DANIEL 4:14 - Sura' Madatu

¹⁴ Metambami umpekapuai gamaranna, nakua: Lellengi tu kayu iato sia totoi tu tangkena, purru’i tu mai daunna, samboranni tu buanna; namallai nasang tu mintu’ olo’-olo’ diong sia manuk-manuk dao mai tangkena.

DANIEL 4:14 ပူးပေါင်းရင်းမြစ်များ

AYUB 24:20

Iatu pa’tambukanna indo’na tae’mo nakilalai tu tau iato, sia napokande mammiran ulli’, tau iato tae’mo tau unningaranni, iatu kakelokan dilelleng susito misa’ kayu.

YEREMIA 27:5

Akumo tu mangka umpadadi lino sia mintu’ tolino sia olo’-olo’ dao kuli’na padang tete dio kamatotoran kapuaKu sia takia’ tiangka’Ku, la Kupa’kamasean lako minda-minda tu naala penaangKu.

YEREMIA 51:6

Mallaikomi lan mai Babel, pantan la umpallaiangkomi katuoammi; da misanggang, ke naukungi Puang tu kakadakeanna, belanna attu iamote tu pa’bala’Na PUANG, la Nanii umbenni poleanna sitinaya penggauranna.

YEREMIA 51:9

Mangkamo tadampi tu Babel, apa tang dampi-dampianna; tatampemi anta pantan sule lako tondokta; belanna landa’mo langngan langi’ sia sumpumo langngan massaleu’na tu ukunganna.

YEHEZKIEL 31:10

Iamoto, inde sia tu kadanNa Puangta PUANG, Nakua, belanna kalando batangna sia umpasumpu lolokna tama gaun sia belanna umpakapua penaanna ussattuan kakalandoanna,

DANIEL 2:21

Ia duka umpopembali pentaunan sia attu. Ia untassu’i datu, Ia duka unnangka’i, Ia duka ungkamasei kakinaan tu to kinaa sia kapaissanan tu to paissan.

DANIEL 3:4

Meolimi tu misa’ lentek maringan umpekapui gamaranna nakua: Inde sia tu parenta dipokadangkomi, e kamu mintu’ bangsa sia to sangpetayanan sia to ma’rupa-rupa basana, kumua:

DANIEL 4:12

Iatu daunna maballo sia tarri’ tu buanna, iamoto napokandei mintu’ angge menono’; sia napentionganni mintu’ olo’-olo’ dao kapadanganna sia iatu tangkena napopembuyan mintu’ manuk-manuk dao lu langi’, sia mintu’ angge menaa umpokandei.

DANIEL 4:23

Natiro datu tu misa’ to ma’kampa, tau iato misa’ to maindan songlo’ dao mai langi’, nakua: Lellengi tu kayu iato sia sanggangi, apa patorropi ia tu garonto’ panglellengan mennuaka’na diong padang, dipori bassi sia tambaga, lan to’ riu maluna dio padang, anna sakka’i ambun dao mai langi’, na iatu kande napotaa sola olo’-olo’, iamotu riu dio lu padang, sae lako nalambi’ pempitu attu.

DANIEL 4:29

Iatonna lendu’mo sangpulo dua bulanna, sumalong-malongmi tu datu dao bubungan marantena tongkonan layuk kadatuanna dio Babel.

DANIEL 5:20

Apa iatonna pamadaomo penaanna sia umpamakarra’ pa’inaanna, naurunganni matampo, iamoto nadisuale dio mai isungan kapayunganna, sia sisayurammo kamala’biranna.

DANIEL 5:21

Ondongpi diali’ dio mai sangbilangan tolino, na iatu penaanna susimo tu penaa olo’-olo’, sia sangtorroammo keledai lampung sia dibenmo riu nakande susi sapi sia nasakka’imo ambun dao mai langi’ tu kalena sae lako naaku, kumua Puang Matua, Patodorannamo, ungkuasai kadatuanna tolino sia untokkoi tu la dadi datu tu minda-minda naala penaanNa.

MATIUS 3:10

Nakampai bangmo uase tu garonto’ kayu; iamoto umba tu kayu tang membua melo, la dilelleng na dibuang tama api.

MATIUS 7:19

Mintu’-mintu’na tu kayu tang umpasun bua melo, la dilelleng nadibuang tama to’ api.

LUKAS 3:9

Nakampai bangmo uase tu garonto’ kayu; iamoto umba-umba tu kayu tang membua melo dilelleng nadibuang tama api.

KADA OMBO’ LAKO RASULU’ YOHANES 10:3

metambami umpekapuai gamaranna susi gamara singa umburrung-burrung na iatonna metamba, pantan unnonimi tu pitu guntu’.

KADA OMBO’ LAKO RASULU’ YOHANES 18:2

Melallakmi umpekapuai gamaranna nakua: Ro’pokmo, ro’pokmo tu tondok Babel kapua sia naniimo tonang mintu’ deata bulituk, sia nanii pentirerunganna mintu’ deata masussuk, sia pa’kurunganna manuk-manuk maruttak sia dikagi’gi’na.