DANIEL 12:9 - Sura' Madatu

⁹ Apa ma’kada nakua: Malemoko, e Daniel, belanna mintu’ apa iate la manda’ dibuni sia dica’ sae lako attu ma’katampakanna.

DANIEL 12:9 ပူးပေါင်းရင်းမြစ်များ

YESAYA 29:11

Iamoto anna mintu’ tu apa dipasombo, la sangtinti kada lan sura’ dica’ lako kalemi, tu diben to manarang ma’basa nakua: Basaika ade’ te, apa mebali nakua: Tang kubela, belanna iate sura’ manda’ tica’.

YESAYA 8:16

Lulunni muporii tu kada dipaombo’ sia ca’i tu pepasan dio lu to’ anak gurungku.

DANIEL 10:14

Na totemo saemo’ umpaissanniko tu diona apa la urrampoi bangsamu, ke allo ma’katampakannai; belanna den dukapa tu patiro mendeata diona tu allo la sae.

DANIEL 11:40

Apa iake attu ma’katampakannai la sae tu datu rampe Lo’na lu urrarii tu datu rampe Daanna lu, anna iatu datu rampe Daanna lu la ullaoi umbaa kareta sia pakkanarang sia kappala’ buda; la tama ullaoi tu tondok iato sia samasai-sainna ma’parekan susito uai saba’.

DANIEL 12:4

Apa iko, e Daniel, nannai te mintu’ kada iate sia ca’i te Sura’ sae lako attu ma’katampakanna; buda tu tau la unnunnungi sia iatu kapaissanan la sakerangngan-rangnganna.

DANIEL 12:8

Kurangi sia tu iannato, apa tae’ kupebuyu’i angku ma’kada kukua: O puang, umbara la nakua kasundunanna te apa iate?

DANIEL 8:26

Na iatu patiro mendeata diona makaroen sola melambi’, iatu apa mangka disa’bu’ dionato, tang balle. La mubuni bang tu patiro mendeata, belanna budapa allona namane sae.

KADA OMBO’ LAKO RASULU’ YOHANES 10:4

Iatonna unnonimo tu guntu’ pitu, angku la ussura’i, kurangimi misa’ gamara dao mai langi’, nakua: Ca’i to apa mangka napokada pitu guntu’ sia dandi’ sura’i.