DANIEL 3:1 - Sura' Madatu

¹ Nagaragami datu Nebukadnezar misa’ rapang-rapang bulaan, annan pulona siku malangka’na, anna annan siku tu sangka’na; napabendanni dio padang marantena Dura lan propinsi Babel.

DANIEL 3:1 ပူးပေါင်းရင်းမြစ်များ

1 DATU 12:28

Nabisarami datu tu iannato, anna garagai da’dua anak sapi bulaan, nakuami lako tau iato mai: Lendu’mo maparri’na, ke malekomi langngan Yerusalem; iamote tu deatammi, e to Israel, tu mangka ussolangkomi sun lan mai tondok Mesir.

ESTER 1:1

Iatonna linona Ahasweros, iamotu Ahasweros, tu umparenta saratu’ duangpulo mpitu propinsi, randuk dio India sae lako Etiopia,

PA’PUDIAN 135:15

Iatu rapang-rapang dipodeatanna to kapere’ bulaan sia salaka digaraga, iamo panggaraga tolino.

KATASSURAN 20:23

Iamoto da migaraga rapang-rapang dipodeata miparondonganNa’; da migaragan rapang-rapang dipodeata kalemi, la salaka, la bulaan.

KATASSURAN 32:31

Sulemi tu Musa lako PUANG, anna ma’kada nakua: Ah, iate bangsa iate umpogau’ kasalan kapua, unggaragan kalena deata bulaan.

YESAYA 2:20

Allo ia dukato iatu mai tau la untibe mintu’ rapang-rapang dipodeata salaka sia bulaan tu nagaraga la napenombai, nabuangan balao sola ledo.

YESAYA 30:22

Attu iato la mubilang masareppak tu salaka sapu’na mintu’ rapang-rapang dipodeatammu tu dipa’ sia bulaan sapu’na mintu’ rapang-rapang dipodeatammu tu dipati’no’, sia la mutibean susito sampin marota’, ammu ma’kada: mallaiko.

YESAYA 46:6

Tau iato mai umbolloan bulaan lan mai poro’-poro’ sia untimbang salaka dao timbangan; nasaroi tu pande bulaan, anna garaganni rapang-rapang dipodeata namalinguntu’ menomba dio olona.

YEREMIA 10:9

Iatu salaka dibabak dibaa dio mai Tarsis, na iatu bulaan dio mai Ufas, panggaraga to manarang sia pa’tampa pande bulaan la dikalasaranni sia iatu pakeanna lango-lango sia lango-lango makaseda; mintu’nato pengkarangan to pande.

YEREMIA 16:20

Ma’apai tu tolino anna garagan kapenomban kalena? Apa tangia kapenomban!

DANIEL 2:48

Iamoto napamatandemi datu tu Daniel, nakamasei ba’tu sangapa-apa pamengan kapua, anna angka’i dadi to ma’parenta lan mintu’ propinsi Babel sia pangulunna mintu’ to paissan dio Babel.

DANIEL 2:49

Napalalomi datu tu palakunna Daniel, anna dipatanggungi tu kaparentan dio propinsi Babel lako Sadrakh, Mesakh sia Abednego, na iatu Daniel tontong lan tongkonan layukna datu.

DANIEL 3:14

Ma’kadami tu Nebukadnezar lako tau iato mai nakua: E Sadrakh, Mesakh sia Abednego, miangga’iraka tang umpakarayai tu mai deatangku sia nokarokomika umpenombai rapang-rapang dipodeata, tu kupabendan?

DANIEL 3:30

Mangkato nakaduttu’ tonganmi datu tu Sadrakh, Mesakh na Abednego lan propinsi Babel.

DANIEL 5:23

sangadinna umbali-baliorokomi Puang dao suruga, belanna napatassu’ nabaa tau lan mai banua kabusunganNa lako olomi tu mintu’ pareanan, ammi iru’i uai anggoro’ sola to ma’parentami, bainemi sia gundi’mi sia umpangke’komi rapang-rapang dipodeata salaka, bulaan, tambaga, bassi, kayu sia batu, tu tae’ napatiro sia parangi sia tang paissan, apa iatu Puang Matua, untoe bannang penaammi sia umpasirundunanni tu mintu’ lalanmi, tae’ mipangke’I.

DANIEL 5:4

Unniru’mi anggoro’ anna pudi-pudii tu mintu’ rapang-rapang dipodeata bulaan, salaka, tambaga, bassi sia batu.

HOSEA 2:8

Iamoto la Kuala sule tu gandungKu, ke attu pegandungan sia uai anggoro’ ba’rungKu, ke attunnai, sia la Kusintak tu bulu dombaKu sia batang ramingKu, tu la napaluangan kalena.

HOSEA 8:4

Unnangka’mo datu, apa napasalianNa’, sia unnangka’ arung, natae’ Kuissanni. Iatu mai salakana sia bulaanna nagaragamo rapang-rapang dipodeata napourunganni dipisanni.

HABAKUK 2:19

Upu’ allona tu to ma’kada lako kayu sanglontok, nakua: Malimbangunko sia lako misa’ batu mamang, nakua: Pana’dingko, Ma’dinraka tu apa iato mai la mangada’? Manassa moi disapu’ bulaan sia salaka, apa tae’ duka penaa lan.

PENGGAURANNA RASULU’ 17:29

Belanna bu’tu dioki’ mai Puang Matua, tang sipatu la tasanga susi bulaan ba’tu salaka ba’tu batu digaragai dipaolai kamanarangan sia tangnga’ tolino tu kapuanganNa Puang Matua.

PENGGAURANNA RASULU’ 19:26

Na mitiromo sia mirangimo kumua tangngia inde manna te Efesus, sangadinna kari’ la mintu’mo lili’na Asia nanii te Paulus unna’pan sia umpabalik buda tau, nakua kumua iatu panggaraga tolino tangngia deata.

PA’TOLE 7:25

Iatu rapang-rapang dipodeata dipa’na la miballa; iatu salaka sia bulaan dio rapang-rapang dipodeata iato da mukailui sia da mualai mupoapa, kumua da napoyako, belanna apa iato megallian dio oloNa PUANG, Kapenombammu.

KADA OMBO’ LAKO RASULU’ YOHANES 9:20

Sia mintu’ tolino senga’ tu tae’ napatei te mintu’ kasanggangan iate, tae’ duka namengkatoba’ dio mai penggauranna, kumua da natontong umpenombai mintu’ deata masussu’ sia umpa’deatai bulaan, salaka, tambaga, batu, ba’tu kayu, tu tae’ napakita ba’tu parangi ba’tu lumingka.