DANIEL 2:18 - Sura' Madatu

¹⁸ anna ma’kada kumua la umpalaku kamamasean lako Puang Matua dao suruga diona te rasia iate, kumua na iatu Daniel sola to nasolan da nadipatei sola to paissan torronapa dio Babel.

DANIEL 2:18 ပူးပေါင်းရင်းမြစ်များ

KADADIAN 18:28

Umbai iato limangpulo to malambu’ sosso’ lima, ma’apai anNa la ussanggangi dukai Puang tu tondok iato, belanna sosso’ lima tau? Nakuami Puang: Iake denni Kuappa’ patangpulo llima lan, tae’ angKu sanggangi tu tondok iato.

PA’PUDIAN 136:26

Pudimi tu Kapenomban dao suruga, belanna iatu kamasokananNa tang tileluk sae lakona.

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

PA’PUDIAN 91:15

Ianna meongli’ ussa’bu’na’, la Kubalii; sia la Kurondong lan mintu’ kamandasanna, la Kurampanan sia la Kupamala’bi’.

YESAYA 37:4

Naperangii sia manii PUANG, Kapenombangki tu mintu’ kadanna kolonel, tu nasua puangna, datu Asyur, uparampoangki’, kumua anna be’sei tu Puang Matua matontongan, anNa ukungi Puang tu belanna kada iato Narangimo PUANG, Kapenombammi; melo ke mipassambayanganni tu to torro siapa, tu denna siapa.

YEREMIA 33:3

Meongli’ko lako Kaleku, angKu pebaliiko sia la Kupokadangko tu apa kapua tu tang dipebuyu’, tu tae’ mutandai.

YEHEZKIEL 36:37

Inde sia tu kadanNa Puangta PUANG, Nakua: Iate iannate la Kupalalo duka tu pengkamoyana to Israel, kumua la Kupopemba’ka’ tu tau iato mai, na iatu bilanganna la pada tuntunan domba budanna.

DANIEL 2:23

Kamu, o Kapenombanna nene’ to doloku, tu kupudi sia kupakala’bi’, belanna mangkamoKomi ungkamaseina’ kakinaan sia kamatotoran, sia Mipokadammo’ totemo tu apa kipalaku lako Kalemi, belanna Mipaombo’mo lako kaleki tu diona a’ganna datu.

DANIEL 3:17

Iake matoto’ siai tu Kapenombangki tu kipenombai la urrampanangkan, manassa la Narampanangkan lan mai dapo’ nanii api ma’lana-lana sia lan mai limammi, datu.

DANIEL 4:26

Apa iatu napokada tau tu diona garonto’ panglellengan mennuaka’, la dipatorropa lan padang, iamo battuananna to, kumua iatu kadatuammi la bantang temponna miaku, kumua iatu suruga unnampui kaparentan.

YUNUS 1:9

Ma’kadami lako tau iato mai nakua: Iate aku te to Ibrani sia umpenombaina’ PUANG, Kapenomban dao suruga, tu mangka ungkombong tasik sia karangkean.

MALEAKHI 3:18

Attu iato la balik tu penaammi, ammi tiroi tu kasisengaranna to malambu’ sia to kelok, sia kasisengaranna minda tu mengkaola lako Puang Matua na minda tu tae’ namengkaola lako Kalena.

MATIUS 18:12

Umba nakua tu misanganna? Ke denni tau misa’ unnampui domba saratu’, anna pusa tu misa’, tae’raka nala untampei tu kaseranna pulona ngkasera dao lu tanete, anna male undaka’i tu pusanna misa’?

MATIUS 18:19

Sia Kukua duka lako kalemi: Iake denkomi da’dua lan lino sanginaa umpalaku ba’tu apa-apa, la Napadenangkomi Ambe’Ku dao suruga tu iannato.

PENGGAURANNA RASULU’ 12:4

Iatonna tingkanni, napatamami pa’tarungkuan sia nasorong lako sangpulo annan surodadu ungkampai sisonda sia’pa’-a’pa’, nasanga la napopennolo lako to buda ke lendu’i pa’gauran Pasa.

ROMA 15:30

Apa kupakilalakomi, tete dio Puangta Yesu Kristus sia tete dio pa’kaboro’Na Penaa Masallo’, (e kamu siulu’ku), pengkullei umpassambayanganna’ lako Puang Matua,

2 PETRUS 2:9

iake susito, payanmo kumua Naissan Puang urrampanan mintu’ to mengkaola lan mai kadirosoan, sia umpattang mintu’ to kelok penaanna sae lako allo pangukungan, anNa pakario-rioi,

1 SAMUEL 17:37

Sia nakuapa Daud: Iatu PUANG, tu urrampananna’ dio mai kanuku singa sia dio mai kanuku beruang, Ia duka la urrampananna’ dio mai limanna to Filistin iatu. Ma’kadami Saul lako Daud: Malemoko, na PUANGmora urrondongko.