DANIEL 3:15 - Sura' Madatu

¹⁵ Kusanga melo, ke naalai penaammi, iammi rangii tu oni tarompe’, suling, katapi, su’dekan, dandi sia suling rapi’ sia ma’rupa-rupa oni-onian, la lumbangkomi sae rokko padang umpenombai tu rapang-rapang dipodeata, tu mangka kugaraga, (tae’ ammi dipatumba-tumba), apa ke tae’i mipenombai, ta’pa dipembuangangkomi tama dapo’, nanii api ma’lana-lana, sia den pole’raka misa’ deata tu ma’din urrampanangkomi lan mai limangku?

DANIEL 3:15 ပူးပေါင်းရင်းမြစ်များ

2 DATU 18:35

Dio lu mintu’ deatanna tondok iato, mindara ungkullei ullendokan tondokna lan mai kuasangku, naurunganni ma’din dukao tu PUANG urrampanan Yerusalem lan mai kuasangku?

KATASSURAN 32:32

Totemo ke ma’dinni, Mipa’dei salana tau iato mai; iake tae’i, puttaina’ lan mai sura’Mi tu mangka Misura’.

KATASSURAN 5:2

Apa mebali tu Firaun nakua: Mindara tu PUANG, tu sipatu la kuturu’ kadanNa sia unneloranni tu to Israel male? Tae’ kutandai tu PUANG iato sia tang kueloran tu to Israel male.

YESAYA 37:23

Mindara tu mube’se sia mupa’kada solangi, sia mindara mupekapuan gamarammu sia mupasolo’i matammu? Lako To maserona Israel!

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

DANIEL 2:9

Kumua, iake tae’i mibela umpokadanna’ tu tindo iato, iatu ukungammi sangrupari, apa pada situru’mokomi la umpokadanna’ tu apa mo’rang sia buttok, sae lako tileluk senga’ tu apa iato. Pokadammo’ totemo tu tindo iato, angku issanni, kumua mibela sia ussembangi.

DANIEL 3:17

Iake matoto’ siai tu Kapenombangki tu kipenombai la urrampanangkan, manassa la Narampanangkan lan mai dapo’ nanii api ma’lana-lana sia lan mai limammi, datu.

DANIEL 6:16

Naparuku tonganmi tau iato mai tu datu nama’kada lako nakua: La miissan datu, kumua iate misa’ atoran napondok to Media sia to Persia, tae’ nama’din disondai len tu misa’ atoran ba’tu parenta, tu mangkamo napatassu’ datu.

DANIEL 6:20

Millikmi tu datu tonna tilalek masiang, mela’bik tongan anna madomi’ male lako to’ lo’ko’ singa.

MATIUS 10:19

Apa ianna pakendekkomi tau iato, da miposelangi kumua umba la mikua ba’tu apa tu la mipokada, belanna ia bangsiamoto attu iato, nala dipa’kamasean lako kalemi tu sipatunna la mipokada.

MATIUS 27:43

Rannu lakomo Puang Matua, da’ito na Puang Matua duka ungkarimmanNi totemo, ke Naporai Puang Matua; belanna nakua: AnaknaNa’ Puang Matua.

MARKUS 13:11

Apa ianna baakomi la lao napakendek, da miposelang doloi tu la mipokadanna, sangadinna iatu apa dikamaseangkomi ke attu iato, iamo mipokada, belanna tangia kamu tu la ma’kada-kada, sangadinna Penaa Masallo’.

LUKAS 12:11

Iake nabaakomi tau lako olona to ma’kombongan tama banua pa’kombongan, ba’tu lako olona to ma’parenta, ba’tu lako to paa, da miposelangi kumua umba nakua ba’tu apa tu la mipebalian sia apa tu la mipokada;

LUKAS 13:9

Iake membuai keallo, melo, iake tae’i, na iapa to mimane umpopelellengi.

PENGGAURANNA RASULU’ 4:19

Apa mebali Petrus na Yohanes sia nakua ungkuanni tinde tau: Timbang kalenai, ke la sipatui dio oloNa Puang Matua tu umpalosongi unturu’komi na unturu’ Puang Matua.

PENGGAURANNA RASULU’ 5:29

Apa mebali tu Petrus sia iatu mai rasulu’ nakua: Sipatu tau umpalosongi naturu’ tu Puang Matua na iatu tolino.

PENGGAURANNA RASULU’ 6:15

Iatonna pemarangai mintu’ to unno’ko’ lan kombongan tu Stefanus, natiromi tu rupanna susito rupa malaeka’.