DANIEL 2:14 - Sura' Madatu

¹⁴ Mennolomi tu Daniel situang kamanaranganna sia ma’sipa’ melo lako Ariokh, pangulu to ma’kampana datu, tu tassu’mo la umpatei tu mintu’ to paissan dio Babel.

DANIEL 2:14 ပူးပေါင်းရင်းမြစ်များ

KADADIAN 37:36

Nabalukmi to Midian tu Yusuf dio tondok Mesir lako Potifar, parea mase’ponna Firaun, pangulu pekampa tongkonan layuk.

YEREMIA 39:9

Iatu to torronapa, tu lan siapa kota sia mintu’ to menta’pa, tu malemo umpenta’pai, narampa Nebuzaradan, pangulu to ma’kampa nasolanni lako Babel.

YEREMIA 52:12

Iatonna bulan ma’pellima, allo ma’pessangpulo bulan iato, iamotu taun ma’pessangpulo kaseranna kadatuanna Nebukadnezar, datu Babel, saemi lako Yerusalem tu Nebuzaradan, pangulu to ma’kampa, tu mareke’na datu Babel.

YEREMIA 52:14

Iatu rinding tembo’ Yerusalem tiku lao natuan nasangmo mintu’ surodadu to Kasdim tu nasolan pangulu to ma’kampa.

DANIEL 2:15

Ma’kadami lako Ariokh, to makuasanna datu, nakua: Ma’apari anna patassu’ri datu tu parenta makarra’ susito? Napokadami Ariokh tu iannato lako Daniel.

DANIEL 2:24

Iamoto malemi tu Daniel lako Ariokh, tu mangka nasua datu la umpatei to paissan dio Babel; malemi anna ma’kada lako nakua: Da mipatei tu mintu’ to paissan dio Babel, solanna’ umpennoloi datu, angku pokadanni datu tu sembang tindona.