DANIEL 12:10 - Sura' Madatu

¹⁰ Buda tu tau la dipamasero sia dipamatasak sia la disudi, apa iatu to tang mekaaluk la tontong lolang tang mekaaluk; moi misa’ tu to tang mekaaluk tae’ la untandai, apa iatu to unnampui tangnga’ kinaa la untandai tu iannato.

DANIEL 12:10 ပူးပေါင်းရင်းမြစ်များ

PA’PUDIAN 107:43

Mindara tu kinaa? Iatu to kinaa sipatu umparinaai tu iannate, sia umpariba’tengi tu mintu’ tanda mamaseNa PUANG.

PA’PUDIAN 51:7

Pada ditibussanammo’ kakadakean, sia pada natambukna’ kasalan mendadiangku.

SARAMBU PEADA’ 1:5

Minda-minda tu kinaa melo ke naperangii anna rangngannipi penaa, sia minda-minda unnampui tangnga’ kinaa, melo ke ullolongampi timbangan melo,

YESAYA 1:18

Ammi mane male mai ma’tutu Kupaolaikomi salu, kadanNa PUANG, moi anna susi kaseda tu kasalammi, manassa la memmabusa susi ambun makko, moi anna mararang susi karamisi, manassa la memmabussang ten to bulu domba.

YEHEZKIEL 36:25

La Kubura’komi uai masero, ammi masero; la Kupamaserokomi dio mai mintu’ kamaruttakammi sia dio mai mintu’ rapang-rapang dipodeatammi.

YEHEZKIEL 47:11

Apa iatu bukanna sia limbongna tae’ anna melo len tu uainna, sangadinna dipopaélo’na mapi’da.

DANIEL 11:33

Sia iatu to paissan dio lu bangsa iato la unnada’i buda tau, apa la songka belanna nakande pa’dang sia api sia ditarungku sia dipangrampai ba’tu sangapa-apa masainna.

DANIEL 11:35

Ba’tu pira-pira tu to paissan la songka, kumua anna disudi, dipamasero sia dipamatasak tu tau iato mai, sae lako attu ma’katampakanna; belanna iatu iannato tae’pa nalambi’i lako tu attu dipamanassa.

DANIEL 12:3

Iatu mintu’ to paissan la parrang susi arrangna batara, sia mintu’ to urrenden buda tau lako kamaloloan la parrang susi bintoen tontong sae lakona.

HOSEA 14:9

E Efraim, la siapaRa’ tu mintu’ rapang-rapang dipodeata? – Kutanding talingamo sia Kupenunumo, – Akumo tu butung kayu sanoba’ tu tontong maluna, dio Kaleku tu nanii bu’tu buammu.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

MALEAKHI 3:3

Belanna la unno’ko’ ungkombong salaka sia umpamatasakki. La usseroi bati’na Lewi sia la ussudii susi bulaan sia salaka, kumua anna pemalaranni lako PUANG tu pemala’ situang kamaloloan.

MARKUS 4:11

Nakuami lako tu tau: Iatu kamu dibenkomi pa’kamasean unnissanni tu rasia diona ParentanNa Puang Matua, apa mintu’na tu to salian dipatiayoan manna lan pa’pasusian, kumua

LUKAS 24:25

Nakuami Yesu lako: E to baga sia to banda’ inaa umpatonganni tu mintu’na apa mangka napokada nabi!

YOHANES 18:37

Nakuami Pilatus lako: Datu dukaroKomika pale’? Nakuami Yesu mebali: Tonganna susitu kadammi, kumua Aku te datuNa’. Iamo patunna to angKu dadimo, sia iamo patunna to angKu saemo tama te lino, kumua angKu katottongi tu kamanapparan. Minda-minda tu bu’tu lu dio mai kamanapparan iamo umperangii kadangKu.

YOHANES 7:17

Iake den tau morai umpogau’ pa’poraianNa Puang Matua, la natandai te pangadaran iate, kumua lu dioraka mai Puang Matua, ba’tu tuo lu dio bangraka mai Kaleku.

YOHANES 8:47

Minda-minda tu lu dao mai Puang Matua, ia dukamo umperangii kadanNa Puang Matua. Iamoto na tae’ mima’perangi, belanna tae’ milu dio mai Puang Matua.

1 KORINTUS 6:11

Den dukakomi pira pirambongi’ susito, apa mangkamokomi dibasei, sia mangkamokomi dipamasero sia mangkamokomi dibilang masero tete dio sanganNa Puang Yesu sia tete dio PenaanNa Kapenombanta.

2 KORINTUS 7:1

E pa’kaboro’ku, tu belanna den pangallu’ susito lako kaleta, dadi la usseroiki’ kaleta dio mai mintu’na kamarutanna kale sia penaa sia la tasundunni tu kamaseroanta ungkataku’ Puang Matua.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

IBRANI 12:10

Belanna tonganna kumua naada’miki’ lan sangattu’, umba tu nasanganna melo; apa Puang unnada’ki la tapomelona, anta appa’ kamaseroanNa.

1 PETRUS 1:22

Tu mangkamokomi usseroi deatammi diona kamengkaolammi lako kamanapparan miurunganni ungkarampa’i tonganni tu mintu’ siulu’, iamoto sipatu la lantuk penaa tongankomi siala mase,

1 PETRUS 1:7

kumua anna kalantukan kapatonganammi tu disudi – tu mandu keangga’ na iatu bulaan la sanggang moi anna disudi api – la payan kumua umpabu’tu kapudian sia kamala’biran anna kadipangkeran, ke attunnamo sombo tu Yesu Kristus,

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.

KADA OMBO’ LAKO RASULU’ YOHANES 16:11

sia umpa’kada solangi Puang Matua dao suruga belanna kamapa’diranna sia bundangna; anna tae’ duka namengkatoba’ dio mai penggauranna.

KADA OMBO’ LAKO RASULU’ YOHANES 19:14

Mintu’ ma’dandan maritik dao suruga umbaananni Puang ussakei darang busa’, ma’tamangkale kasa bussang sia mase’rok.

KADA OMBO’ LAKO RASULU’ YOHANES 19:8

Nadikamasei, dikua anna umpakei kalena sampin kasa dadi’, pandila-dila sia masero; belanna iatu sampin kasa dadi’ iamo dipasangtinti mintu’ penggauran malolona to mai to masallo’.

KADA OMBO’ LAKO RASULU’ YOHANES 22:11

Iatu to kelok, da’ito napatarru’i umpogau’ kakelokanna, sia iatu to maruttak, da’ito anna samaruttak-ruttakna; na iatu to malambu’, dai’to napatarru’i umpogau’ kamalamburan; na iatu to masallo’ da’ito anna sadipamasallo’-sallo’na.

KADA OMBO’ LAKO RASULU’ YOHANES 3:18

iamoto Kupakilalako ammu allii lako Kaleku tu bulaan mangka disudi api, ammu sugi’; sia pakean mabusa, ammu ma’tamangkale, da nasombo tu kamasirisammu ma’kambelang, sia palakoi pedampi minna’ tu matammu, ammu pakita.

1 SAMUEL 24:13

Na PUANGmora umpaolai salu tu aku na kamu sia na PUANG dukamora umpakkanni tu a’gangku lako kalemi, apa tae’ kula umpata’paikomi lima.