DANIEL 12:7 - Sura' Madatu

⁷ Kurangimi umpalao sumpa tu to ma’tamangkale lenang, tu bendan daona lu salu, unnangka’ lima kananna sia lima kairinna langngan langi’, sia ussa’bu’ sanganNa Totuo tontong sae lakona: Misa’ attu sia ba’tu pirang-pirang attu, na sangtangnga attu; na ianna lambi’mi katappuranna unnisak-nisak kuasanna bangsa masero, maneri diganna’i tu mintu’na apa iate.

DANIEL 12:7 ပူးပေါင်းရင်းမြစ်များ

AYUB 27:2

La lelukraka tuoNa Puang Matua, tu umpadapa katonganangku, sia la lelukraka tuoNa To umpoissan angge maritik tu umponnoi penaangku kamapairan,

YESAYA 62:12

La digente’ Bangsa masero pindan tu tau iato mai, sia to Nalendokan PUANG; sia la disangaiko: Kota naporai tau sia kota tang ditampe.

YEREMIA 4:2

sia la umpalaoko sumpa mukua: La lelukraka tuoNa PUANG situang kamanapparan, katonganan sia kamaloloan, anna mintu’ bangsa sipalakuan kamasakkean sia massattuan tete dio sanganNa PUANG.

YEHEZKIEL 20:5

ammu ma’kada lako kumua: Inde sia tu kadanNa Puangta PUANG Nakua: Iatongku pilei langsa’i tu to Israel, umposumpaNa’ misa’ sumpa lako bati’na rapunna Yakub, sia Kupapayan tu Kaleku lako tau iato mai dio tondok Mesir; tonganna umposumpaNa’ misa’ sumpa, Kukua: Akumo tu PUANG, Kapenombammu.

DANIEL 10:5

kubangunammi tu matangku, angku tiroi den tu misa’ tau ma’pakean lenang ma’beke’ bulaan dio mai Ufaz.

DANIEL 11:13

Na iatu datu rampe Daanna lu la urrampun poleomi surodadu makamban, mandu buda na iatu dolona, sia iatonna lendu’mo ba’tu pirang-pirang taun, la malemi ullaoi umbaa surodadu makamban sia parea kamban.

DANIEL 12:6

Ma’kadami tu misa’ lako tu tau ma’tamangkale lenang, tu bendan daona lu uai salu, nakua: Sangapapira namane ma’katampakanna te apa kalle-kallean iate?

DANIEL 12:8

Kurangi sia tu iannato, apa tae’ kupebuyu’i angku ma’kada kukua: O puang, umbara la nakua kasundunanna te apa iate?

DANIEL 4:31

Tae’ bangsiapa naupu’ nasa’bu’ dio randan dipudukna datu tu kada iato, denmi gamara dao mai langi’ nakua: Dipokadangko, datu Nebukadnezar, kumua: iatu kadatuammu sisayurammoko.

DANIEL 4:34

Apa iatonna lendu’ nasangmo tu attu iato, mentingaramo’ langngan langi’ tu aku, Nebukadnezar, tibalikmi sule tama kaleku tu tangnga’ kinaangku, iamoto kupudimi tu Puang Patodoranna sia kupakala’bi’mo sia kupangke’mo tu Puang Tuo sae lakona, belanna iatu parentaNa misa’ parenta matontongan sia iatu kadatuanNa tontong siosso’.

DANIEL 7:21

Kutiromi tu tanduk iato sirari to masero, anna patalo,

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

DANIEL 8:14

Ma’kadami lako kaleku nakua: Sae lako penduang sa’bu ntallu ratu’ makaroen sia melambi’, namane dipemeloi sia dipasirundunan sule.

DANIEL 8:24

Iatu kamawatanganna la matoto’ – apa tae’ natete dio kamawatanganna kalena – sia la metakuran tu kapasangganganna, sia apa tu napogau’ umpabu’tuanni kamauparan; la nasanggang tu mintu’ to paa, sia ia duka tu mintu’ bangsa to masero.

LUKAS 21:14

Iamoto sipatu la mipemanassai lan penaammi, da mitangnga’i dolo tu la mipebalianna,

LUKAS 21:24

sia kasengkean lako te tau sia la mate nakande pa’dang mataran sia dirampa nadibaa lako mintu’ rapunna tau sia iatu Yerusalem la nasilullu’i to kapere’ sae lako kasundunanna allona tu to kapere’.

PA’TOLE 26:19

Iamoto la Napalayukko, ammu kapudian sia kalelean sia kamala’biran untongloi mintu’ bangsa, tu Nakombong Puang sia la dadiko misa’ bangsa maseroNa PUANG, Kapenombammu, susitu mangka Napokada.

PA’TOLE 32:36

Belanna iatu PUANG la ussanda tonganni bangsaNa sia la ungkamasei taunNa; iake Natiroi, kumua pa’demo tu kamatotoranna, sia tappumo sola nasangi randuk dio mai madaona sae lako madionganna,

PA’TOLE 32:40

Tonganna, Kuangka’ tu limangKu langngan langi’ sia ma’kadaNa’ Kukua: La lelukraka tuoKu sae lakona:

PA’TOLE 7:6

Belanna ikomo misa’ bangsa, tu masero dio olona PUANG, Kapenombammu; iatu iko Napileimoko PUANG, Kapenombammu, dio mai mintu’ bangsa dao kuli’na padang la Napotau.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

KADA OMBO’ LAKO RASULU’ YOHANES 12:14

Dibenmi baine iato tu da’dua pani’ langkan maega kapua, kumua anna kullei mettia’ lako padang aak, lako to’ inanna, tu inan dinii undaranai lan misa’ attu sia lan dua attu sia lan sangsese attu, mambela dio mai pakitanna ula’.

KADA OMBO’ LAKO RASULU’ YOHANES 12:6

Mallaimi tu baine iato lako padang aak; inde to, den misa’ inan Naparandananni Puang Matua, kumua anna didaranai inde to dio sangsa’bu duaratu’ annan pulona allona.

KADA OMBO’ LAKO RASULU’ YOHANES 13:5

Dibenmi misa’ puduk umpasun kada matampo sia kada solang tu olo’-olo’ iato; diben duka kuasa la umpogau’i to patangpulo ndua bulanna.

KADA OMBO’ LAKO RASULU’ YOHANES 4:10

kapayungan iato, sia tu tuo tontong sae lakona, tukkuomi tu duangpulo nna’pa’ penatua dio olona tu To unno’ko’ dao isungan kapayungan iato, anna penombai tu To tuo tontong sae lakona, anna lendokanni tau iato mai tu makotana dio olo isungan kapayungan iato, nakuami:

KADA OMBO’ LAKO RASULU’ YOHANES 4:9

Iake napakala’bi’oi sia napangke’oi a’gan kepenaa sia ma’kurre sumanga’ lako tu To unno’ko’ dao isungan,