DANIEL 11:4 - Sura' Madatu

⁴ Apa mane bendan, nata’pa la dipokamo tu kadatuanna, sia ditaa lako a’pa’ mata angin dao langi’, apa tae’ nalako bati’na, sia tae’ nakuasa susito mangkanna natoe, belanna iatu kadatuanna la disialai sia tobang lako to senga’, tangia tau iato mai.

DANIEL 11:4 ပူးပေါင်းရင်းမြစ်များ

PA’PUDIAN 39:6

Manassa iatu sunga’ku sangdangkanri mangka Milampak, sia iatu katuoangku butung bayo-bayo bangri dio oloMi; ondongpi mintu’ tau bendan, susi bangri damo’. Sela

TOMANGADA’ 4:8

iamotu misa’ tau tae’ solana, moi anakna ba’tu siulu’na tae’ duka, apa moi susito tae’ duka upu’na tu mintu’ sara’na; sia tae’ namangingngi’ tu matanna untiroi tu mintu’ kasugiranna; – mindara la umpomaupa’i angku mara’ta’ bangra sia tang unneloran kaleku umperasai tu melona? Ia duka tu iannato tae’ gai’na sia misa’ apa kadake.

YEREMIA 12:15

Apa iangKu mangka ussintakki tu tau iato mai, la Kukamasei pole’ sia pada la Kubaa sule lako mana’na sia lako padangna.

YEREMIA 12:17

Apa iake manokai tu tau iato mai umperangiiNa’, manassa la Kusabu’i sia Kupisanni, kadanna PUANG.

YEREMIA 18:7

Den attunna pissan angKu paolai salunna tu misa’ bangsa sia misa’ kadatuan, la unnurakki sia la ussanggangi sia la ussabu’i.

YEREMIA 31:40

Sia mintu’ lombok batang rabuk sola au, sia mintu’ padang sae lako salu Kidron sia rampo lako babangan Darang, tu ma’palulako matallo, la dipamaindanan PUANG; moi misa’ tae’mo nala disanggang ba’tu disabu’i tontong sae lakona.

YEREMIA 45:4

Susite tu la mupokada lako, Nakua kadanNa PUANG: Iatu apa mangka Kubangun Aku kalena la usseranni sule, na iatu apa mangka Kutanan Aku kalena la undu’dukki sule.

YEREMIA 49:36

Sia la Kuparampoi a’pa’ matanna angin dio mai a’pa’ tetukna langi’ tu Elam sia la Kupatisambo’-sambo’ tu tau iato mai lako mintu’ kabu’tuan angin, naurungan moi misa’ bangsa, tae’ tu tang nanii rampo to Elam dirambai lako.

YEHEZKIEL 37:9

Ta’kala ma’kadaMi lako kaleku, Nakua: Ma’nubua’ko lako penaa iato, ma’nubua’ko e ma’rupa tau, ammu ma’kada lako penaa iato, mukua: Inde sia tu kadanNa Puangta PUANG: E penaa, saeko dio mai tetuk a’pa’na mata angin, ammu pamurru’i te to mate iate, anna tuo sule.

DANIEL 7:2

Ma’kadami tu Daniel nakua: Iatonna bongi kutiro lan patiro mendeata, songlo’ tu a’pa’ angin dao mai langi’ umpatigega’ tasik kapua;

DANIEL 7:6

Undinnato kutiro tu misa’ olo’-olo’ senga’ susi misa’ arimau bulu, a’pa’ tu pani’ manuk-manuk dao boko’na sia a’pa’ tu ulunna; disorongmi lako tu kaparentan.

DANIEL 7:8

Iatongku marassan umpenunui tu tanduk iato, ta’kala anna tuomo tu misa’ tanduk bitti’ lan alla’na, tu untumangi nadilampi’i tallu tanduk dio mai tanduk dolo; kutiro lan tanduk iato, nanii mata susi mata tolino sia puduk ussa’bu’ bang kada matampo.

DANIEL 8:22

Le’tomi tu tanduk kapua iato, nabu’tu a’pa’ sondana, iamotu a’pa’ kadatuan la bu’tu lan mai bangsa iato, apa tae’ anna matoto’ susi datu bunga’na.

DANIEL 8:8

Iatu bembe’ laki umpatarompo’ tongan kalena, apa iatonna paamo, le’tomi tu tanduk kapua, anna tuo tu a’pa’ tanduk kalle-kallean dio inanna, tu tingo lako a’pa’ mata angin dao langi’.

ZAKHARIA 2:6

Madoi’komi, madoi’komi. Mallaikomi lan mai tondok rampe daanna lu! kadanNa PUANG, belanna mangkamokomi Kupatisambo’ lako a’pa’ matanna angin, kadanNa PUANG.

ZAKHARIA 6:5

Mebalimi tu malaeka’ iato lako kaleku nakua: Iate apa iate tassu’ dio mai inanna sikandappi’ Puangna mintu’ lino, nalulako a’pa’ mata angin dao langi’.

MATIUS 12:25

Tu belanna Natandai tu tangnga’na tinde tau, Nakuami lako: Umba-umba tu parenta usseru-seru kalena, sanggang undinna; sia umba-umba tu tondok ba’tu to sangdapo’ ia kalena sisala-sala, tae’ nala manda’.

LUKAS 12:20

Apa Nakua Puang Matua lako: E to baga, ia bangsiamote bongi iate nadituntun tu penaammu dio mai kalemu, namindamo la umpoapai tu mintu’na apa-apa mangka mupasakka’ to?

KADA OMBO’ LAKO RASULU’ YOHANES 7:1

Undinnato kutiromi tu a’pa’ malaeka’ bendan dio tetuk a’pa’na lino, untampang a’pa’ mata angin, kumua da namangiri’ tu angin lan lino ba’tu lan tasik ba’tu moi dio lu to’ garonto’ kayu.