, – kamumo tu ulunna, bulaan iato.

DANIEL 2:7

Mebali pole’omi tu tau iato mai nakua: Melo ke napokadai datu lako te taummi tu tindo iato, angki pokadai tu sembangna.

DANIEL 5:15

Saemo disolan umpennoloina’ tu to paissan sia tu to ma’basa-basa, dikua anna basai te pangoki’ iate sia napokadanna’ tu battuananna, apa tae’ naissanni umpokadai tu battuananna te kada iate.

DANIEL 5:8

Iatonna sae nasangmo tu mintu’ to paissanna datu, tae’ bang ungkullei umbasai tu pangoki’ iato sia umpokadanni datu tu battuananna.

AMOS 3:7

Manassa tae’ Napogau’i Puangta PUANG tu mintu’ apa, ke tae’pi Napasamboi tu pa’timbanganNa lako taunNa, iamotu mintu’ nabi.