DANIEL 3:28 - Sura' Madatu

²⁸ Ma’kadami Nebukadnezar nakua: Mintu’ kadipudian lu langngan Kapenombanna Sadrakh, Mesakh na Abednego! Nasua tu malaeka’Na sae urrampanan taunNa, tu nanii sande’, tu untengkai tu parentana datu sia umpopa’elo’na batang kalena, belanna moi misa’ deata noka ia umpakarayai ba’tu umpenombai, sangadinna Kapenombanna manna.

DANIEL 3:28 ပူးပေါင်းရင်းမြစ်များ

KADADIAN 9:26

Sia nakuapa ma’kada tu Nuh: Mintu’na kapa’pudian lu langngan PUANG, tu Kapenombanna Sem, na iatu Kanaan la napokaunan!

1 OSSORANNA DATU 5:20

Ditunduimi tu tau iato mai sirari to Hagri, naurunganni iatu to Hagri sola mintu’ solana disorong tama limanna, belanna meongli’ lan kasirarian lako Puang Matua, anNa perangii tu pasambayangna, belanna ma’rannuan lako.

2 OSSORANNA DATU 20:20

Iatonna masiang melambi’, ke’de’mi tu tau iato mai lako padang pangallaran Tekoa. Iatonna ke’de’, malemi lako tingayo tu Yosafat sia ma’kada nakua: Perangiina’, e to Yehuda sia to untongkonni Yerusalem, katappa’i tu PUANG, Kapenombammi, ammi dipamanda’, katappa’i tu mai nabinNa, ammi maupa’.

2 OSSORANNA DATU 32:21

Nassuami PUANG tu misa’ malaeka’ la ussanggangi tu mintu’ pa’barani, arung sia kamandang dio to’ tendana surodadunna datu to Asyur, naurunganni sule lako tondokna natoding siri’. Iatonna tamamo banuanna deatanna, napateimi pa’dang anak dadianna.

EZRA 1:3

Minda-mindakomi tu naala bilangan golonganna taunNa Narondongmira Kapenombanna, anna ke’de’ lako Yerusalem, lili’na Yehuda, anna bangunni tu banuanNa PUANG, Kapenombanna to Israel, Iamo Puang Matua unnisungi Yerusalem.

EZRA 6:11

Sia kupa’parentanpa, kumua minda-minda ullendai te parenta iate, la dilampiran misa’ lentong lan mai banuanna, nadisula sia dipaku lako, nabannang iato nadipopendaun – lauan tu banuanna.

PA’PUDIAN 103:20

Pudimi tu PUANG, e mintu’ malaeka’Na, e mintu’ to lalong, tu umpogau’ kadanNa. Sia umperangii kadanNa!

PA’PUDIAN 147:11

Iatu PUANG Naporai tu to ungkataku’I, sia iatu to urrannuan kamasokananNa.

PA’PUDIAN 33:18

Manassa iatu matanNa PUANG tontong untiro to ungkataku’I, sia to umpeagi kamasokananNa Puang,

PA’PUDIAN 33:21

Iamoto naposendei penaangki, sia iamoto angki posande’i tu sanga maseroNa.

PA’PUDIAN 34:22

Iatu to tang mekaaluk la mate narua kasanggangan, sia iatu to ungkabiri’ to malambu’ la dipakannai salu.

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

KATASSURAN 20:5

Da’ mutukku umpenombai sia da’ mupengkaolai, belanna Akumo PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna, sae lako osso’ ma’pentallunna sia ma’penna’pa’na tu mintu’nato ungkabiri’Na’,

YESAYA 12:2

Inang Puang Matua tu oto’na kamakarimmanangku, marannuna’, sia tae’ kumataku’, belanna PUANG PUANG tu oto’na kamatotorangku sia pa’pudiangku sia Iamo kupomakarimman.

YESAYA 37:36

Attu iato tassu’mi tu Malaeka’Na PUANG, Napateimi tu surodadunna to Asyur saratu’ karua pulona llima sa’bunna. Iatonna millik tu tau melambi’, natiroi tu mintu’nato, batang rabuk mannamo.

YESAYA 50:10

Mindarakomi tu ungkataku’ PUANG sia umperangii kadanna taunNa? Iake lumingkai nakabu’ kamalillinan sia tae’ kamasiangan dio, la urrannuan sanganNa PUANG sia sande’ lako Kapenombanna.

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

DANIEL 3:25

Ma’kadami nakua: Tiromi, kutiro tu a’pa’ tau tilendokmo tu pungona sumalong lan to’ api, tae’ namatumba len, na iatu ma’penna’pa’na iatu rupanna susi bang anak deata.

DANIEL 4:34

Apa iatonna lendu’ nasangmo tu attu iato, mentingaramo’ langngan langi’ tu aku, Nebukadnezar, tibalikmi sule tama kaleku tu tangnga’ kinaangku, iamoto kupudimi tu Puang Patodoranna sia kupakala’bi’mo sia kupangke’mo tu Puang Tuo sae lakona, belanna iatu parentaNa misa’ parenta matontongan sia iatu kadatuanNa tontong siosso’.

DANIEL 6:16

Naparuku tonganmi tau iato mai tu datu nama’kada lako nakua: La miissan datu, kumua iate misa’ atoran napondok to Media sia to Persia, tae’ nama’din disondai len tu misa’ atoran ba’tu parenta, tu mangkamo napatassu’ datu.

DANIEL 6:26

Mangkato massura’mi tu datu Darius lako mintu’ bangsa sia to sangpetayanan sia to ma’rupa-rupa basana, tu untongkonni mintu’ kuli’na padang, nakua: Nakapuamora kamarampasammi.

MATIUS 4:10

Pakalan Nakuami Yesu lako: Sumarombonko mallai, e deata bulituk, belanna den disura’ kumua: La menombako lako Puang Totumampamu sia Ia mammo mupekapuangi.

PENGGAURANNA RASULU’ 4:19

Apa mebali Petrus na Yohanes sia nakua ungkuanni tinde tau: Timbang kalenai, ke la sipatui dio oloNa Puang Matua tu umpalosongi unturu’komi na unturu’ Puang Matua.

PENGGAURANNA RASULU’ 5:19

Apa nabungka’ malaeka’Na Puang tu ba’ba pa’tarungkuan tonna bongi, natassu’i lan mai sia nakua:

ROMA 12:1

Iamoto, e kamu siulu’ku, kupakilalakomi tete dio kamamaseanNa Puang Matua, pennoloanni tu kalemi butung pemala’ tuo sia masero sia Naporai Puang Matua, iamoto tu kamenomban tu siolanan kakinaan.

1 KORINTUS 13:3

Sia moi angku pa’kamasean mintu’ iananku kupapantanni tu to kalala’, sia moi angku sorong kaleku ditunu, apa tae’ angku ampui pa’kaboro’, manassa moi misa’ tae’ gai’na lako kaleku.

FILIPI 1:20

susitu kupiang-piangna sia kurannuanna, kumua tae’ kula kasirisan lan misa’ duka apa, sangadinna la batta’ tonganna’, susitu biasanna, susi dukato tu totemona, la dipakala’bi’ tu Kristus lan kaleku, la tuoku la mateku.

IBRANI 1:14

Tangiaraka kumua mintu’na tu malaeka’ iamo penaa mengkaola lako Puang Matua, tu disua ungkamayai tolino, la umpomana’ kasalamaran?

IBRANI 11:37

Sia ditumbui batu, sia digare’ge’, sia diroso, sia mate dipongko pa’dang, sia salamba-salao ma’tamangkale balulang domba sia balulang bembe’, nakapu’duran sia dipakario-rio sia dipakitai pa’di’.

1 PETRUS 1:21

bannang diomora Kristus, ammi patongan Puang Matua, tu umpamalimbangunNi dio mai to’ to mate sia Naba’gi kamala’biran, naurunganni lu lako Puang Matua tu kapatonganammi sitonda kapa’rannuanammi.

KADA OMBO’ LAKO RASULU’ YOHANES 12:11

Natalomo tau iato mai tu naga tete dio rara Anak domba sia tete dio kada nakatottongi; sia tau iato mai tae’ nadampang sunga’na moi sae lako matena.