DANIEL 3:27 - Sura' Madatu

²⁷ Sirampunmi tu mintu’ to maraa lompo, pangulu, to maraa sia pebangun ada’na datu: natiromi iatu api tae’ nasau’i tu kalena tau iato mai iatu beluakna tae’ namampu’ len, iatu bayu lamba’na tae’ nale’ke’i api, ondongpi tae’ bang nabusasa.

DANIEL 3:27 ပူးပေါင်းရင်းမြစ်များ

1 DATU 13:28

Ke’de’mi male, anna lambi’i tu batang rabuk sumpandan dio lalan; na iatu keledai sola singa bendan bang dio la’pek batang rabuk iato; iatu batang rabuk tae’ anna kande lenni singa, sia tae’ anna dammakki tu keledai.

2 DATU 19:19

Iamoto, o PUANG, Kapenombangki, lendokangkan dio mai kuasanna, anna issanni mintu’ kadatuan lan te lino, kumua Kamu mannari, o PUANG, tu Kapenomban.

PA’PUDIAN 83:18

Da’ito anna kasirisan tu tau iato mai sia tiramban tontong sae lakona, sia da’ito anna maila’ sia anna sanggang.

YESAYA 26:11

O PUANG, tie’te’ tu limamMi, apa tae’ anna mengkilala; apa la mengkilala sia masiri’ diona kamakaritutuamMi lako bangsa iato. Ondongpi iatu api ungkande to umbaliKomi, la ungkande duka tau iato mai.

YESAYA 43:2

Iake ussassangko uai, la Kurondongko, sia iake ullambanko salu, tae’ anna la ungkabu’ko; iake unnolaiko to’ api, tae’ anna la ungkandeko sia tae’ anna la’poiko.

DANIEL 3:21

Dipungomi tu tau iato sola tallui situang bayu lamba’na, seppana sia passapunna sia mintu’ tamangkale senga’na, anna dipembuangan tama dapo’ nanii api ma’lana-lana.

DANIEL 6:23

Iatu Kapenombangku ussua malaeka’Na ungkamummu’i tu sadang singa, anna tae’ napatumba lenna’, belanna tae’ angku sala dio oloNa sia tae’ duka kupogau’ kadake lako kamu, datu.

DANIEL 6:7

Mennolomi tu to maraa akkele’na datu sia mintu’ to maraa lompo lako datu sia ma’kada lako kalena umpalaku tonganni nakua: O datu Darius, namasakkemora tu datu sae lakona.

MATIUS 10:30

Iatu kamu Natoe nasang dukamo iaranna tu beluak dao ulummi.

PENGGAURANNA RASULU’ 26:26

Belanna naissanan nasang datu tu mintu’nato, iamoto angku barani umballakan nasangi lako, tu kukatappa’i kumua mintu’na tu iannato tae’ misa’ tang naissan belanna mintu’na te tae’ nadadi dio lu tondok torro misa.

PENGGAURANNA RASULU’ 27:34

Iamoto kupalakui: kumandekomi, iari to tu la mipobatta’ lessu’ dio mai kasanggangan. Belanna tae’ sanglamba’ beluak la rondon dao mai ulunna misa’ duka tau te kamu sola nasang.

IBRANI 11:34

umpapa’de kamasarrangan api, ullendokan kalena dio mai mata pa’dang, malamma’ anna memmawatang, sia lalong lan kapararian, sia untalo russun mintu’ to pararinna uali naurunganni mallai.