DANIEL 2:5 - Sura' Madatu

⁵ Mebalimi tu datu lako to Kasdim nakua: Manda’mo kupamanassa lan penaangku, iake tae’i mipokadanna’ tu tindo iato situang sembangna, manassa la dita’tak-ta’takkomi sia iatu banuammi la disanggang anna daun lauan.

DANIEL 2:5 ပူးပေါင်းရင်းမြစ်များ

2 DATU 10:27

Sia natesse-tesse tu batu dipodeatanna dinii umpenombai Baal sia narondonni tu banuanna Baal anna popekkueranni sae lako totemo.

EZRA 6:11

Sia kupa’parentanpa, kumua minda-minda ullendai te parenta iate, la dilampiran misa’ lentong lan mai banuanna, nadisula sia dipaku lako, nabannang iato nadipopendaun – lauan tu banuanna.

PA’PUDIAN 50:22

Parinaai tu iannate, e kamu to tang ungkilalai Puang Matua, da angKu se’bu-se’bukomi, sia tae’ misa’ tau umbelai untindokkomi.

PA’PUDIAN 58:7

O Puang Matua, nisak-nisakki tu mintu’ isinna lan sadangna tau iato mai, rebong-rebongi tu mintu’ torana anak singa, o PUANG;

DANIEL 2:12

Tete dio tu iannato napobannangi sengke tongan tu datu sia re’dek ara’na, anna mesua umpatei tu mintu’ to paissan dio Babel.

DANIEL 3:29

Iamoto angku pa’parentanni, kukua lako mintu’ tau, dio mai mintu’ bangsa ba’tu sangpetayanan ba’tu ma’rupa-rupa basana tae’ duka misa’ dipasalian, ke umpa’kada solangi Kapenombanna Sadrakh, Mesakh na Abednego, tau iato mai la dita’tak-ta’tak sia iatu banuanna la dipopendaun lauan, belanna tae’ tu kapenomban senga’, tu ma’din merampanan susito.

DANIEL 4:9

E Beltsazar, pangulunna mintu’ to paissan-issan, tu kuissan, kumua natorroiko penaa deata masero, na moi misa’ rasia mukaringanan nasang, iamoto pokadammo’ tu patiro mendeata lan tindoku, tu kutiro, iamotu sembangna.

PA’TOLE 13:16

Iatu mintu’ pangrampa la murampun dio tangngana tana lapang, sia la muballa tu kota iato sola mintu’ pangrampa, dipopemala’ ditunu pu’pu’ lako PUANG, Kapenombammu; iamotu la tontong daun lauan sae lakona sia tae’mo nadibangun pole’.

YOSUA 6:26

Allo iato umpalaomi sumpa Yosua, nakua: La ditampakki ropu dio olona PUANG minda-minda tu ke’de’ umpabendan pole’i te kota Yerikho; iake naparandanganni la sanggang tu anak pa’bunga’na, sia iake napabendanni tu babanganna la sanggang tu anak tampakna.

1 SAMUEL 15:33

Nakuami Samuel: Susitu pa’dangmu umpasisayuran anak ba’tu pira-pira baine, susi dukamoto tu indo’mu la dipasisayuran anak dio lu mintu’na baine. Napateimi Samuel tu Agag, nata’tak-ta’takki dio oloNa PUANG dio Gilgal.