DANIEL 11:40 - Sura' Madatu

⁴⁰ Apa iake attu ma’katampakannai la sae tu datu rampe Lo’na lu urrarii tu datu rampe Daanna lu, anna iatu datu rampe Daanna lu la ullaoi umbaa kareta sia pakkanarang sia kappala’ buda; la tama ullaoi tu tondok iato sia samasai-sainna ma’parekan susito uai saba’.

DANIEL 11:40 ပူးပေါင်းရင်းမြစ်များ

YESAYA 21:1

Inde sia tu kada Napa’petanggungan Puang Matua diona padang aak dio randan tasik. Susito talimpuru’ ma’pamumbuk Lo’ mai pollo’na uai, lu dio mai padang aak, dio mai padang mekarrangan bulu.

YESAYA 5:28

Iatu tinaranna tontong bang matata’ sia iatu panana tontong bang digattang sia iatu kalungkung darangna sangtinti batu laulung sia iatu karetana la susito talimpuru’.

YESAYA 66:15

Belanna manassa la sae tu PUANG susi api na mintu’ karetaNa sangtinti talimpuru’, la umpapayan kasengkean ma’lulu-lulunNa sia pa’garrak ma’lana-lananNa.

YEREMIA 4:13

Tiromi, kendekmo susi gaun tikembong; sia iatu mintu’ karetana butung angin bara’, na iatu mintu’ darangna mandu matira’ anna langkan maega: upu’ allota belanna sanggangmoki’.

YEHEZKIEL 38:4

La saeNa’ unnalako sia la kupakadangi kadangan tu parangka sadangmu, Kupatassu’ko male sola mintu’ surodadummu, iamotu mintu’ darang sia pakkanarang, sakka’ pa’bunona, iamotu misa’ tuntunan kapua, ma’pakolong sia ma’balulang; iatu mintu’ tau iato biasa ma’pa’dang.

YEHEZKIEL 38:9

Iatonna attu iato la ke’de’ko susi misa’ guntu’ mane la sae; la susiko gaun tu untutu’i kuli’na padang, la iko sola mintu’ sorodadummu sia buda bangsa, tu musisolan.

DANIEL 11:10

Na iatu mai anakna la ma’pasakka’ parari sia la urrampun ba’tu pira-pira tuntunan surodadu kamban; namisa’i tu la male ullaoi datu rampe Daanna lu, sia samasai-sainna ma’parekan susi to uai saba’, sia tonna torroi naparandukomi palaoan sae lako bentengna.

DANIEL 11:11

Namapalla tu datu rampe Lo’na lu anna tassu’ sirari datu rampe Daanna lu, na iatu datu rampe Daanna lu la urrampun surodadu makamban, apa iatu surodadu makamban iato la disorong tama limanna.

DANIEL 11:13

Na iatu datu rampe Daanna lu la urrampun poleomi surodadu makamban, mandu buda na iatu dolona, sia iatonna lendu’mo ba’tu pirang-pirang taun, la malemi ullaoi umbaa surodadu makamban sia parea kamban.

DANIEL 11:22

Iatu surodadu ussabu’i mintu’ apa, la diputtai duka dio tingayona sia disanggang, ondongpi moi arung mangkamo nasibassean.

DANIEL 11:25

Sia la napatiangka’ duka tu kamatotoranna sia kabaranianna situang surodadu kamban la unneai tu datu rampe Lo’na lu, na iatu datu rampe Lo’na lu la umpasakka’ surodadu kamban sia matoto’ tongan, apa tae’ nakullei la bendan mangea belanna la nasitangnga’i tau unneai.

DANIEL 11:35

Ba’tu pira-pira tu to paissan la songka, kumua anna disudi, dipamasero sia dipamatasak tu tau iato mai, sae lako attu ma’katampakanna; belanna iatu iannato tae’pa nalambi’i lako tu attu dipamanassa.

DANIEL 11:39

Sia la ke’de’ ullaoi tu benteng ditambakuku tete dio pa’tunduanna kapenombanna lembang senga’; mintu’ tu to umpatonganni, la unnappa’ kamala’biran kapua; la naangka’ tu tau iato mai umparenta buda tau sia la nataa-taan padang la naposaro.

DANIEL 11:7

Attu iato la tuo tu misa’ taruk dio mai uaka’na dio to’ inanna sia la male ullaoi surodadunna sia la tama bentengna datu rampe Daanna lu, anna palulun to patalo.

DANIEL 12:4

Apa iko, e Daniel, nannai te mintu’ kada iate sia ca’i te Sura’ sae lako attu ma’katampakanna; buda tu tau la unnunnungi sia iatu kapaissanan la sakerangngan-rangnganna.

DANIEL 12:9

Apa ma’kada nakua: Malemoko, e Daniel, belanna mintu’ apa iate la manda’ dibuni sia dica’ sae lako attu ma’katampakanna.

DANIEL 8:17

Saemi dio tu kuninna bendan; iatonna saemo, tirambanmo’ angku tukku rokko padang, apa ma’kada lako kaleku nakua: Tandai, e ma’rupa tau, kumua iate patiro mendeata iate umpatu attu ma’katampakanna lino.

HABAKUK 3:14

Anak panana duka ia la Mitossokan tarru’i, tu ulunna surodadunna, tu sae palaoan la mela’tek umpatisambo’na’, butung to unnampello’ to mandasa lan inan kabunianna.

ZAKHARIA 9:14

La sombo tu PUANG lako tau iato mai sia iatu anak panaNa la tassu’ susito kila’ sia Puangta PUANG la umpannoni napiri tanduk sia la ke’de’ naturu’ angin bara’ rampe lo’na lu.

KADA OMBO’ LAKO RASULU’ YOHANES 16:12

Na iatu malaeka’ ma’pennannanna umbolloan gori-gorinna rokko salu kapua, iamotu salu Efrat, anna marangke, dikua anna tibungka’ tu lalan naola mintu’ datu dio mai matallo.

KADA OMBO’ LAKO RASULU’ YOHANES 9:16

Iatu budanna mintu’ surodadu ma’darang duanglampa lampana, mangkamo kurangi tu bilanganna.