DANIEL 2:4 - Sura' Madatu

⁴ Ma’kadami tu to Kasdim lako datu (ma’basa Arami), nakua: Namasakkemora tu datu sae lakona! pokadanni taummi tu tindo iato, angki sembangi.

DANIEL 2:4 ပူးပေါင်းရင်းမြစ်များ

KADADIAN 31:47

Nasangaimi Yegar-Sahaduta Laban, apa nasangai ia Galed Yakub.

KADADIAN 41:8

Iatonna melambi’ dio mai ma’bara-barami tu ara’na Firaun na mesua untambai mintu’ to paissan-issan sia to patanda-tandan dio tondok Mesir; napokadami Firaun lako tau iato mai tu tindona, apa tae’ bang misa’ unnissanni ussembanganni Firaun.

1 DATU 1:25

Belanna allo iate malemo untunu sapi buda sia patuoan malompo sia domba anna tambai tu mintu’ anakna datu sia mintu’ pangulu rari sia to minaa Abyatar; marassanmo tu tau iato mai kumande sia mangiru’ dio olona, anna ma’kada nakua: Namaupa’mora tu datu Adonia.

1 DATU 1:31

Mengguntu’mi tu Batsyeba anna tukku sae rokko padang sia menomba dio olona datu, anna ma’kada nakua: Namaupa’mora tu puangku datu Daud sae lakona!

2 DATU 18:26

Nakuami tu Elyakim, anakna Hilkia sia Sebna sia Yoah lako kamandang lompo: Melo ke ma’basa Aramkomi umpa’kadaikanni, belanna kitandai sia; ke ma’dinni da mima’basa Yehuda ma’kada lako kaleki dio pa’peranginna mintu’ to buda, tu dao rinding tembo’.

EZRA 4:7

Apa iatonna linona Artahsasta unggaragaimi misa’ sura’ tu Bislam, Mitredat, Tabeel sia iatu sangpangka’ senga’na lako Artahsasta, datu Persia; iatu sura’ iato disura’ lan basa Aram, sibaa misa’ pallemba’na.

NEHEMIA 2:3

Ma’kadamo’ lako datu kukua: Namasakkemora tu datu tontong sae lakona! Umba nakua tang la maru’gun lindoku ditiro, na dio lu kota iamotu inan nanii lamunanna nene’ to doloku, sanggangmo sia iatu babanganna puramo nakande api.

YESAYA 36:11

Nakuami tu Elyakim sia Sebna sia Yoah lako kolonel: Melo ke ma’basa Aramkomi umpa’kadaikanni, belanna kitandai sia; ke ma’dinni da nama’basa Yehuda tu puang ma’kada lako kaleki dio pa’peranginna mintu’ to buda, tu dao tembo’ benteng.

YESAYA 44:25

Akumo tu undampa tanda-tandana to untannun kamo’rangan sia Aku dukamo tu umpatolle mintu’ to pakita-kita; mintu’ to paissan Kupamaling sia iatu kapaissananna baga.

DANIEL 1:4

Iamotu ba’tu pira-pira to mangura, tu tae’ tattanna sia melo pantarisanna, tu kinaa sia paissan sia tarru’ manarang, tu malute untoe pengkarangan lan tongkonan layukna datu, anna ada’i sura’ sia basa to Kasdim tu tau iato mai.

DANIEL 2:7

Mebali pole’omi tu tau iato mai nakua: Melo ke napokadai datu lako te taummi tu tindo iato, angki pokadai tu sembangna.

DANIEL 3:9

Messimanmi tu tau iato nama’kada lako datu Nebukadnezar, nakua: Namasakkemora tu datu sae lakona!

DANIEL 4:19

Sangattu’ to naalami sumangnga tu Daniel, tu diganti Beltsazar, iatu tangnga’na umpamagiang penaanna. Ma’kadami tu datu lako nakua, E Beltsazar, da napamagiangko tu tindo iato sola sembangna. Mebalimi tu Beltsazar nakua: O puangku, kenna iaora tu to ungkabiri’komi napatu tu tindo iato sia kenna ualimmiora narampoi tu sembangna.

DANIEL 4:7

Pakalan saemi tu mintu’ to paissan-issan, to ma’basa-basa to Kasdim sia to pakita-kita, angku uleleananni tu tindoku lako kalena, apa tang naissan umpokadanna’ tu sembangna.

DANIEL 4:9

E Beltsazar, pangulunna mintu’ to paissan-issan, tu kuissan, kumua natorroiko penaa deata masero, na moi misa’ rasia mukaringanan nasang, iamoto pokadammo’ tu patiro mendeata lan tindoku, tu kutiro, iamotu sembangna.

DANIEL 5:10

Iatonna rangimi datu baine tu kadanna datu sia mintu’ to ma’parentana, tamami to’ inan pa’maruasan. Ma’kadami tu datu baine nakua: Namasakkemora tu datu sae lakona! Da naiatu tangnga’mi umpamagiangkomi, sia da nabali’ tu rupammi.

DANIEL 5:8

Iatonna sae nasangmo tu mintu’ to paissanna datu, tae’ bang ungkullei umbasai tu pangoki’ iato sia umpokadanni datu tu battuananna.

DANIEL 6:21

Iatonna reke’mi tu lo’ko’ singa, tang masero bangmo gamaranna tu datu untambai Daniel belanna masussa, anna ma’kada lako Daniel nakua: E Daniel, taunNa Puang Matua matontongan, iatu Kapenombanmu tu tontong mupengkaolai, Narampanan siarokoka dio mai singa?

DANIEL 6:6

Ma’kadami tu tau iato mai nakua: Tae’ bang bannangna takabu’tui la umpa’parampoanni tu Daniel, sangadinna ke diona kapengkaolan langngan Kapenombanna tanii unnappa’ bannangna la umpa’parampoanni.

DANIEL 6:7

Mennolomi tu to maraa akkele’na datu sia mintu’ to maraa lompo lako datu sia ma’kada lako kalena umpalaku tonganni nakua: O datu Darius, namasakkemora tu datu sae lakona.

MATIUS 21:9

Iatu to buda, tu dolona dio tingayoNa sia undinna unturu’I, unnarrak-arrak, nakua: Hosanna tu Anakna Daud, Kurre sumanga’Na tu saeNa umpotete sanganNa Puang, Hosanna dao masuanggana.

1 SAMUEL 10:24

Ma’kadami tu Samuel lako mintu’ tau, nakua: Mitiromoraka tu to Natonno’ PUANG, belanna moi misa’ tau tae’ padanna lan te mintu’ tau. Unnarrak-arrakmi tu mintu’ tau, nakua: La maupa’ tu datu!