DANIEL 2:28 - Sura' Madatu

²⁸ Apa den misa’ Kapenomban dao suruga, tu umpaombo’ mintu’ rasia. Iamo umpamanassai lako datu Nebukadnezar tu apa la dadi allo undi. Inde sia tu tindomi sia mintu’ patiro mendeatammi, tu bu’tu dio pentiromi dao katindoammi.

DANIEL 2:28 ပူးပေါင်းရင်းမြစ်များ

KADADIAN 40:8

Nabalimi nakua: Mangkakan ma’tindo, apa tae’ misa’ tau indete la ussembangi. Nakuami tu Yusuf lako: Tang Puang Matuaraka umpoissanni tu battuananna; pokadan siana’ mai tu tindomi.

KADADIAN 41:16

Mebalimi tu Yusuf lako Firaun: Tae’ naaku umpoissanni te, Puang Matua Ia la umpokadai tu la napomelona Firaun.

KADADIAN 41:25

Ma’kadami tu Yusuf lako Firaun nakua: Iate tindona Firaun misa’ bangsiari, iatu apa Napaden Puang Matua, Napaissanan Firaun.

KADADIAN 49:1

Undinnato natambaimi Yakub tu mintu’ anakna nakua: Sirampunkomi la kupokadangkomi tu apa la urrampoikomi undinna.

PA’PUDIAN 115:3

Iatu Kapenombangki dao mai suruga, mintu’ pa’poraianNa Napogau’ Ia.

YESAYA 2:2

La dadi undinna, kumua iatu buntu nanii banuanNa PUANG, la bantang ten to buntu malangka’ untongloi mintu’ buntu, anna mintu’ bangsa lolong lako.

YEREMIA 10:7

Mindara tu la tang ungkataku’Komi, o Datunna mintu’ bangsa? Manassa Kamu tu sipatu dikataku’! Belanna dio lu to matarru’na mintu’ bangsa sia mintu’ datunna tau iato mai tae’ tu padamMi.

YEREMIA 30:24

Tae’ nala toyang tu kare’dekanNa PUANG, ke tae’pi nadipalalo sia diparampo randanna tu tanan penaanNa; iake nalambi’mi ma’katampakanna, manassa la mitandai.

YEREMIA 48:47

Apa allo ma’katampakanna la Kupopembali tu toto’na Moab, kadanNa PUANG. Rampo indete dinii ussa’bu’i tu ukunganna Moab.

YEHEZKIEL 28:3

Manassa matarru’ko anna Daniel, moi misa’ rasia tae’ kabunian dio paissanmu;

YEHEZKIEL 38:16

sia la ke’de’ko ullaoi Israel, taungKu, susito misa’ gaun ussamboi padang. Lan attu la sae la Kupake’de’ko ullaoi tondokKu, anna tandaiNa’ mintu’ bangsa, ke Kupamanassai lako kalemu, e Gog, dio pentirona tau iato mai, kumua Akumo tu To maindan.

YEHEZKIEL 38:8

Iake lendu’mi ba’tu sangapa-apa attu, maneroko dipokadan parenta; iake nalambi’mi tu taun la sae, la ke’de’moko ullaoi tu tondok iato, tu mangka dipasule dio mai kasirarian, iamotu misa’ bangsa, tu mangka dipasipulung dio mai mintu’ bangsa dao buntunna Israel, tu masaimo mempadang talo, apa disolammo sun dio mai mintu’ bangsa; anna torro marampa’ sola nasang.

DANIEL 1:20

Na lan mintu’na apa diona kamatarrusan sia kapaissanan, tu napekutanan datu lako kalena, naappa’mi datu kumua losong ia pessangpulo manarangna na iatu mintu’ to paissan-issan sia to ma’basa-basa lan mintu’ kadatuanna.

DANIEL 10:14

Na totemo saemo’ umpaissanniko tu diona apa la urrampoi bangsamu, ke allo ma’katampakannai; belanna den dukapa tu patiro mendeata diona tu allo la sae.

DANIEL 2:18

anna ma’kada kumua la umpalaku kamamasean lako Puang Matua dao suruga diona te rasia iate, kumua na iatu Daniel sola to nasolan da nadipatei sola to paissan torronapa dio Babel.

DANIEL 2:22

Ia umpaombo’i tu apa tang dilambi’ la diissan sia apa kabunian, Naissan duka tu apa lan malillinna sia siayoka kamasiangan.

DANIEL 2:44

Lan attunna mintu’ datu iato la Napabendan Puang Matua dao suruga tu misa’ kadatuan tang la sanggang len sae lakona sia iatu parentana kadatuan iato tang la lele len lako bangsa senga’: iamo la unnisak-nisakki sia la umputtai tu mintu’ kadatuan dipokada undinna, apa ia manna ia la marendeng sae lakona,

DANIEL 2:45

susitu mitiro tongan, misa’ batu, tang natumbu limanna tau, melolin dao mai buntu, anna nisak-nisakki tu bassi, tambaga, losso’ pitti’, salaka sia bulaan. PUANG Matua pasareongan mangka umpaissanni datu tu apa la dadi undi; tongannamo tu tindo sia tang balle tu sembangna.

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

DANIEL 4:5

Ta’kala angku ma’tindo, kupotirambanni; iatu apa kutiro lan tindoku dao katindoangku sia iatu patiro mendeata, tu bu’tu dio pentiroku umpamagiangna’.

HOSEA 3:5

Undinnato la mengkatoba’ tu to Israel, sia undaka’ PUANG Kapenombanna, sia Daud datunna, na sae mennolo ma’parondo tu tau iato mai lako PUANG sia lako kameloanNa, – lan attu la sae.

AMOS 4:13

Belanna tonganna Puangmo tu ungkombong buntu sia umpadadi angin, sia umpokadanni tolino tu apa lan penaanna, sia umpopemmalillinni tu arrang melambi’, sia unnola inan madao dao kuli’na padang – PUANG, Kapenombanna mintu’ ma’dandan maritik, iamoto tu SanganNa.

KADIBILANGAN 24:14

Na totemo tiromi, la ke’de’mo’ sule lako bangsaku, iamoto melo ke kupa’nubuarangkomi apa tu la naparampoanni bangsa iate tu bangsami.

MATIUS 6:9

Iamoto dadi la mikua massambayang: O Ambe’ki dao suruga, (kipalaku) anna dipakala’bi’ tu sangamMi:

PA’TOLE 31:19

Iamoto sura’i te sengo, ammu adaranni to Israel sia pamalutei dio pudukna, kumua, nasengo iate Kuposa’bi umpasala to Israel.

PA’TOLE 4:30

Iake masussako narampoi te mintu’ apa iate lan attu la sae, manassa la mengkatoba’ko lako PUANG, Kapenombammu, ammu perangii.

2 TIMOTIUS 3:1

Sipatu la muissan, kumua iake attu ma’katampakanna la sae tu attu maparri’ tongan.

IBRANI 1:1

Iatonna mangkamo ma’kada tu Puang Matua tonna dolo-dolona lako nene’ to dolota tu ba’tu pempiran-piran nalaoan nabi-nabi sia ma’rupa-rupa lalan Napake dio randan pudukna nabi-nabi,

2 PETRUS 3:3

Ma’iringanna la mikilalai te iannate, kumua iake ma’katampakanna attu la sae ba’tu pira-pira to patelle sibaa petellena, tu umpalolang kalena unturu’ kamailuanna,

KADA OMBO’ LAKO RASULU’ YOHANES 1:1

Iamote tu kada ombo’ dio mai Yesu Kristus, tu NakamaseanNi Puang Matua, dikua anNa pakitanni mintu’ taunNa tu mintu’ apa inang manassa la dadi madoi’: Nasuami tu malaeka’Na umpamanassanni Yohanes, taunNa.