DANIEL 2:37 - Sura' Madatu

³⁷ Kamumo, o datu, datunna mintu’ datu, tu Nakamaseimo Puang Matua dao suruga kadatuan sia kuasa sia kamatotoran sia kamala’biran,

DANIEL 2:37 ပူးပေါင်းရင်းမြစ်များ

1 DATU 4:24

Belanna naparenta datu tu mintu’ lili’ indena mai salu Efrat, randuk dio mai Tifsah sae lako Gaza, iamotu mintu’ datu indena mai Salu, anna marampa’ tu datu tiku lao.

2 DATU 25:28

Ma’kada malamma’mi tu datu lako kalena sia napamadao tu kao’koranna na iatu kao’koranna mintu’ datu, tu nasolan dio Babel.

2 OSSORANNA DATU 36:23

Inde sia tu kadanna Koresh, datu Persia: Mintu’ kadatuan dao te kuli’na padang Nakamaseammo’ PUANG, Kapenombanna langi’, sia Napasanmo’ la umbangunanNi misa’ banua dio Yerusalem, lan Yehuda. Minda-mindakomi tu naala bilangan golonganna taunNa-Narondongmira PUANG, Kapenombanna, melo ke malemi.

EZRA 1:2

Inde sia tu kadanna Koresh, datu Persia nakua: Mintu’ kadatuan dao te kuli’na padang Nakamaseammo’ PUANG, Kapenombanna langi’, sia Napasanmo’ la umbangunanNi misa’ banua dio Yerusalem, lan Yehuda.

EZRA 7:12

Iate sura’ iate lu dio mai Artahsasta, datunna mintu’ datu lako tominaa Ezra, to matarru’ lan mintu’ Sukaran alukNa Puang Matua dao suruga, sia senga’-senga’na.

PA’PUDIAN 62:11

Da mirannuanni tu apa mipabu’tu ma’pakario-rio, sia da miparannuan lo’bangi tu apa mipabu’tu mangrampa; iake memba’ka’i tu iananmi, da mipala’ka’ lakoi tu penaammi.

SARAMBU PEADA’ 8:15

Tete diori kaleku anna ma’parenta tu mintu’ datu sia to paa unggaragai atoran malambu’.

YESAYA 10:8

Belanna nakua tu kadanna: Tang sibaaraka datu tu mintu’ arungku?

YESAYA 47:5

Kappako ma’dokko, tamako inan mapattang, e anak dara Kasdim, belanna tae’mo nala unggente’ko tau datu baine undatui mintu’ kadatuan.

YEREMIA 28:14

Belanna inde sia tu kadanNa PUANGna mintu’ ma’dandan maritik, Kapenombanna to Israel, Nakua: Kupapassanni ayoka bassi tu sokkongna mintu’ bangsa iate, la umpengkanorongi Nebukadnezar, datu Babel, na bangsa iato mai mengkanorong lako kalena; moi anna iatu mintu’ olo’-olo’ dio lu padang Kukamasean dukai.

YEREMIA 34:1

Inde sia tu kadanNa PUANG lako Yeremia, tonna Nebukadnezar, datu Babel sia mintu’ surodadunna sia mintu’ kadatuan lan lino tu naluang parentana sia mintu’ bangsa urrarii Yerusalem sia mintu’ kotana tiku lao, kumua:

YEHEZKIEL 26:7

Belanna inde sia tu kadanNa Puangta PUANG, Nakua: Manassa la Kupake’de’ daa mai tu Nebukadnezar, datu Babel, datunna mintu’ datu, sola darang, kareta, pakkanarang, sia surodadu lumingka buda tongan, sae ullaoi Tirus.

DANIEL 1:2

Nasorongmi PUANG tu Yoyakim, datu Yehuda, tama limanna sola tu sangtaan pareanan banuanNa Puang Matua, nabaai lako padang Sinear, napatamai banua deatanna; iatu pareanan iato napatama inan pareanan deatanna.

DANIEL 2:31

Iatu kamu, o datu, mitiromo tu misa’ patiro mendeata, mitiro den misa’ rapang-rapang kapua! Rapang-rapang iato malangka’ sia lendu’ tongan pandillakna; bendan dio olomi, sia lendu’ ia mentakuranna untiroi.

DANIEL 2:44

Lan attunna mintu’ datu iato la Napabendan Puang Matua dao suruga tu misa’ kadatuan tang la sanggang len sae lakona sia iatu parentana kadatuan iato tang la lele len lako bangsa senga’: iamo la unnisak-nisakki sia la umputtai tu mintu’ kadatuan dipokada undinna, apa ia manna ia la marendeng sae lakona,

DANIEL 4:19

Sangattu’ to naalami sumangnga tu Daniel, tu diganti Beltsazar, iatu tangnga’na umpamagiang penaanna. Ma’kadami tu datu lako nakua, E Beltsazar, da napamagiangko tu tindo iato sola sembangna. Mebalimi tu Beltsazar nakua: O puangku, kenna iaora tu to ungkabiri’komi napatu tu tindo iato sia kenna ualimmiora narampoi tu sembangna.

DANIEL 4:22

Iatu kayu iato, kamu bangsiamo datu, tu kapuamo sia matoto’; iatu kataromposammi sakerangngan-rangnganna, naurunganni sumpu langngan langi’ sia iatu kadatuammi sae lako randan langi’.

DANIEL 4:25

La naali’komi tau dio mai sangbilangan tolino na iatu katorroammi la sisola olo’-olo’ dio lu padang; anna pakandekomi tau riu ten to sapi, ammi dipopa’elo’na nasakka’i ambun dao mai langi’; la nalambi’ pempitu attu la minii susito sae lako miakunna, kumua Puang Patodorana ungkuasai kadatuanna tolino sia Nakamasei tu minda-minda Naporai.

DANIEL 4:3

Tumba kapuanna tu tanda kalle-kalleanNa sia tumba kuasanna tu tanda mangngaNa! Iatu kadatuanNa misa’ kadatuan tontong sae lakona sia iatu pekapuanganNa tontong disituran-turananni.

DANIEL 4:32

Sia la naali’ko tau dio mai sangbilangan tolino na iatu katorroammu la sisola olo’-olo’ dio lu padang; anna pakandeko tau riu ten to sapi; sia nalambi’ pempitu attu la munii susito sae lako muakunna, kumua Puang Patodoranna ungkuasai kadatuanna tolino sia Nakamasei tu minda-minda Naporai.

DANIEL 4:34

Apa iatonna lendu’ nasangmo tu attu iato, mentingaramo’ langngan langi’ tu aku, Nebukadnezar, tibalikmi sule tama kaleku tu tangnga’ kinaangku, iamoto kupudimi tu Puang Patodoranna sia kupakala’bi’mo sia kupangke’mo tu Puang Tuo sae lakona, belanna iatu parentaNa misa’ parenta matontongan sia iatu kadatuanNa tontong siosso’.

DANIEL 5:18

O datu, mangkamo Puang Matua, Patodoranna, ungkamasei kadatuan, kataromposan, kadipangkeran sia kamala’biran tu Nebukadnezar, ambe’mi.

DANIEL 7:14

Dikamaseimi kaparentan sia kadipangkeran sia kuasa kabarrealloan, anna mintu’ bangsa sangpetayanan sia ma’rupa-rupa basa mengkaola lako kalena. Iatu kaparentanna la tontong sae lakona, sia tang la pa’de len, sia iatu kadatuanna tang la sanggang len.

HOSEA 8:10

Moi anna tarima pamengan dio lu mintu’ bangsa, manassa la Kurampun tu tau iato mai; sidi’ri la naappa’ kenarannuanni tu kada pangra’ta’na datunna mintu’ arung.

MATIUS 6:13

Sia da Mielorangkanni diroso, sangadinna rinding pala’kan da narandankan deata bulituk. Belanna Kamu tu unnampui Parenta sia kapaan sia kamala’biran sae lakona.

YOHANES 19:11

Nakuami Yesu mebali: Moi misa’ tae’ mibelai ungkuasaiNa’, ke tae’i nalu Dao mai; iamoto iatu to ussorongNa’ lako kalemi, iamo kapuanna kasalanna.

KADA OMBO’ LAKO RASULU’ YOHANES 1:5

sia lu dio mai Yesu Kristus, tu dadi sa’bi maruru’, tu pa’bunga’ tuo dio mai mintu’ to mate, sia dadi Pangulunna mintu’ datu lan te lino. Nalako tu To-umpakaboro’ki’, sia mangkamo ulla’bakki’ raraNa, dio mai mintu’ kasalan,

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.

KADA OMBO’ LAKO RASULU’ YOHANES 19:16

Dio bayu lamba’Na sia dio pupunNa den misa’ sanga disura’ nakua: Datunna mintu’ datu sia Puangna mintu’ puang.

KADA OMBO’ LAKO RASULU’ YOHANES 4:11

O Puang, Kapenombangki, sipatuKomi untoe kadipakala’biran sia kadipangkeran sia kapaan, belanna Kamumo umpadadii tu mintu’ apa sia pa’poraiamMi duka anna den tu mintu’na sia anna dipadadimo.

KADA OMBO’ LAKO RASULU’ YOHANES 5:12

tu ma’kada umpekapuai gamaranna: Sipatu tu Anak domba tu direre’ untarima kuasa sia kasugiran sia kakinaan sia kamatotoran sia kadipangkeran sia kamala’biran sia kadipudian.