DANIEL 12:11 - Sura' Madatu

¹¹ Randuk dio mai pemala’ nenne’ bang kiallo-kiallo dipa’dei sia dipabendan tu apa megallian ma’kasanggang, den sangsa’bu dua ratu’ ngkasera pulona allona.

DANIEL 12:11 ပူးပေါင်းရင်းမြစ်များ

KATASSURAN 29:38

Inde sia tu la tontong mupemalaran dao inan pemalaran iato kiallo-kiallo, iamotu da’dua anak domba tu sangtaunmo dadinna.

YEHEZKIEL 4:6

Iake musundunnimi tu iannato, la umbambangan pole’ko kalemu, iamotu dio la’pek kananmu; ammu patoppo’i dao la’pekmu tu kakadakeanna to Yehuda: patangpulo allona; ke sangtaunoi, Kupatanggungiko sangallo.

DANIEL 1:12

Tobai te taummi lan sangpulo allona: ben bangmokan utan kikande sia uai kiiru’.

DANIEL 11:31

Sia la napake’de’ tu ba’tu pira-pira surodadu, anna ruttakki tu inan maindan, iamotu tambakuku, sia la naputtai bang tu pemala’ allo-allo sia napabendanni tu apa megallian, tu ma’kasanggang.

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

DANIEL 8:26

Na iatu patiro mendeata diona makaroen sola melambi’, iatu apa mangka disa’bu’ dionato, tang balle. La mubuni bang tu patiro mendeata, belanna budapa allona namane sae.

DANIEL 9:27

Sia la napamabanda’ tu basse lako buda tau lan sangminggu; iatonna ma’tangngana minggu la napa’dei tu pemala’ pangrere’ sia iatu kande dipemalaran; anna dao pani’ megi’giran la sae tu misa’ to ma’kasanggang sia manassa la nasanggang sae lako tappunna, sia iatu apa dipamanassa la dibarrakan dao apa sanggang.

HOSEA 3:4

Belanna iatu to Israel la masai torro tang didatui, tang diarungi, tang memala’ sia tae’ batu dipodeatanna, tae’ epo’na ba’tu balo’ taunna.

MATIUS 24:15

Iamoto, iammi kitami tu kamaparrangan megi’giran tu umpabu’tu kasanggangan bendan dio inan masero, susitu napokada nabi Daniel minda-minda tu umbasai natangnga’ mandalanni –

MARKUS 13:14

Iammi kitai tu kamaparrangan megi’giran tu umpabu’tu kasanggangan, bendan dio inan tang sipatu – minda-minda tu umbasai natangnga’ mandalanni – ianna attu iato la mallai langan tanete tu to dio tana Yudea.

KADA OMBO’ LAKO RASULU’ YOHANES 11:2

Sia paboko’i tu luba’ba dio salianna banuanNa Puang Matua, da musuka’i, belanna dibenmo to kapere’ sia iatu tondok maindan la dilessa’-lessa’ patangpulo ndua bulanna.

KADA OMBO’ LAKO RASULU’ YOHANES 12:6

Mallaimi tu baine iato lako padang aak; inde to, den misa’ inan Naparandananni Puang Matua, kumua anna didaranai inde to dio sangsa’bu duaratu’ annan pulona allona.

KADA OMBO’ LAKO RASULU’ YOHANES 13:5

Dibenmi misa’ puduk umpasun kada matampo sia kada solang tu olo’-olo’ iato; diben duka kuasa la umpogau’i to patangpulo ndua bulanna.