DANIEL 3:29 - Sura' Madatu

²⁹ Iamoto angku pa’parentanni, kukua lako mintu’ tau, dio mai mintu’ bangsa ba’tu sangpetayanan ba’tu ma’rupa-rupa basana tae’ duka misa’ dipasalian, ke umpa’kada solangi Kapenombanna Sadrakh, Mesakh na Abednego, tau iato mai la dita’tak-ta’tak sia iatu banuanna la dipopendaun lauan, belanna tae’ tu kapenomban senga’, tu ma’din merampanan susito.

DANIEL 3:29 ပူးပေါင်းရင်းမြစ်များ

2 DATU 10:27

Sia natesse-tesse tu batu dipodeatanna dinii umpenombai Baal sia narondonni tu banuanna Baal anna popekkueranni sae lako totemo.

EZRA 6:11

Sia kupa’parentanpa, kumua minda-minda ullendai te parenta iate, la dilampiran misa’ lentong lan mai banuanna, nadisula sia dipaku lako, nabannang iato nadipopendaun – lauan tu banuanna.

PA’PUDIAN 3:8

Ke’de’Komi, o PUANG, amMi lendokanna’, o Kapenombangku! Belanna mangkamo Mila’pakki tu parangka sadangna ualingku, sia mangkamo Mitepok tu mai isinna to tang mekaaluk.

PA’PUDIAN 76:10

Tonna ke’de’ tu Puang Matua la ma’paolai salu, la ungkarimmanni mintu’ to madiongan penaanna lan te lino. Sela

DANIEL 1:19

Napa’kadaimi datu tu tau iato mai; dio lu mintu’ tu tau iato, tae’ misa’ naappa’ susi Daniel, Hananya, Misael na Azarya; randukmi diala to mase’ponna datu.

DANIEL 1:7

Nasondaimi pangulu to mase’ponna datu tu sanganna tau iato; iatu Daniel nasangaimo Beltsazar, na iatu Hananya nasangaimo Sadrakh, Misael nasangaimo Mesakh, na iatu Azarya nasangaimo Abednego.

DANIEL 2:17

Sulemi tu Daniel lako banuanna umpokadanni solana, iamotu Hananya, Misael na Azarya te iannate,

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

DANIEL 2:49

Napalalomi datu tu palakunna Daniel, anna dipatanggungi tu kaparentan dio propinsi Babel lako Sadrakh, Mesakh sia Abednego, na iatu Daniel tontong lan tongkonan layukna datu.

DANIEL 2:5

Mebalimi tu datu lako to Kasdim nakua: Manda’mo kupamanassa lan penaangku, iake tae’i mipokadanna’ tu tindo iato situang sembangna, manassa la dita’tak-ta’takkomi sia iatu banuammi la disanggang anna daun lauan.

DANIEL 3:12

Den tu ba’tu pira-pira to Yahudi, tu mangkamo naangka’ datu la umparenta propinsi Babel, iamotu Sadrakh, Mesakh sia Abednego; tau iate tae’ nabilangkomi, o datu: iatu mai deatammi tae’ napakarayai, sia iatu rapang-rapang bulaan, tu mipabendan tae’ duka napenombai.

DANIEL 3:15

Kusanga melo, ke naalai penaammi, iammi rangii tu oni tarompe’, suling, katapi, su’dekan, dandi sia suling rapi’ sia ma’rupa-rupa oni-onian, la lumbangkomi sae rokko padang umpenombai tu rapang-rapang dipodeata, tu mangka kugaraga, (tae’ ammi dipatumba-tumba), apa ke tae’i mipenombai, ta’pa dipembuangangkomi tama dapo’, nanii api ma’lana-lana, sia den pole’raka misa’ deata tu ma’din urrampanangkomi lan mai limangku?

DANIEL 3:17

Iake matoto’ siai tu Kapenombangki tu kipenombai la urrampanangkan, manassa la Narampanangkan lan mai dapo’ nanii api ma’lana-lana sia lan mai limammi, datu.

DANIEL 3:28

Ma’kadami Nebukadnezar nakua: Mintu’ kadipudian lu langngan Kapenombanna Sadrakh, Mesakh na Abednego! Nasua tu malaeka’Na sae urrampanan taunNa, tu nanii sande’, tu untengkai tu parentana datu sia umpopa’elo’na batang kalena, belanna moi misa’ deata noka ia umpakarayai ba’tu umpenombai, sangadinna Kapenombanna manna.

DANIEL 6:28

Iamo parampanan sia pakarimmanan sia Ia umpaden tanda kalle-kallean sia tanda mangnga dao lu langi’ sia dao kuli’na padang. Iamo mangka urrampanan Daniel lan mai kuasa singa.

PA’TOLE 32:31

Belanna iatu buntu batunna tau iato mai tae’ nasusi Buntu batunta, iatu ualinta ma’din umpamanassa kalena.