DANIEL 11:25 - Sura' Madatu

²⁵ Sia la napatiangka’ duka tu kamatotoranna sia kabaranianna situang surodadu kamban la unneai tu datu rampe Lo’na lu, na iatu datu rampe Lo’na lu la umpasakka’ surodadu kamban sia matoto’ tongan, apa tae’ nakullei la bendan mangea belanna la nasitangnga’i tau unneai.

DANIEL 11:25 ပူးပေါင်းရင်းမြစ်များ

SARAMBU PEADA’ 15:18

Iatu to madomi’ mapalla umpabu’tu kasigagan, apa iatu to kalando pesuka’ umparapa’ kasiboboran.

SARAMBU PEADA’ 28:25

Iatu tau tontong bang ungkaduangi ianan umpabu’tu kasisalan, apa minda-minda tu umposande’ PUANG, la dipedia’i tongan kameloan.

DANIEL 11:10

Na iatu mai anakna la ma’pasakka’ parari sia la urrampun ba’tu pira-pira tuntunan surodadu kamban; namisa’i tu la male ullaoi datu rampe Daanna lu, sia samasai-sainna ma’parekan susi to uai saba’, sia tonna torroi naparandukomi palaoan sae lako bentengna.

DANIEL 11:2

Totemo la kupokadangko tu kamanapparan. Manassa tallupa tu datu la bendan lan Persia na iatu to ma’penna’pa’na la kapuapa kasugiranna na iatu mintu’ senga’na, sia iake matoto’mi tete dio kasugiranna, la napatiangka’ tu mintu’na ullaoi tu kadatuan Yunani.

DANIEL 11:40

Apa iake attu ma’katampakannai la sae tu datu rampe Lo’na lu urrarii tu datu rampe Daanna lu, anna iatu datu rampe Daanna lu la ullaoi umbaa kareta sia pakkanarang sia kappala’ buda; la tama ullaoi tu tondok iato sia samasai-sainna ma’parekan susito uai saba’.

DANIEL 11:5

Attu iato la matoto’ tu datu rampe Lo’na lu, apa misa’i tu kamandangna la mandu matoto’ na ia sia la ma’parenta; sia iatu lili’ parentana la misa’ lili’ parenta kapua.