DANIEL 3:19 - Sura' Madatu

¹⁹ Attu iato nakabu’mi kare’dekanna ara’na tu Nebukadnezar, sia bali’ tu rupanna sengke lako Sadrakh, Mesakh, na Abednego; mebalimi sia mesua la umpemalassui tonganni tu dapo’ pempitu manglokkon tu malassunna na iatu biasanna.

DANIEL 3:19 ပူးပေါင်းရင်းမြစ်များ

KADADIAN 31:2

Sia natiro Yakub tu lindona Laban, tae’mo namatana susi dolona.

ESTER 3:5

Iatonna tiromi Haman tu Mordekhai kumua tae’ namalinguntu’ sia tukku menomba dio olona, re’dekmi ara’na.

ESTER 7:7

Ke’de’mi tu datu re’dek ara’na, nasoro’i mangiru’ anggoro’, namale tama pa’lak tongkonan layuk; apa iatu Haman torro bendan la umpengkamoyan sunga’na lako datu baine Ester, belanna natandaimo, kumua manassamo tu kasanggangan lako kalena dio mai datu.

PA’PUDIAN 76:10

Tonna ke’de’ tu Puang Matua la ma’paolai salu, la ungkarimmanni mintu’ to madiongan penaanna lan te lino. Sela

SARAMBU PEADA’ 16:14

Iatu kare’dekan ara’na datu iamo pesuanna kamatean, apa iatu to kinaa iamo ussa’poi.

SARAMBU PEADA’ 21:24

Iatu to rombo’ sia matampo, disanga to patelle-telle, iamotu to matampo liu penggauranna.

YESAYA 51:23

Sangadinna la Kupaka’panan to mangka umpakario-rioko sia ungkuangko kumua: Lumbangko angki ponanakanni tu boko’mu; ammu lumbang anna polalanni, sia napobatattai tau tu boko’mu.

DANIEL 2:12

Tete dio tu iannato napobannangi sengke tongan tu datu sia re’dek ara’na, anna mesua umpatei tu mintu’ to paissan dio Babel.

DANIEL 3:13

Sengkemi tu Nebukadnezar sia re’dek tongan ara’na, namesua unnalai tu Sadrakh, Mesakh sia Abednego. Nabaammi tau tu tau sola tallu umpennoloi datu.

DANIEL 3:20

Nasuami tu ba’tu pira-pira muane, tu mawatangna tongan dio mai surodadunna la umpungo Sadrakh, Mesakh na Abednego, napembuanganni tama dapo’, nanii api ma’lana-lana.

DANIEL 5:6

Attu iato bali’mi tu rupanna datu sia iatu tangnga’na umpamagiang penaanna, sia langga’ tu aakna, na iatu guntu’na sigalatuan.

DANIEL 6:24

Attu iato sende tonganmi tu datu, anna mesua kumua la nariu’ tau tu Daniel diong mai lo’ko’; diriu’mi tu Daniel diong mai lo’ko’, na moi misa’ bangkena tae’ diapparan dio kalena, belanna sande’ lako Kapenombanna.

SURA’ KATOMINAAN 26:18

Moi narampoimokomi susito, ke tae’i miperangiiNa’, manassa la Kutompoipa sae lako pempitu, diona kasalammi.

SURA’ KATOMINAAN 26:21

Iake la mieaNa’ sia tae’ miperangiiNa’, manassa la Kupa’dikkikomi pempitu pole’pa makarra’, sitinaya kasalammi.

SURA’ KATOMINAAN 26:24

manassa la Kulaoikomi sia la Kupa’dikki dukakomi pempitu diona kasalammi,

SURA’ KATOMINAAN 26:28

manassa la Kulaoikomi sia la Kuparampoikomi kare’dekan ara’Ku, ondongpi la Kupa’dikkikomi pempitu diona kasalammi.

PENGGAURANNA RASULU’ 5:33

Iatonna rangii tinde tau te kada iate, lendu’mi re’dekna ara’na sia la morai umpatei tu mai rasulu’.

PENGGAURANNA RASULU’ 7:54

Iatonna rangii tinde tau tu iannato, re’dekmi ara’na sia singgarigi’-rigi’ isinna untiroi.