DANIEL 11:31 - Sura' Madatu

³¹ Sia la napake’de’ tu ba’tu pira-pira surodadu, anna ruttakki tu inan maindan, iamotu tambakuku, sia la naputtai bang tu pemala’ allo-allo sia napabendanni tu apa megallian, tu ma’kasanggang.

DANIEL 11:31 ပူးပေါင်းရင်းမြစ်များ

YEREMIA 19:4

Belanna natampeNa’ tu tau iato mai sia napakasarembangan te inan iate, tu nanii untunu pemala’ lako deata tang natandai, la tau iato mai la nene’ to dolona la mintu’ datu to Yehuda; sia napaponnoimo rara to tang kasalan te inan iate.

YEREMIA 7:30

Belanna iatu bati’na Yehuda umpogau’ kadake dio pentiroKu, kadanNa PUANG; iatu apa megallian napalanmo banua, tu mangka dinii unggente’ sangangKu, anna ruttakki.

BATING 1:10

Iatu mai uali umpopengkorongmo limanna lako mintu’ apa keangga’na; ondongpi natiro bang tau iato mai, kumua iatu bangsa iato tama inan maindanna, tu a’ganna mangka Mipa’pepasanan, kumua: iatu tau iato mai tae’ nama’din urreke’komi tama kombongan.

BATING 2:7

Tang Naangga’mo Puang tu inan pemalaranNa, sia Nakasirisan tu inan maindanNa, Nasorongmo tama kuasanna uali tu rinding tembo’ tongkonan layukNa. Mamak bang tu tau iato mai lan banuanNa PUANG, susi ke allo pa’maruasan.

YEHEZKIEL 9:7

Ma’kadami lako tau iato mai Nakua: Ruttakki tu Banua Kabusungan sia ponnoi batang rabukna tu mai tarampak. Malemokomi, ammi papatean lan lu kota.

DANIEL 12:11

Randuk dio mai pemala’ nenne’ bang kiallo-kiallo dipa’dei sia dipabendan tu apa megallian ma’kasanggang, den sangsa’bu dua ratu’ ngkasera pulona allona.

DANIEL 8:24

Iatu kamawatanganna la matoto’ – apa tae’ natete dio kamawatanganna kalena – sia la metakuran tu kapasangganganna, sia apa tu napogau’ umpabu’tuanni kamauparan; la nasanggang tu mintu’ to paa, sia ia duka tu mintu’ bangsa to masero.

DANIEL 8:26

Na iatu patiro mendeata diona makaroen sola melambi’, iatu apa mangka disa’bu’ dionato, tang balle. La mubuni bang tu patiro mendeata, belanna budapa allona namane sae.

DANIEL 9:27

Sia la napamabanda’ tu basse lako buda tau lan sangminggu; iatonna ma’tangngana minggu la napa’dei tu pemala’ pangrere’ sia iatu kande dipemalaran; anna dao pani’ megi’giran la sae tu misa’ to ma’kasanggang sia manassa la nasanggang sae lako tappunna, sia iatu apa dipamanassa la dibarrakan dao apa sanggang.

HOSEA 3:4

Belanna iatu to Israel la masai torro tang didatui, tang diarungi, tang memala’ sia tae’ batu dipodeatanna, tae’ epo’na ba’tu balo’ taunna.

MATIUS 24:15

Iamoto, iammi kitami tu kamaparrangan megi’giran tu umpabu’tu kasanggangan bendan dio inan masero, susitu napokada nabi Daniel minda-minda tu umbasai natangnga’ mandalanni –

MARKUS 13:14

Iammi kitai tu kamaparrangan megi’giran tu umpabu’tu kasanggangan, bendan dio inan tang sipatu – minda-minda tu umbasai natangnga’ mandalanni – ianna attu iato la mallai langan tanete tu to dio tana Yudea.

LUKAS 21:20

Iammi tiromi tu Yerusalem natalimbung tama to parari, iato attu iato la miissan, kumua mandappi’mo kasangganganna.

KADA OMBO’ LAKO RASULU’ YOHANES 17:12

Sia iatu sangpulo tanduk mutiro iamo sangpulo datu tu tang untarimapa kadatuanna, apa kuasa susi datu-datu sisola olo’-olo’ iato sangte’te’ bangri.