DANIEL 12:3 - Sura' Madatu

³ Iatu mintu’ to paissan la parrang susi arrangna batara, sia mintu’ to urrenden buda tau lako kamaloloan la parrang susi bintoen tontong sae lakona.

DANIEL 12:3 ပူးပေါင်းရင်းမြစ်များ

KATASSURAN 34:35

Iake natiroi to Israel tu kuli’ lindona Musa pandila-dila, nalullungiomi Musa tu lindona sae lako tamanna la sipa’kada Puang.

SARAMBU PEADA’ 11:30

Iatu buanna to malambu’ iamo sangto’ kayu katuoan sia minda-minda tu kinaa, ungkadamak tau.

SARAMBU PEADA’ 3:35

Iatu to kinaa la umpomana’ kamala’biran, apa iatu to baga la ungkabu’tui siri’.

SARAMBU PEADA’ 4:18

Apa iatu lalanna to malambu’ susito arrang bu’tu melambi’, samasai-sainna saparrang-parrangna sae lako masiangna tongan.

TOMANGADA’ 12:9

Tangia manna kinaa tu Tomangada’, sangadinna naada’i duka ba’tu pira-pira kapaissanan tu to buda; anna ma’timbang sia ma’nannung sia untono’ buda kada peada’.

YESAYA 53:11

Belanna kakapuanna pa’di’na anna tiroi tu iannato sanamosona; sia tete dio kapaissananna tu tau malambu’Ku anna buda tau nabilang malolo, sia iamo la urrengnge’i tu kakelokanna tau iato mai.

YEREMIA 23:22

Belanna iakenna la ma’dioren tu tau iato mai lan kombongangKu, manassa napa’perangian tu kadangKu lako taungKu sia napatibalik dio mai lalan salana sia dio mai penggauran kadakena.

DANIEL 11:33

Sia iatu to paissan dio lu bangsa iato la unnada’i buda tau, apa la songka belanna nakande pa’dang sia api sia ditarungku sia dipangrampai ba’tu sangapa-apa masainna.

DANIEL 11:35

Ba’tu pira-pira tu to paissan la songka, kumua anna disudi, dipamasero sia dipamatasak tu tau iato mai, sae lako attu ma’katampakanna; belanna iatu iannato tae’pa nalambi’i lako tu attu dipamanassa.

DANIEL 12:10

Buda tu tau la dipamasero sia dipamatasak sia la disudi, apa iatu to tang mekaaluk la tontong lolang tang mekaaluk; moi misa’ tu to tang mekaaluk tae’ la untandai, apa iatu to unnampui tangnga’ kinaa la untandai tu iannato.

MATIUS 13:43

Iake attu iato la parrang susi allo tu mintu’ to malolo penaanna lan Parentana Ambe’Na. Minda-minda tu ketalinga, nama’perangi.

MATIUS 19:28

Nakuami Yesu lako tinde tau: Tonganna tongan Kukua lako kalemi, iake dipaba’rui lino, to ke unno’ko’mi tu Anak rampan dilino dao isungan kapayungan mala’bi’Na, kamu duka te undinnamo urrundu’Na’, la unno’ko’ duka dao sangpulo dua isungan kapayungan sia urrengnge’ sangpulo dua sukunna to Israel.

MATIUS 24:45

Mindara tu kaunan maruru’ sia kinaa, tu napakuasa puangna umpoissan mintu’ rurananna la umpapantanni kande ke attunnaomi?

YOHANES 4:36

Na iatu to mepare unnalamo sarona, sia urrampun bura padang tama katuoan tontong sae lakona, kumua anna pada-pada parannu nala to mangambo’ nala to mepare.

YOHANES 5:35

Iatu Yohanes iamo misa’ palita dukku sia parrang; apa kamu te sattu’rokomi la umpasende penaammi lan arrangna.

PENGGAURANNA RASULU’ 13:1

Denmi ba’tu pira-pira nabi sia guru lan kombongan dio Antiokhia, iamotu mai sia Barnabas sia Simeon diganti Niger, sia Lukius to Kirene sia Menahem, siulu’ bali susunna Herodes, datu sangtepona tondok, na Saulus.

1 KORINTUS 3:10

Sitinayanna tu pa’kamasean Nasoronganna’ Puang Matua, butung to pande manakka, mangkamo kuoton tu parandangan, anna to senga’ umbangun banua dao. Apa pantan la napengkilalai umba nakua umbangunni dao.

EFESUS 4:11

Ia dukamo mangka unnalai rasulu’ tu mai tau pira, nabi pira, to umpalolang Kareba-kaparannuan pira, pangkambi’ pira sia guru,

IBRANI 5:12

Iake ditangnga’i tu masainna, pato’komi dadi guru, apa sipatukomi naada’i pole tau tu pamulanna pangadaran diona kadanNa Puang Matua; susimokomi to sipatupa dipairu’ bumbungan, tangiapa kande makarra’.

2 PETRUS 3:15

Sia sipatu la mibilang, kumua iatu pesuka’ kalandoNa Puangta umpabu’tu kamakarimmanan, susi duka tu mangka nasurasangkomi Paulus, siulu’ pa’kaboro’ta, sitinaya kapaissanan dikamaseanni.

KADA OMBO’ LAKO RASULU’ YOHANES 1:20

Iatu rasia diona tu pitu bintoen tu mangka mutiro lan lima kananKu, sia iatu pitu tongkonan palita bulaan battuananna: iatu pitu bintoen iamo malaeka’na to pitu kombongan, na iatu pitu tongkonan palita, iamo pitu kombongan.

TO PARENGNGE’ 5:31

Susimoto la sanggang tu mintu’ ualimMi, o PUANG! Apa iatu mintu’ to ungkamali’ Puang la susito allo dellek mapannang. Mangkato marampa’mi tu tondok patangpulo taunna.