DANIEL 2:12 - Sura' Madatu

¹² Tete dio tu iannato napobannangi sengke tongan tu datu sia re’dek ara’na, anna mesua umpatei tu mintu’ to paissan dio Babel.

DANIEL 2:12 ပူးပေါင်းရင်းမြစ်များ

AYUB 5:2

Tonganna iatu kamapa’diran penaa umpamate to baga sia kapangimburuan umpamatei tu to tang paissan.

PA’PUDIAN 76:10

Tonna ke’de’ tu Puang Matua la ma’paolai salu, la ungkarimmanni mintu’ to madiongan penaanna lan te lino. Sela

SARAMBU PEADA’ 16:14

Iatu kare’dekan ara’na datu iamo pesuanna kamatean, apa iatu to kinaa iamo ussa’poi.

SARAMBU PEADA’ 19:12

Iatu kasengkeanna datu susito burrungna singa mangura, apa iatu kamasokananna susito ambun dio to’ riu.

SARAMBU PEADA’ 20:2

Iatu pa’garrakna datu susito burrungna singa mangura, minda-minda untengkai, tang ungkatirinnai katuoanna.

SARAMBU PEADA’ 29:22

Iatu to arasan umpabu’tu kasigagan sia iatu to tarru’ ara’ umpogau’ buda penggauran kadake.

DANIEL 2:24

Iamoto malemi tu Daniel lako Ariokh, tu mangka nasua datu la umpatei to paissan dio Babel; malemi anna ma’kada lako nakua: Da mipatei tu mintu’ to paissan dio Babel, solanna’ umpennoloi datu, angku pokadanni datu tu sembang tindona.

DANIEL 2:5

Mebalimi tu datu lako to Kasdim nakua: Manda’mo kupamanassa lan penaangku, iake tae’i mipokadanna’ tu tindo iato situang sembangna, manassa la dita’tak-ta’takkomi sia iatu banuammi la disanggang anna daun lauan.

DANIEL 3:13

Sengkemi tu Nebukadnezar sia re’dek tongan ara’na, namesua unnalai tu Sadrakh, Mesakh sia Abednego. Nabaammi tau tu tau sola tallu umpennoloi datu.

DANIEL 3:19

Attu iato nakabu’mi kare’dekanna ara’na tu Nebukadnezar, sia bali’ tu rupanna sengke lako Sadrakh, Mesakh, na Abednego; mebalimi sia mesua la umpemalassui tonganni tu dapo’ pempitu manglokkon tu malassunna na iatu biasanna.

DANIEL 5:19

Na diona tu kuasa kapua Nakamaseanni Puang, anna mintu’ bangsa sia to sangpetayanan sia ma’rupa-rupa basana ma’parondo penaanna ungkataku’i, belanna minda-minda tu la napatei, manassa napatei, minda-minda tu la napatuo, manassa napatuo, minda-minda tu la napamatande, manassa napamatande, minda-minda tu la napamadiongan, manassa napamadiongan.

MATIUS 2:16

Undinna tonna issanmi Herodes kumua napakena to patanda-tandan, lendu’mi sengkena, nasuami tu tau lao umpatei tu mintu’ pia’-pia’ muane, tu lanna tondok Betlehem sia lan mintu’ lili’na, tu ma’angge duang taunnamo dadinna, naagian dio mai tu mangkanna napesumpu lako to patanda-tandan.

MATIUS 5:22

Apa Aku Kukua mati’ kumua: minda-minda tae’ natore kasengkeanna lako siulu’na, la napakannai ukungan ada’; sia minda-minda tu ma’kada lako siulu’na kumua: E baga! La napakannai ukungan ada’ lompo; sia minda-minda tu kumua: E to bomboan? La nakanna ukungan tama api naraka.