DANIEL 4:17 - Sura' Madatu

¹⁷ Iate parenta iate napamatu’tunmo mintu’ to ma’kampa na iatu iannate nalampakmo to masero, anna tandai mintu’ to tuo, kumua Puang Patodoranna ungkuasai tu kadatuan tolino sia Nakamasei minda-minda tu Naporai, ondongpi ma’din natokko tu to tarru’ madiongan dio lu tolino lan kadatuan iato.

DANIEL 4:17 ပူးပေါင်းရင်းမြစ်များ

1 DATU 21:25

Inang tae’ lenpa tau susi Ahab umbaluk kalena la umpogau’ kadake dio pentiroNa PUANG, belanna nasede Izebel, bainena.

2 OSSORANNA DATU 28:22

Iatonna lan kapussakanna, datu Ahas ia duka bangsiato, tu tontong tang maruru’ lako PUANG.

PA’PUDIAN 103:19

Napatunannangmo PUANG tu isungan kapayunganNa lan suruga, sia iatu kadatuanNa umparenta mintu’ angge maritik.

PA’PUDIAN 12:8

O PUANG, Kamumo la ungkampaikan to makario-rio, sia Kamumo la tontong urrinding pala’kan dio mai to tama bilangan iate.

PA’PUDIAN 9:16

Mintu’ bangsa mellambunmo rokko patuang lambe’ pambo’bokna, sia iatu lentekna nala’ka’i poya natanan buni.

KATASSURAN 9:16

Apa tonganna iamo bannangna te angKu karimmanniko, kumua angKu patiroangko tu kamatotorangKu; anna sangangKu dipakalelean lan mintu’ lino.

YESAYA 6:3

Metambami tu misa’ ungkuanni tu misa’ nakua: Maindan, maindan, maindan tongan tu PUANGna mintu’ ma’dandan maritik, iatu mintu’ lino naponnoi kamala’biranNa.

YESAYA 6:8

Mangkato kurangimi tu kadanNa Puang Nakua: Mindara tu la Kusua? Mindara tu la Kiposumbungan puduk? Mebalimo’ kukua: Indena’, suamo’.

YEHEZKIEL 25:17

La Kuparampoi pepakkan metakuran sola ukungan mapannang tu tau iato mai. Anna tandai, kumua Akumo tu PUANG, ke Kuparampoi pepakkanKu.

YEHEZKIEL 7:24

La Kupasae tu bangsa tarru’ masa’ga’, anna tau iato mai la unnalai tu mai banuanna; la Kuputtai tu apa napomatampo to paa, sia iatu inan maindanna la dipamatuna.

DANIEL 11:21

Sia la bendan misa’ to matuna ussondai, tu tae’ naia dipamanassa la dinii ussorong kapayungan lako kalena; tae’ nadikapang nasae sia la urrampai tu kadatuan tete dio pa’pakena.

DANIEL 2:21

Ia duka umpopembali pentaunan sia attu. Ia untassu’i datu, Ia duka unnangka’i, Ia duka ungkamasei kakinaan tu to kinaa sia kapaissanan tu to paissan.

DANIEL 4:2

Naalamo penaangku umpa’peissananni tu mintu’ tanda kalle-kallean sia tanda mangnga, tu mangka Napogau’ Puang Matua patodoranna lako kaleku.

DANIEL 4:25

La naali’komi tau dio mai sangbilangan tolino na iatu katorroammi la sisola olo’-olo’ dio lu padang; anna pakandekomi tau riu ten to sapi, ammi dipopa’elo’na nasakka’i ambun dao mai langi’; la nalambi’ pempitu attu la minii susito sae lako miakunna, kumua Puang Patodorana ungkuasai kadatuanna tolino sia Nakamasei tu minda-minda Naporai.

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

ROMA 13:1

Mintu’na tau pantan la umpopengkanorong kalena lako mintu’ to pabaa ungkuasai. Belanna tae’ naden tu kuasa ke tang lu dioi mai Puang Matua; na iatu kuasa inang denmo pura Nalampakmo Puang Matua.

1 KORINTUS 1:28

sia iatu bongkona lan te lino sia iatu tang dibilangna Napilei Puang Matua, ontongpi tu tang keangga’na, kumua Naputtai tu keangga’na,

1 TIMOTIUS 5:21

Kupa’pepasanan tongan lako kalemu dio oloNa Puang Matua sia Kristus Yesu sola mintu’ malaeka’ ditonno’, la mukaritutui tongan tu mintu’nate situru’ tang la pakayun bimbang, sia da mipogau’ apa-apa umpalosongan misa’ tau anna iatu mai senga’na.

KADA OMBO’ LAKO RASULU’ YOHANES 4:8

Iatu a’pa’ a’gan kepenaa pada kepani’ siannan, natikui mata male salian sia lanna lu; tang tore sola a’pa’i allo bongi ma’kada: Maindan, maindan, maindan Puang Kapenomban, tu Umpoissan angge maritik, tu inang Den tempon dio mai, sia Den sia la saemo.

1 SAMUEL 2:8

Iatu mai to bongko Naendekan diong mai to’ barra’-barra’, sia iatu mai to mase-mase Naangka’ diong mai to’ pullan, kumua anNa pasangisunganni mintu’ arung, sia Napatongkon dao o’koran mala’bi’. Belanna mintu’ tu parandangan lino PUANG umpoissanni; sia Ia umbangunni dao te lino.