DANIEL 2:1 - Sura' Madatu

¹ Iatonna taun ma’penduan kaparentanna Nebukadnezar, ma’tindomi tu Nebukadnezar; napomagiangmi penaanna tu tindo iato, anna tang mamma’mo.

DANIEL 2:1 ပူးပေါင်းရင်းမြစ်များ

ESTER 6:1

Bongi iato pa’demi tu tikkaru’du’na datu. Mesuami umpopebaai tu sura’ kapengkilalan, iamotu sura’ ossoran, anna basai tau iato mai dio olona datu.

YEREMIA 25:1

Iamote tu kada urrampoi Yeremia diona mintu’ bangsa Yehuda, tonna taun ma’penna’pa’na ma’parenta tu Yoyakim, anakna Yosia, datu Yehuda, iamo tonna taun pamulanna Nebukadnezar ma’parenta dio Babel,

DANIEL 2:3

Ma’kadami tu datu lako tau iato mai, nakua: Mangkamo’ ma’tindo sia magiangmo penaangku la morai untandai.

DANIEL 4:2

Naalamo penaangku umpa’peissananni tu mintu’ tanda kalle-kallean sia tanda mangnga, tu mangka Napogau’ Puang Matua patodoranna lako kaleku.

DANIEL 4:5

Ta’kala angku ma’tindo, kupotirambanni; iatu apa kutiro lan tindoku dao katindoangku sia iatu patiro mendeata, tu bu’tu dio pentiroku umpamagiangna’.

DANIEL 5:9

Lendu’mi magiangna tu datu Belsazar sia bali’ tu rupanna; sia mintu’ to ma’parentana tiramban nasang.

DANIEL 6:18

Nabaami tau tu misa’ batu, natuturanni tu baba lo’ko’ iato, naca’i sissin peca’na datu sia sissin peca’na to ma’parentana dikua da nadipogau’ tu senga’na diona Daniel.

DANIEL 7:1

Iatonna taun pamulanna kadatuanna Belsazar, datu Babel, ma’tindomi tu Daniel sia natiro tu pentiro mendeata, tu bu’tu dio pentirona dao katindoanna. Nasura’mi tu tindo iato. Inde sia tu pamulanna tu kada iato.

DANIEL 7:15

Tigiang tu penaangku lan ba’tengku, te aku, Daniel, sia napatirambanna’ tu mintu’ patiro mendeata, tu bu’tu dio pentiroku.