DANIEL 11:36 - Sura' Madatu

³⁶ Na iatu datu iato la umpogau’ bang apa naala penaanna; la umpalayuk sia la umpatarompo’ kalena unnea mintu’ deata, ondongpi sae lako Puang Matua undaoanni mintu’ deata napa’kada solangi; sia la maupa’ ia sae lako sundunna tu kare’dekan ara’, belanna iatu apa pura dipamanassa la dadi.

DANIEL 11:36 ပူးပေါင်းရင်းမြစ်များ

PA’PUDIAN 136:2

Pudimi tu Puang Matua undaoanni mintu’ deata, belanna iatu kamasokananNa tang tileluk sae lakona.

PA’PUDIAN 33:10

PUANG umpatangdanun pa’timbanganna mintu’ bangsa, sia undampa tangnga’na mintu’ to sangpetayanan.

SARAMBU PEADA’ 19:21

Buda tu natangnga’ tau lan penaanna, apa iatu NapantokNa PUANG tang leluk.

YESAYA 10:23

Belanna misa’ kasanggangan tilampakmo la Napaden Puang, PUANGna mintu’ ma’dandan maritik lan lili’na lino.

YESAYA 10:25

Belanna sangattu’mora sia tae’mo namasai anna tappu tu kare’dekan, nalu lako kasangganganna tau iato mai tu kasengkeangKu.

YESAYA 10:5

Upu’ allona Asyur, tu pebamba sengkeKu, sia lan lisu pala’na tu kamare’dekangKu butung pelonga’.

YESAYA 14:13

Mukua lan penaammu susite: La kendekna’ langngan langi’, la umpalayukna’ isungangku dao mintu’ bintoenNa Puang Matua, kutongkon unnisung dao buntu pa’kombongan daa tiparitikna mata uai.

YESAYA 14:14

La kendekna’ untongloi saliu’ sia la umpapadana’ kaleku Patodoranna.

YESAYA 26:20

Maikomi, e taungku, tamakomi sumbung iringmi, ammi salli’i tu ba’bami: membunikomi sattu’, sae lako merena tu kasengkean.

YESAYA 30:33

Belanna masaimo tiparandan tu inan pantunuan lako tau iato mai sia lako duka datunna; maluangan sia mandalan tu Nagaragai dapo’, na kapua tu api sia ma’toppo’-toppo’ tu kayu; iatu penaanNa PUANG lolong susi solo’ la umballai.

YESAYA 46:10

Tu umpokadai randuk tipamulanna sae lako ma’katampakanna tu apa la dadi sia tempon dio mai tu apa tae’pa; tu ma’kada nakua: La dadi tu panglampakKu sia la Kupogau’ tu mintu’ pa’poraiangKu;

YESAYA 57:9

Saeko mennolo lako Molokh umbaa minna’ busarungngu’ sia mupasakka’ buda liu tu salap; sia musua tu mintu’ pesuammu male mambela, sia musua rokko lino to mate.

YEHEZKIEL 28:2

E ma’rupa tau, pokadanni arungna Tirus kumua: Inde sia tu kadanNa Puangta PUANG, Nakua: Belanna mupamatampo tu penaammu ammu ma’kada kumua: Akumo misa’ deata, untorroina’ misa’ banua deata lan atena tasik, – moi ammu misa’ tolino, tangiako deata –, sia umpapadako kalemu misa’ deata lan penaammu.

YEHEZKIEL 35:13

Inang tang mulapinamMo’ puduk sia buda kada kapua mukuanNa’. Kurangi nasang sia tu iannato.

DANIEL 11:16

Iatu to ullaoi la umpogau’ lalan inaanna sia moi misa’ tau tae’ natananni bendan mangea; sia la matoto’ bendan lan Tondok ballo; na iatu a’gan ma’kasanggang lan limanna.

DANIEL 11:3

Sia la bendan misa’ datu lalong, tu la kapua kaparentanna sia la umpogau’ lalan inaanna.

DANIEL 11:37

Sia tae’ duka nabilangi tu deatanna nene’ to dolona; tae’ nabilangi tu deata naporai baine, sia moi misa’ tae’ duka tu deata senga’, belanna la napalayuk tu kalena unnea mintu’ deata.

DANIEL 12:7

Kurangimi umpalao sumpa tu to ma’tamangkale lenang, tu bendan daona lu salu, unnangka’ lima kananna sia lima kairinna langngan langi’, sia ussa’bu’ sanganNa Totuo tontong sae lakona: Misa’ attu sia ba’tu pirang-pirang attu, na sangtangnga attu; na ianna lambi’mi katappuranna unnisak-nisak kuasanna bangsa masero, maneri diganna’i tu mintu’na apa iate.

DANIEL 2:47

Mebalimi tu datu lako Daniel nakua: Tonganna iatu Kapenombammu, Iamo Puang Matua undaoanni mintu’ deata sia Puangna mintu’ datu, sia Iamo umpaombo’i tu mai rasia: iamoto mubelai umpaombo’i te rasia iate.

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

DANIEL 5:19

Na diona tu kuasa kapua Nakamaseanni Puang, anna mintu’ bangsa sia to sangpetayanan sia ma’rupa-rupa basana ma’parondo penaanna ungkataku’i, belanna minda-minda tu la napatei, manassa napatei, minda-minda tu la napatuo, manassa napatuo, minda-minda tu la napamatande, manassa napamatande, minda-minda tu la napamadiongan, manassa napamadiongan.

DANIEL 5:20

Apa iatonna pamadaomo penaanna sia umpamakarra’ pa’inaanna, naurunganni matampo, iamoto nadisuale dio mai isungan kapayunganna, sia sisayurammo kamala’biranna.

DANIEL 7:8

Iatongku marassan umpenunui tu tanduk iato, ta’kala anna tuomo tu misa’ tanduk bitti’ lan alla’na, tu untumangi nadilampi’i tallu tanduk dio mai tanduk dolo; kutiro lan tanduk iato, nanii mata susi mata tolino sia puduk ussa’bu’ bang kada matampo.

DANIEL 8:19

sia ma’kada nakua: Manassa la kupokadangko tu apa la dadi, ke katampakanna kare’dekan ara’, belanna iatu patiro mendeata iato umpatu manassana attu ma’katampakanna.

DANIEL 8:4

Kutiro tu domba laki iato messendok ma’palulako matampu’, sia ma’palurekke sia ma’palusau’, tae’ misa’ olo’-olo’ ungkulle untanananni; sia tae’ misa’ tau ungkullei merrampanan lan mai limanna, sia umpogau’ bang lalan penaanna sia umpalayuk kalena.

ZAKHARIA 11:16

Belanna manassa la Kupadenan misa’ tu to mangkambi’ lan tondok, iamotu tang umparinaa apa la sanggang, tang undaka’ apa tisambo’, tang umpoinaa umpamondo apa bangke, tang ungkaritutui apa tang pakulle, sangadinna la ungkande duku’ olo’-olo’ malompo sia la nase’bu kanukunna.

YOHANES 5:30

Moi misa’ tae’ Kuma’din ma’inaanna Kalena umpogau’i; sangadinna Kupalalo tu pangra’ta’ susitu Kuranginna, na iatu pangra’ta’Ku malambu’ tongan; belanna tangia pa’poraiangKu Kutuntun, sangadinna pa’poraianNa tu To ussuaNa’.

YOHANES 6:38

Belanna iari Kusae dao mai suruga, tae’ kumua la umpogau’Na’ pa’poraian Kaleku, sangadinna pa’poraianNa tu To ussuaNa’.

PENGGAURANNA RASULU’ 4:28

la ussundunni tu apa nalampak dolomo limamMi sia tanan penaamMi, kumua la dadi.

PA’TOLE 10:17

Belanna iatu PUANG, Kapenombammi, Iamo Puang Matua undaoanni mintu’ deata sia Puangna mintu’ puang, iamotu Kapenomban pasareongan sia mawatang sia metakuran, tu tang umpelindo rupa tau sia tang untarima pamengan,

2 TESALONIKA 2:3

Da naden misa’ tau umpapusakomi moi umba nakua, belanna tae’pa nala dadi, ke tae’pi nasorong boko’ dolo tu to buda dio mai kapatonganan, anna dipasombo tu to umparri-parri kasalan, iamo anak ranaka,

2 TESALONIKA 2:4

to pabali-bali sia ussanga madao kalena na iatu mintu’na disanganna kapenomban sia dipenombainna, naurunganni unnesung lan banuanNa Puang Matua sia ungganti kalena kumua iamo deata.

2 TESALONIKA 2:8

Attu iapito namane dipasombo tu to umparri-parri kasalan, anna sanggangi penaa sun dio pudukNa Puang (Yesu) sia nasabu’i arrang kasaeanNa.

YOSUA 22:22

Iatu Puang Matua undaoanni mintu’ deata, iamo PUANG, tu Puang Matua undaoanni mintu’ deata, iamo Puang, Iamo unnissanni sia to Israel duka la unnissanni: iake la kipogau’i tu umbalii ba’tu tang maruru’ lako PUANG melo ke tang Mikarimmannikanni!

KADA OMBO’ LAKO RASULU’ YOHANES 10:7

Apa iake oni gamarannami malaeka’ ma’pempitunna, ke la umpannonimi tarompe’ puana, maneri dipalanda’ tu rasianNa Puang Matua, susitu kareba dipa’peissanan lako mintu’ taunNa, iamo mintu’ nabi.

KADA OMBO’ LAKO RASULU’ YOHANES 12:14

Dibenmi baine iato tu da’dua pani’ langkan maega kapua, kumua anna kullei mettia’ lako padang aak, lako to’ inanna, tu inan dinii undaranai lan misa’ attu sia lan dua attu sia lan sangsese attu, mambela dio mai pakitanna ula’.

KADA OMBO’ LAKO RASULU’ YOHANES 13:1

Kutiro pole’omi misa’ olo’-olo’ masuru sun lan mai tasik sangpulo tandukna, sia pitu ulunna; na sangpulo makota dao tandukna, sia dao ulunna, disura’ ba’tu pira-pira sanga pa’kada solang.

KADA OMBO’ LAKO RASULU’ YOHANES 17:17

Belanna Napatamaimo tanan penaa Puang Matua tu penaanna la umpogau’ pa’poraianNa Puang Matua sia samaturu’ tu tau iato mai sia ussorong kadatuanna lako olo’-olo’ iato sae lako rampo randanna tu kadanNa Puang Matua.

KADA OMBO’ LAKO RASULU’ YOHANES 17:3

Nabaai tu deatangku lako padang aak, angku tiroi tu misa’ baine messake dao misa’ olo’-olo’ mararang karamisi, nasituru’i sanga kada solang, sia pitu ulunna na sangpulo tandukna.