DANIEL 3:6 - Sura' Madatu

⁶ Minda-minda tae’ nalumbang sae rokko padang sia menomba, ta’pa la dipembuangan tama dapo’, nanii api ma’lana-lana.

DANIEL 3:6 ပူးပေါင်းရင်းမြစ်များ

KADADIAN 19:28

Namentiro lako to’ sipatunna Sodom na Gomora sia lako to’ sipatunna lili’ bambana Padang, anna tiroi tu rambu kendek diong mai, susi rambu sun lan mai panglallangan.

KATASSURAN 20:5

Da’ mutukku umpenombai sia da’ mupengkaolai, belanna Akumo PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna, sae lako osso’ ma’pentallunna sia ma’penna’pa’na tu mintu’nato ungkabiri’Na’,

YESAYA 44:17

Iatu torrona nagaragai misa’ dipa’deatainna, iamotu rapang-rapang dipodeatanna tu dipa’, anna malinguntu’ dio olona sia tukku anna penombai, nakua: Tunduina’, belanna kamumo tu deatangku.

YEREMIA 29:22

naurunganni la bu’tu dio mai tau iato mai tu kada tampak ropu dipoparumbasan dio lu mintu’ to Yehuda tu dipali’ dio Babel, nakua: Kenna sabu’ioroko PUANG, susi Zedekia sia Ahab, tu natunu datu Babel!

DANIEL 2:5

Mebalimi tu datu lako to Kasdim nakua: Manda’mo kupamanassa lan penaangku, iake tae’i mipokadanna’ tu tindo iato situang sembangna, manassa la dita’tak-ta’takkomi sia iatu banuammi la disanggang anna daun lauan.

DANIEL 3:11

sia minda-minda tae’ nalumbang sae rokko padang sia menomba, la dipembuangan tama dapo’, nanii api ma’lana-lana.

DANIEL 3:15

Kusanga melo, ke naalai penaammi, iammi rangii tu oni tarompe’, suling, katapi, su’dekan, dandi sia suling rapi’ sia ma’rupa-rupa oni-onian, la lumbangkomi sae rokko padang umpenombai tu rapang-rapang dipodeata, tu mangka kugaraga, (tae’ ammi dipatumba-tumba), apa ke tae’i mipenombai, ta’pa dipembuangangkomi tama dapo’, nanii api ma’lana-lana, sia den pole’raka misa’ deata tu ma’din urrampanangkomi lan mai limangku?

DANIEL 3:21

Dipungomi tu tau iato sola tallui situang bayu lamba’na, seppana sia passapunna sia mintu’ tamangkale senga’na, anna dipembuangan tama dapo’ nanii api ma’lana-lana.

DANIEL 3:7

Iamoto iatonna rangimi mintu’ bangsa sia to sangpetayanan sia to ma’rupa-rupa basana tu oni tarompe’, suling, katapi, su’dekan sia dandi sia ma’rupa-rupa oni-onian ta’pa lumbangmi sae rokko padang tu mintu’ bangsa, sia to sangpetayanan sia to ma’rupa-rupa basana umpenombai tu rapang-rapang bulaan iato, tu napabendan datu Nebukadnezar.

DANIEL 5:19

Na diona tu kuasa kapua Nakamaseanni Puang, anna mintu’ bangsa sia to sangpetayanan sia ma’rupa-rupa basana ma’parondo penaanna ungkataku’i, belanna minda-minda tu la napatei, manassa napatei, minda-minda tu la napatuo, manassa napatuo, minda-minda tu la napamatande, manassa napamatande, minda-minda tu la napamadiongan, manassa napamadiongan.

DANIEL 6:7

Mennolomi tu to maraa akkele’na datu sia mintu’ to maraa lompo lako datu sia ma’kada lako kalena umpalaku tonganni nakua: O datu Darius, namasakkemora tu datu sae lakona.

MATIUS 13:42

Anna dipembuangan tama dapo’ nanii api; indemoto nanii katumangiran sia kasisangeran isi.

MATIUS 13:50

Anna pembuanganni tama dapo’ nanii api; indemoto nanii katumangiran sia kasisangeran isi.

MATIUS 4:9

sia nakua ungkuanNi: Mintu’nate la kuben nasangKomi, ke tukkuKomi umpenombaina’.

MARKUS 6:27

Ta’pa nasuami datu tu to ma’peulu kumua la nabaa sae tu ulunna Yohanes. Maleni tinde tau umpoloi ulunna Yohanes lan pa’tarungkuan.

KADA OMBO’ LAKO RASULU’ YOHANES 14:11

sia iatu rambu kadipakario-rioanna kendek langngan tontong sae lakona: tau iato mai tae’ ka’tunna umperasai parri’ allo bongi, iamotu mintu’ to umpenombai olo’-olo’ iato sola rapang-rapang dipodeatanna sia to untarima tanda sanganna.

KADA OMBO’ LAKO RASULU’ YOHANES 9:2

Nabungka’mi tu garonggong posi’ tana lambe’, nasun rambu lan mai posi’ tana lambe’ iato, susi rambu dio mai panglallangan, naurunganni tu mata allo sia langi’ malillin napobua’ rambu posi’ tana lambe’ iato.