DANIEL 2:34 - Sura' Madatu

³⁴ Iatommi marassan ummanta-mantai, pakalan melolinmi tu misa’ batu tang natumbu limanna tau, anna ruai tu lentek rapang-rapang iato, tu bassi sirau losso’ pitti’, anna nisak-nisakki.

DANIEL 2:34 ပူးပေါင်းရင်းမြစ်များ

PA’PUDIAN 118:22

Iatu batu natibemo pande, Iamo mendadi batu petau.

YESAYA 28:16

Iamoto anna ma’kada tu Puangta PUANG susite Nakua: Kutanan lan Sion tu batu parandangan, misa’ batu mangka disudi, misa’ batu petau keangga’, tu mangka dibantangi parandanganna; na minda-minda umpatonganni, tae’ anna tigiang len.

YESAYA 60:12

Belanna iatu bangsa sia kadatuan noka mengkanorong lako kalemu, la sabu’ sia iatu bangsa iato manassa la dimangsanni.

YESAYA 8:9

Maparrangkomi palaoan, e kamu mintu’ bangsa, nake disabu’ikomi; patananni talinga e kamu to randan langi’; selle’i tu la’bo’mi, nake disabu’ikomi; selle’i tu la’bo’mi, nake disabu’ikomi.

YEHEZKIEL 32:28

Apa iko, dio lu to tang disunna’i la munii matindo tita’tak-ta’tak sola tu mintu’ to napatei pa’dang.

YEHEZKIEL 47:5

Nasuka’ poleomi pissan, sangsa’bu siku; totemo dadimo misa’ salu, tu tang kuolamo kulamban, belanna iatu uainna mandalan tonganmo, naurunganni ma’dinmo tau unnorong lan, iamotu misa’ salu tae’mo nakullei nalambanni tau.

DANIEL 2:33

iatu bi’ti’na bassi na iatu lentekna sisese bassi na losso’ pitti’.

DANIEL 7:27

Sia iatu kadatuan sia kuasa sia kataromposanna mintu’ kadatuan diong nasambo langi’ la dikamasean kombonganna tomaseroNa Puang Patodoranna; na iatu kadatuanNa iamo misa’ kadatuan tontong sae lakona, sia mintu’ to kuasa la umpengkaolai sia umperangii.

DANIEL 8:25

Sia tete dio kabulitukanna anna palaloi tu pa’pakenanna; la napakapua tu penaanna, sia nasanggangi buda tu to tae’ namangea. Sia la pabali-bali duka lako Arungna mintu’ arung, apa la sabu’ ia tang narumbu lima.

ZAKHARIA 12:3

Attu iato iatu Yerusalem la Kupadadi misa’ batu tu manassa la naangka’ mintu’ to sangpetayanan; apa mintu’ tu tau unnangka’i, manassa la nabangkei tongan tu kalena. Sia mintu’ bangsa lan te lino la sirampun ullilingi.

ZAKHARIA 4:6

Ma’kadami lako kaleku nakua: Inde sia tu kadanNa PUANG lako Zerubabel Nakua: Tangia tete dio kamatotoran sia tangia tete dio kamasa’garan, sangadinna tete dio PenaangKu, kadanNa PUANGna mintu’ ma’dandan maritik.

MATIUS 16:18

Sia Aku Kukua mati’ kumua, ikomo te tu Petrus, sia dao batu iate la Kunii umpabendan kombongangKu, sia bambana mukkun tae’ nabelai untaloi.

YOHANES 1:13

tu kombong tang lu dio mai rara sia tang lu dio mai kasikamaliranna kale sia tang lu dio mai kamoraianna muane, sangadinna lu dio mai Puang Matua.

PENGGAURANNA RASULU’ 4:11

Iatu Yesu iamora batu misayu kamu pande, mendadimo batu parandangan.

2 KORINTUS 5:1

Belanna taissan kumua iake dirondonnimi tu tenda tanii torro lan te lino, la unnappa’ki’ misa’ banua lu dio mai Puang Matua dao suruga, la tanii torro, tu tangngia panggaraga lima, sangadinna tontong sae lakona.

IBRANI 9:24

Belanna iatu Kristus tangia tamamo inan maindan panggaraga lima, tu rapang-rapang batangna inan maindan, sangadinna tama batang suruga, la mennolo totemo dio oloNa Puang Matua belanna kita.

1 PETRUS 2:7

Iamoto iatu kamu ma’patonganna mipakeangga’, apa iatu tang ma’patonganna napatu te kada iate: iatu batu natibe pande, ia bangsiamo mendadi batu petau,

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.