DANIEL 3:12 - Sura' Madatu

¹² Den tu ba’tu pira-pira to Yahudi, tu mangkamo naangka’ datu la umparenta propinsi Babel, iamotu Sadrakh, Mesakh sia Abednego; tau iate tae’ nabilangkomi, o datu: iatu mai deatammi tae’ napakarayai, sia iatu rapang-rapang bulaan, tu mipabendan tae’ duka napenombai.

DANIEL 3:12 ပူးပေါင်းရင်းမြစ်များ

ESTER 3:8

Ma’kadami Haman lako datu Ahasweros nakua: Den misa’ bangsa tu tisambo’ sia umpamarimbangan kalena dio lu mintu’ bangsa lan mintu’ propinsi lan kadatuanna puang, sia iatu atoranna bangsa iato sisengaran atoranna mintu’ bangsa, sia iatu atoranna datu tae’ naturu’i, iamoto tae’ nasipatu la naeloran datu torro manaman.

SARAMBU PEADA’ 27:4

Masarrang tu kare’dekan ara’na tau sia nakabu’ kasengkeanna, apa iatu kamangimburuanna minda la unnattai?

TOMANGADA’ 4:4

Kutiro duka, kumua iatu mintu’ sara’ sia mintu’ kamalintaran mengkarang, umpabu’tu kamangimburuanna misa’ tau lako solana; ia duka tu apa iato tae’ gai’na sia susito unnula’ angin.

DANIEL 1:7

Nasondaimi pangulu to mase’ponna datu tu sanganna tau iato; iatu Daniel nasangaimo Beltsazar, na iatu Hananya nasangaimo Sadrakh, Misael nasangaimo Mesakh, na iatu Azarya nasangaimo Abednego.

DANIEL 2:48

Iamoto napamatandemi datu tu Daniel, nakamasei ba’tu sangapa-apa pamengan kapua, anna angka’i dadi to ma’parenta lan mintu’ propinsi Babel sia pangulunna mintu’ to paissan dio Babel.

DANIEL 2:49

Napalalomi datu tu palakunna Daniel, anna dipatanggungi tu kaparentan dio propinsi Babel lako Sadrakh, Mesakh sia Abednego, na iatu Daniel tontong lan tongkonan layukna datu.

DANIEL 3:11

sia minda-minda tae’ nalumbang sae rokko padang sia menomba, la dipembuangan tama dapo’, nanii api ma’lana-lana.

DANIEL 3:16

Mebalimi tu Sadrakh, Mesakh na Abednego lako datu Nebukadnezar, nakua: Kisanga tae’ gai’na umpebaliikomi, moi sangbuku kada.

DANIEL 3:29

Iamoto angku pa’parentanni, kukua lako mintu’ tau, dio mai mintu’ bangsa ba’tu sangpetayanan ba’tu ma’rupa-rupa basana tae’ duka misa’ dipasalian, ke umpa’kada solangi Kapenombanna Sadrakh, Mesakh na Abednego, tau iato mai la dita’tak-ta’tak sia iatu banuanna la dipopendaun lauan, belanna tae’ tu kapenomban senga’, tu ma’din merampanan susito.

DANIEL 3:30

Mangkato nakaduttu’ tonganmi datu tu Sadrakh, Mesakh na Abednego lan propinsi Babel.

DANIEL 6:13

Saemi tu tau iato mai mennolo lako datu nama’kada lako tu diona atoran kadatuan, nakua: Tang mipatassu’moraka tu atoran, kumua minda-minda lan te tallungpulo allona tu umparampo palakunna lako misa’ deata ba’tu tolino, sangadinna lako manna kamu, o datu, tau iato la dipembuangan tama lo’ko’ singa? Mebalimi tu datu nakua: Iatu apa iato dipantokmo situru’ atoran napondok to Media sia to Persia, tu tang diriu’ sule.

DANIEL 6:14

Ma’kadami tu tau iato mai lako datu nakua: Iatu Daniel, misa’i to dipali’ dio mai Yehuda, tae’ nabilangkomi, datu, sia iatu atoran mipatassu’ tae’ naperangii sangadinna massambayangora pentallun sangallo.

PENGGAURANNA RASULU’ 17:7

anna pebanuai Yason! iate tau iate mintu’ umbali-bali parentana datu kapua, nakua: den pole’opa tu datu, Iamotu Yesu.

PENGGAURANNA RASULU’ 5:28

nakua: Tang kipakare’na-re’na tonganrokomika, kumua da mimangada’i tete dio sanga iato? Apa samipatale’-tale’naora tu pangadarammi lan mintu’ Yerusalem, sia la moraikomi umpopa’indo’i dio kaleki tu raraNa Tau iato.