DANIEL 2:21 - Sura' Madatu

²¹ Ia duka umpopembali pentaunan sia attu. Ia untassu’i datu, Ia duka unnangka’i, Ia duka ungkamasei kakinaan tu to kinaa sia kapaissanan tu to paissan.

DANIEL 2:21 ပူးပေါင်းရင်းမြစ်များ

1 DATU 10:24

Mintu’ issinna lino morai tongan la umpessitiroi Salomo la umperangii kakinaanna, tu mangka Natanan Puang Matua lan penaanna.

1 DATU 3:28

Iate pangra’ta’na datu narangi mintu’ to Israel, nakabangnga’mi tu datu, belanna natiro kumua den kamatarrusanNa Puang Matua lan ba’tengna, la ma’paolai salu.

1 DATU 4:29

Sia Naben Puang Matua kakinaan tu Salomo sia kamatarrusan kapua tongan sia kapaissanan maluangan susi bungin dio randan tasik,

1 OSSORANNA DATU 22:12

Ondongpi la Nakamaseiko PUANG kamatarrusan sia kapaissanan, sia la Naangka’ko umparenta to Israel, ammu karitutui tu sukaran alukNa PUANG, Kapenombammu.

1 OSSORANNA DATU 29:30

sola mintu’ kadatuanna sia kuasanna sia iatu mintu’ apa urrampoi datu sia Israel na mintu’ kadatuan dio lu padang senga’.

ESTER 1:13

Ma’kadami tu datu lako mintu’ to paissan tu unnissanni tu attunna, belanna susimoto tu kabiasan la umparampo a’ganna datu lako to untandai atoran sia salunna.

AYUB 12:18

Nako’ka’i tu rante napa’pungoan datu, sia Napungo Puang tu aakna datu.

KATASSURAN 31:3

tu Kuponnoi PenaanNa Puang Matua, iamotu kakinaan, pa’inaan sia kapaissanan lan mintu’ pengkarangan lima,

KATASSURAN 31:6

Akumo umpasolai Aholiab, anakna Ahisamakh, dio mai suku Dan; iatu penaanna to pande Kupatamaimo kakinaan, la ungkarangi tu mintu’ apa Kupesuan lako kalemu.

DANIEL 1:17

Nakamaseimi Puang Matua kapaissanan, kamatarrusan untandai mintu’ sura’ sia kakinaan tu to mangura sola a’pa’i, na iatu Daniel matarru’mo untandai ma’rupa-rupa patiro mendeata sia tindo.

DANIEL 10:1

Iatonna taun ma’pentallunna parentana Koresh, datu Persia, dipaombo’mi misa’ kada lako Daniel, tu diganti Beltsazar, iatu kada iato iamo kamanapparan sia ussa’bu’ kamaparrisan kapua. Napalan penaami tu kada iato sia napariba’teng tu patiro mendeata.

DANIEL 11:6

Ba’tu pirang-pirang taun undinnato la sibassemi sola duai; iatu anakna baine datu rampe Lo’na lu la sae lako datu rampe Daanna lu la sitama, apa tae’ nala untoe manda’i tu kamatotoranna kuasanna, sia tae’ duka nala bendan matoto’ tu kuasanna datu rampe Daanna lu; iatu baine iato la ditibe, susi dukato tu to nasolan, sia iatu to padadianna sia iatu to umpobainei.

DANIEL 2:20

Umpakendekmi pa’pudi-pudian tu Daniel, nama’kada nakua: Mintu’ kadipudian lu lako sanganNa Puang Matua tempon dio mai landa’ lako attu situran, belanna Ia unnampui kakinaan sia kamatotoran.

DANIEL 2:23

Kamu, o Kapenombanna nene’ to doloku, tu kupudi sia kupakala’bi’, belanna mangkamoKomi ungkamaseina’ kakinaan sia kamatotoran, sia Mipokadammo’ totemo tu apa kipalaku lako Kalemi, belanna Mipaombo’mo lako kaleki tu diona a’ganna datu.

DANIEL 2:9

Kumua, iake tae’i mibela umpokadanna’ tu tindo iato, iatu ukungammi sangrupari, apa pada situru’mokomi la umpokadanna’ tu apa mo’rang sia buttok, sae lako tileluk senga’ tu apa iato. Pokadammo’ totemo tu tindo iato, angku issanni, kumua mibela sia ussembangi.

DANIEL 4:14

Metambami umpekapuai gamaranna, nakua: Lellengi tu kayu iato sia totoi tu tangkena, purru’i tu mai daunna, samboranni tu buanna; namallai nasang tu mintu’ olo’-olo’ diong sia manuk-manuk dao mai tangkena.

DANIEL 4:17

Iate parenta iate napamatu’tunmo mintu’ to ma’kampa na iatu iannate nalampakmo to masero, anna tandai mintu’ to tuo, kumua Puang Patodoranna ungkuasai tu kadatuan tolino sia Nakamasei minda-minda tu Naporai, ondongpi ma’din natokko tu to tarru’ madiongan dio lu tolino lan kadatuan iato.

DANIEL 4:22

Iatu kayu iato, kamu bangsiamo datu, tu kapuamo sia matoto’; iatu kataromposammi sakerangngan-rangnganna, naurunganni sumpu langngan langi’ sia iatu kadatuammi sae lako randan langi’.

DANIEL 4:32

Sia la naali’ko tau dio mai sangbilangan tolino na iatu katorroammu la sisola olo’-olo’ dio lu padang; anna pakandeko tau riu ten to sapi; sia nalambi’ pempitu attu la munii susito sae lako muakunna, kumua Puang Patodoranna ungkuasai kadatuanna tolino sia Nakamasei tu minda-minda Naporai.

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

ROMA 13:1

Mintu’na tau pantan la umpopengkanorong kalena lako mintu’ to pabaa ungkuasai. Belanna tae’ naden tu kuasa ke tang lu dioi mai Puang Matua; na iatu kuasa inang denmo pura Nalampakmo Puang Matua.

1 KORINTUS 1:30

Apa bannang dio mai Puang Matua ammi lan Kristus, tu mendadi kakinaan tapokinaa dio mai Puang Matua sia kamaloloan sia kadiseroian sia kadila’bakan;

YAKOBUS 1:17

Iatu mintu’na pamengan sia mintu’na pa’kamase lu dao mai, songlo’ dao mai Ambe’, oto’na mintu’ parrangna dao langi’, Iamotu tang membali sia tae’ natimbayo len katileleanNa.

YAKOBUS 1:5

Anna iake denkomi tu tang kinaa, sipatu la napalaku lako Puang Matua, tu umpa’kamasean bangi lako mintu’ tau sia tang Napopeko’to’, manassa la Napa’kamasean lako kalena.

KADA OMBO’ LAKO RASULU’ YOHANES 19:16

Dio bayu lamba’Na sia dio pupunNa den misa’ sanga disura’ nakua: Datunna mintu’ datu sia Puangna mintu’ puang.