DANIEL 11:27 - Sura' Madatu

²⁷ Iatu datu iato sola duai pada ma’tangnga’ kadake lan penaanna sia ianna unno’ko’ dio misa’ meda pada la ma’kada tang tongan, apa tae’ nala dadi tu nasanganna, belanna tae’pa nalambi’i tu ma’katampakanna sae lako attu dipamanassa.

DANIEL 11:27 ပူးပေါင်းရင်းမြစ်များ

2 SAMUEL 13:26

Nakuami Absalom: Iake tae’i mila lao, ia bangomo tu Amnon, kakangku kisolan male sola nasang. Nakuami datu lako: Apara gai’na la male?

PA’PUDIAN 12:2

Karitutui, PUANG, belanna tae’mo to mengkaola, sia madarang sa’pemo tu to maruru’ dio lu mintu’ ma’rupa tau.

PA’PUDIAN 52:1

Lu lakona pangala sengo. Misa’ gelong bangunan ada’na Daud.

PA’PUDIAN 58:2

Tonganraka unnolakomi salunna, e deata? Tang pakayun bimbangrokomika umpaolai salunna mintu’ ma’rupa tau?

PA’PUDIAN 62:9

E solaku, tontongkomi urrannuanNi, sia bungka’i tu penaammi dio oloNa; iatu Puang Matua Iamo pentirerunganta. Sela

PA’PUDIAN 64:6

Napamakarra’ tu penaanna umpogau’ kakadakean, sia sama turu’ untanan buni poya, nakua: Mindara la untiroi?

SARAMBU PEADA’ 12:20

Iatu to untampa bang kadake, pa’pakena lan penaanna, apa iatu to ma’pakilala diona kamarampasan unnampui kaparannuan.

SARAMBU PEADA’ 19:21

Buda tu natangnga’ tau lan penaanna, apa iatu NapantokNa PUANG tang leluk.

SARAMBU PEADA’ 26:23

Susitu bibang disapu’ salaka, susi dukato tu puduk dukku-dukku umpokada kamamaliran, apa kadake tu penaa.

YEHEZKIEL 17:9

Pokadai kumua: Inde sia tu kadanNa Puangta PUANG, Nakua: La dadi siaraka? Tae’ siaraka nala ullampi’i tau tu aka’na sia nasa’pek tu buanna, naurunganni marangke tu daunna sia tarukna? La marangke sia tae’ tu lima matoto’ sia buda tau la ditambai la urra’ta i diong mai aka’na.

DANIEL 10:1

Iatonna taun ma’pentallunna parentana Koresh, datu Persia, dipaombo’mi misa’ kada lako Daniel, tu diganti Beltsazar, iatu kada iato iamo kamanapparan sia ussa’bu’ kamaparrisan kapua. Napalan penaami tu kada iato sia napariba’teng tu patiro mendeata.

DANIEL 11:28

Mangkato la sule lako tondokna umbaa ianan sanda makamban, sia la naea penaanna tu basse masero; susimo la napogau’ to, namane sule lako tondokna.

DANIEL 11:29

Iake nalambi’mi tu attu dipamanassa, la male pole’ tama rampe Lo’na lu palaoan, apa iate ma’katampakanna tae’ nala susi tu bunga’na;

DANIEL 11:35

Ba’tu pira-pira tu to paissan la songka, kumua anna disudi, dipamasero sia dipamatasak tu tau iato mai, sae lako attu ma’katampakanna; belanna iatu iannato tae’pa nalambi’i lako tu attu dipamanassa.

DANIEL 11:40

Apa iake attu ma’katampakannai la sae tu datu rampe Lo’na lu urrarii tu datu rampe Daanna lu, anna iatu datu rampe Daanna lu la ullaoi umbaa kareta sia pakkanarang sia kappala’ buda; la tama ullaoi tu tondok iato sia samasai-sainna ma’parekan susito uai saba’.

DANIEL 8:17

Saemi dio tu kuninna bendan; iatonna saemo, tirambanmo’ angku tukku rokko padang, apa ma’kada lako kaleku nakua: Tandai, e ma’rupa tau, kumua iate patiro mendeata iate umpatu attu ma’katampakanna lino.

DANIEL 8:19

sia ma’kada nakua: Manassa la kupokadangko tu apa la dadi, ke katampakanna kare’dekan ara’, belanna iatu patiro mendeata iato umpatu manassana attu ma’katampakanna.

HABAKUK 2:3

Belanna iatu patiro mendeata umpeagipa tu attu dipamanassa, apa la madoi’ male lako ma’katampakanna sia tae’ nabuttok; iake malelanpi, la mukampai, belanna la sae tongan, sia tae’ nala torro.

PENGGAURANNA RASULU’ 1:7

Nakuami Yesu lako tinde tau: Tae’ kamu patummi la unnissanni tu attu ba’tu allo, tu Napoissan misa Ambe’ situru’ lalan kuasanNa.

PENGGAURANNA RASULU’ 17:31

Belanna Napamanassamo tu allo sangallo tu la Nanii umpaolai salunna tu mintu’ issinna lino situru’ kamalamburan tete dio Misa’ To mangka Napamanassa anNa pakatuai lako mintu’ tolino, tu diona kaNapamalimbangunanNa dio mai to’ to mate.

1 TESALONIKA 5:1

Apa diona mintu’ attu sia allona, e sangsiulurangku, tae’mo mimanggi’ disurasan.