DANIEL 4:12 - Sura' Madatu

¹² Iatu daunna maballo sia tarri’ tu buanna, iamoto napokandei mintu’ angge menono’; sia napentionganni mintu’ olo’-olo’ dao kapadanganna sia iatu tangkena napopembuyan mintu’ manuk-manuk dao lu langi’, sia mintu’ angge menaa umpokandei.

DANIEL 4:12 ပူးပေါင်းရင်းမြစ်များ

AYUB 12:24

Naalai tu tangnga’ melona pangulunna tau lan tondok, sia Napapusa tu tau iato lan lu padang pangallaran tu tae’ lalan ditiro.

AYUB 14:7

Belanna iatu garonto’ kayu dirannuan siapa, iake dilellengi, la mentaruk sule sia iatu taruk mane la dadinna tae’ natang tassu’.

AYUB 14:9

manassa mentaruk sule, ke unnambukki uai, anna mentangke susito tananan mane tuo.

BATING 4:20

Iatu penaa tassu’ dio to’ illongta, tu Natokko PUANG, didammak dio to’ kalo’tokna, tu tatangnga’ kumua: diong pentiongananna tanii tuo dio lu mintu’ bangsa.

YEHEZKIEL 17:23

Dao buntu malangka’na Israel la Kunii untananni, anna mentangke sia membua sia mendadi misa’ arasi’ ballo. Anna sanda rupanna tu manuk-manuk, ma’rupa-rupa bulunna sae messerang diong; anna mentiongan diongna lu tangkena.

YEHEZKIEL 31:17

Ia duka tu tau iato mai malemo sola rokko lino to mate, lako to dipatei pa’dang, iamotu to patunduanna, tu torro diong to’ naonganninna dio lu mintu’ bangsa.

DANIEL 4:14

Metambami umpekapuai gamaranna, nakua: Lellengi tu kayu iato sia totoi tu tangkena, purru’i tu mai daunna, samboranni tu buanna; namallai nasang tu mintu’ olo’-olo’ diong sia manuk-manuk dao mai tangkena.

MATIUS 13:32

Tonganna iamo bitti’na tu mintu’na uluanna lise’ tananan, apa ianna tuomo, kapuami na iatu mintu’na utan, sia mengkayu, anna ma’din nanii manuk-manuk dao mai langi’ sae mentiongan tu mai tangkena.

MARKUS 13:32

Apa iatu allona ba’tu attunna tae’ tau misa’ duka untandai, moi na iatu mintu’ malaeka’ dao suruga tae’ duka, ba’tu moi na iatu Anak tae’ duka, sangadinna Ia manna tu Ambe’.

MARKUS 4:32

apa iake mangkami diambo’, tuomi losong kapuanna na mintu’na utan, umpasun tangke sikapuana, nama’din nanii manuk-manuk dao mai langi’ mentiongan lan to’ daun makampunna.

LUKAS 13:19

Susito lise’ sawi sanglise’, naala tau, natananni lan pa’lakna, natuo namendadi misa’ kayu kapua, anna nii manuk-manuk messerang tu mai tangkena.