DANIEL 3:26 - Sura' Madatu

²⁶ Malemi tu Nebukadnezar lako to’ ba’ba dapo’, nanii api ma’lana-lana: nama’kada nakua: E Sadrakh, Mesakh na Abednego, kamumo tu taunNa Puang Matua patodoranna, tassu’mokomi mai. Tassu’mi tu Sadrakh, Mesakh na Abednego lan mai to’ api.

DANIEL 3:26 ပူးပေါင်းရင်းမြစ်များ

KADADIAN 14:18

Na iatu Melkisedek, datu Salem umbaa roti sia uai anggoro’; iamo misa’ to minaanNa Puang Patodoranna.

1 DATU 8:51

Belanna iatu tau iato mai taumMi sia mana’Mi, tu mangka Misolan tassu’ lan mai Mesir, lan mai to’ dapo’ bassi.

EZRA 5:11

Mebalimi tu tau iato mai lako kaleki, nakua: Kami te taunNakan Kapenombanna langi’ sola lino, sia kibangunmo sule te banua iate, tu mangka dibangun masai allomo lendu’na, tu nabangun sia napasundun misa’ datu tarompo’na to Israel.

PA’PUDIAN 66:12

Sia Mipopa’elo’na tu tau umpessompoi ulungki, tamamokan to’ api sia to’ uai, apa mangkamokan Mibaa lako sanda malona’na.

YESAYA 28:16

Iamoto anna ma’kada tu Puangta PUANG susite Nakua: Kutanan lan Sion tu batu parandangan, misa’ batu mangka disudi, misa’ batu petau keangga’, tu mangka dibantangi parandanganna; na minda-minda umpatonganni, tae’ anna tigiang len.

YESAYA 52:12

Belanna tae’ ammi la tikara-kara sun sia tae’ ammi la ussarra’i lumingka, belanna PUANG tu la undoloangkomi sia Kapenombanna to Israel tu la undi dio boko’mi.

YEREMIA 11:4

tu Kupepasanan lako nene’ to dolomi to allo Kunii umpatassu’i lan mai tondok Mesir, lan mai dapo’ bassi, Kukua: Perangii tu gamarangKu sia pogau’i tu mintu’ apa tu Kupepasanan lako kalemi, ammi dadi taungKu anna Aku dadi Kapenombammi,

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

DANIEL 3:17

Iake matoto’ siai tu Kapenombangki tu kipenombai la urrampanangkan, manassa la Narampanangkan lan mai dapo’ nanii api ma’lana-lana sia lan mai limammi, datu.

DANIEL 4:2

Naalamo penaangku umpa’peissananni tu mintu’ tanda kalle-kallean sia tanda mangnga, tu mangka Napogau’ Puang Matua patodoranna lako kaleku.

DANIEL 6:20

Millikmi tu datu tonna tilalek masiang, mela’bik tongan anna madomi’ male lako to’ lo’ko’ singa.

DANIEL 6:21

Iatonna reke’mi tu lo’ko’ singa, tang masero bangmo gamaranna tu datu untambai Daniel belanna masussa, anna ma’kada lako Daniel nakua: E Daniel, taunNa Puang Matua matontongan, iatu Kapenombanmu tu tontong mupengkaolai, Narampanan siarokoka dio mai singa?

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

PENGGAURANNA RASULU’ 16:17

Undimi urrundu’ Paulus sia kami, nametamba-tamba nakua: Tau iamote mai tu taunNa Puang Matua patodoranna, tu umpokadangkomi lalan kamakarimmanan.

PENGGAURANNA RASULU’ 16:37

Apa nakua Paulus ungkuanni: Kami te, moi angki to Roma, mangkamokan dibamba dio tingayona to buda sia dipentu’muanan tama pa’tarungkuan, natae’pa napangra’ta’na to mangra’ta’ kara-kara; na totemo la napasoro’ kamama’ bangmokan? Tae’ ia to, na ia kalena ria sae umpasoro’kan.

PENGGAURANNA RASULU’ 27:23

Belanna sangmai’ bongi den malaeka’Na Puang Matua, tu Puang kupopuang sia kupenombai, ke’de’ dio sa’deku,

GALATIA 1:10

Na totemo ussedera’ka tolino, ba’tu Puang Matua? Ba’tu undaka’ra’ka lalan kumua anna poraina’ tolino? Iake mukkunna’ undaka’ lalan kumua anna poraina’ tolino, manassa tangiana’ taunNa Kristus.

PA’TOLE 4:20

apa iatu kamu Naalamokomi PUANG sia Nasolangkomi tassu’ lan mai dapo’ bassi, iamotu Mesir, ammi dadi taunNa, susitu a’gammi te allo iate.

YOSUA 3:17

Apa iatu mintu’ to minaa, tu umbulle patti basseNa PUANG, bendan bantang dio to’ karangkeanna lan tangnga Yordan, anna tongke lamban tu mintu’ to Israel dio to’ karangkeanna sae lako tappunna tu mintu’ bangsa iato ullamban Yordan.

YOSUA 4:10

Iatu mintu’ to minaa, tu umbulle patti, torro bendan lan tangnga Yordan sae lako sundunna tu mintu’ apa Napa’parentan PUANG lako Yosua la umparampoi lako bangsa iato, susitu mintu’ apa napasan Musa lako Yosua. Tikara-karami lamban tu bangsa iato.

KADA OMBO’ LAKO RASULU’ YOHANES 19:5

Denmi gamara dirangi dao mai isungan kapayungan iato nama’kada nakua: Pudi tu Puangta, e kamu mintu’ taunNa tu ungkataku’I, la to bitti’ la to kapua!