DANIEL 11:35 - Sura' Madatu

³⁵ Ba’tu pira-pira tu to paissan la songka, kumua anna disudi, dipamasero sia dipamatasak tu tau iato mai, sae lako attu ma’katampakanna; belanna iatu iannato tae’pa nalambi’i lako tu attu dipamanassa.

DANIEL 11:35 ပူးပေါင်းရင်းမြစ်များ

2 OSSORANNA DATU 32:31

Iatonna sae tu sumbungun puduk tu nasua mintu’ arung Babel lako datu la umpekutananni tu diona tanda kalle-kallean tu dadi lan tondok iato, Napopa’elo’na Puang Matua tu datu la untobai, kumua anna tandai tu mintu’ apa lan penaanna.

SARAMBU PEADA’ 17:3

Iatu pa’paredean dinii umpatama salaka sia po’poran dinii umpatama bulaan, apa PUANG ussudii tu mintu’ penaa.

YESAYA 27:9

Iamoto anna dipa’dei tu salana Yakub sia iamote tu mintu’ buanna kadiseroianna kasalanna, kumua iatu mintu’ batu pa’paisungan nanisak-nisak susi susu batu, naurunganni tae’mo te’dek tu mai lentong dipodeata sia inan pemalaran dinii untunu dupa.

DANIEL 11:27

Iatu datu iato sola duai pada ma’tangnga’ kadake lan penaanna sia ianna unno’ko’ dio misa’ meda pada la ma’kada tang tongan, apa tae’ nala dadi tu nasanganna, belanna tae’pa nalambi’i tu ma’katampakanna sae lako attu dipamanassa.

DANIEL 11:29

Iake nalambi’mi tu attu dipamanassa, la male pole’ tama rampe Lo’na lu palaoan, apa iate ma’katampakanna tae’ nala susi tu bunga’na;

DANIEL 11:33

Sia iatu to paissan dio lu bangsa iato la unnada’i buda tau, apa la songka belanna nakande pa’dang sia api sia ditarungku sia dipangrampai ba’tu sangapa-apa masainna.

DANIEL 11:40

Apa iake attu ma’katampakannai la sae tu datu rampe Lo’na lu urrarii tu datu rampe Daanna lu, anna iatu datu rampe Daanna lu la ullaoi umbaa kareta sia pakkanarang sia kappala’ buda; la tama ullaoi tu tondok iato sia samasai-sainna ma’parekan susito uai saba’.

DANIEL 12:3

Iatu mintu’ to paissan la parrang susi arrangna batara, sia mintu’ to urrenden buda tau lako kamaloloan la parrang susi bintoen tontong sae lakona.

DANIEL 12:4

Apa iko, e Daniel, nannai te mintu’ kada iate sia ca’i te Sura’ sae lako attu ma’katampakanna; buda tu tau la unnunnungi sia iatu kapaissanan la sakerangngan-rangnganna.

DANIEL 8:10

Satarompo’-rompo’nami sae langngan ma’dandan maritik dao langi’, nadao mai tu ma’dandan maritik, iamotu mai bintoen, naronnosan ba’tu pira-pira rokko lino, anna lullu’i.

DANIEL 8:17

Saemi dio tu kuninna bendan; iatonna saemo, tirambanmo’ angku tukku rokko padang, apa ma’kada lako kaleku nakua: Tandai, e ma’rupa tau, kumua iate patiro mendeata iate umpatu attu ma’katampakanna lino.

DANIEL 8:19

sia ma’kada nakua: Manassa la kupokadangko tu apa la dadi, ke katampakanna kare’dekan ara’, belanna iatu patiro mendeata iato umpatu manassana attu ma’katampakanna.

DANIEL 9:27

Sia la napamabanda’ tu basse lako buda tau lan sangminggu; iatonna ma’tangngana minggu la napa’dei tu pemala’ pangrere’ sia iatu kande dipemalaran; anna dao pani’ megi’giran la sae tu misa’ to ma’kasanggang sia manassa la nasanggang sae lako tappunna, sia iatu apa dipamanassa la dibarrakan dao apa sanggang.

HABAKUK 2:3

Belanna iatu patiro mendeata umpeagipa tu attu dipamanassa, apa la madoi’ male lako ma’katampakanna sia tae’ nabuttok; iake malelanpi, la mukampai, belanna la sae tongan, sia tae’ nala torro.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

MATIUS 16:17

Mebalimi Yesu sia Nakua ungkuanni: Maupa’moko, e Simon, anakna Yunus! Belanna tangia mentolinona umpaombo’i lako kalemu tu iannato, sangadinna Ambe’Ku dao suruga.

MATIUS 26:56

Apa mintu’na te dadi, kumua anna sundun tu lanna sura’na mintu’ nabi. Sangmallaiammi tu anak gurunNa ussitampei.

YOHANES 15:2

Iatu mai tang membuanna tu tangkeKu Nata’takki; sia iatu mai membuanna Naseroi, kumua nasatarri’-tarri’na buanna.

YOHANES 20:25

Nakuami tinde anak gurunNa senga’ lako Tomas: Kikitamo tu Puang. Apa nakua Tomas lako: Iake tae’pi kutiroi tu lalan paku dio limanNa sia kuului rakka’ku tama, sia ke tae’pi kuului tu limangku tama la’pekNa, tae’pa kupatonganni.

PENGGAURANNA RASULU’ 13:13

Malemi tu Paulus sola tu to nasikaloliran massombaran dio mai Pafos nasae lako Perga dio tana Pamfilia. Messarakmi tu Yohanes dio mai tinde tau, nasule lako Yerusalem.

PA’TOLE 8:16

tu umpakandeko manna lan padang pangallaran, tu tang natandaipa nene’ to dolomu, la umpamadiongko sia la ussandakko, naundinna to la Napogau’ tu kameloan lako kalemu.

YAKOBUS 1:2

E sangsiulurangku, iammi tobang tama ma’rupa-rupa peroso, sanga bangmi kaparannuan kapua tu iannato;

KADA OMBO’ LAKO RASULU’ YOHANES 14:15

Sun pole’omi misa’ malaeka’ senga’ lan mai banuanNa Puang Matua, metamba umpekapuai gamaranna lako tu To unno’ko’ dao salebu’ iato, nakua: Pata’pami tu rangkapanMi, amMi mepare, belanna nalambi’mo attu kapeparean, apa matasak tonganmo tu bura padang.

KADA OMBO’ LAKO RASULU’ YOHANES 17:17

Belanna Napatamaimo tanan penaa Puang Matua tu penaanna la umpogau’ pa’poraianNa Puang Matua sia samaturu’ tu tau iato mai sia ussorong kadatuanna lako olo’-olo’ iato sae lako rampo randanna tu kadanNa Puang Matua.

KADA OMBO’ LAKO RASULU’ YOHANES 2:10

Da mukataku’i tu mintu’ kadipakario-rioan la muperasai. Tiromi, iatu deata bulituk la napatamakomi pa’tarungkuan pira, anna rosokomi, sia la dipakario-riokomi sangpulo allona. Apa batta’ko sae lako matemu, angKu benko tu makota katuoan iato.

KADA OMBO’ LAKO RASULU’ YOHANES 7:14

Kukuami lako kalena: Puangri ia untandai. Nakuami lako kaleku: Iamote tu to tassu’ lan mai kadipakario-rioan sia mangkamo umbasei bayu lamba’na sia nabusai rara Anak domba.