DANIEL 11:21 - Sura' Madatu

²¹ Sia la bendan misa’ to matuna ussondai, tu tae’ naia dipamanassa la dinii ussorong kapayungan lako kalena; tae’ nadikapang nasae sia la urrampai tu kadatuan tete dio pa’pakena.

DANIEL 11:21 ပူးပေါင်းရင်းမြစ်များ

PA’PUDIAN 12:8

O PUANG, Kamumo la ungkampaikan to makario-rio, sia Kamumo la tontong urrinding pala’kan dio mai to tama bilangan iate.

PA’PUDIAN 15:4

Tu magi’gi untiro to Nasayu Puang Matua, apa nakasiri’ tu to ungkataku’ PUANG. Tu umpandannimo sumpa lampa kadanna, moi anna porugii kalena, tae’ duka napatilelukki.

PA’PUDIAN 55:21

Mangka duka napata’pai lima tu to nasisangmuanean, sia umpinda lampa kadanna.

YESAYA 32:5

Iatu to baga tae’mo nala disanga to la’bi’ sia to lando pa’du tae’mo nala disanga to kapua.

DANIEL 11:20

La bendan misa’ tau ussondai, tu ussua misa’ tau ma’paruku umpalaku sima ma’lele-lele unnolai lili’ tarru’ marua’na kadatuan, apa ba’tu pirang-pirang allori nala sanggangmo, tu tae’ natete dio kamarukkan sia kasirarian.

DANIEL 11:32

Na iatu to untodo tinting basse, la nasede anna memboko’, apa iatu tau untandai Kapenombanna la matoto’ sia umpalalo penggauran.

DANIEL 11:34

Apa iake songkai tu tau iato mai la unnappa’ pa’tunduan tang siagi, sia buda tu tau la menturu’ lako tau iato mai, apa pudukna bangri.

DANIEL 11:7

Attu iato la tuo tu misa’ taruk dio mai uaka’na dio to’ inanna sia la male ullaoi surodadunna sia la tama bentengna datu rampe Daanna lu, anna palulun to patalo.

DANIEL 4:17

Iate parenta iate napamatu’tunmo mintu’ to ma’kampa na iatu iannate nalampakmo to masero, anna tandai mintu’ to tuo, kumua Puang Patodoranna ungkuasai tu kadatuan tolino sia Nakamasei minda-minda tu Naporai, ondongpi ma’din natokko tu to tarru’ madiongan dio lu tolino lan kadatuan iato.

DANIEL 7:8

Iatongku marassan umpenunui tu tanduk iato, ta’kala anna tuomo tu misa’ tanduk bitti’ lan alla’na, tu untumangi nadilampi’i tallu tanduk dio mai tanduk dolo; kutiro lan tanduk iato, nanii mata susi mata tolino sia puduk ussa’bu’ bang kada matampo.

DANIEL 8:23

Iake tampaknami kadatuanna tu tau iato mai, ke ma’kalolokannami tu gau’na to bulituk, la bendan misa’ datu, tu matoro lindona sia lando pa’du.

DANIEL 8:25

Sia tete dio kabulitukanna anna palaloi tu pa’pakenanna; la napakapua tu penaanna, sia nasanggangi buda tu to tae’ namangea. Sia la pabali-bali duka lako Arungna mintu’ arung, apa la sabu’ ia tang narumbu lima.

DANIEL 8:9

Iato misa’na mentaruk misa’ tanduk lan mai, tu pamulanna bitti’, apa tarru’ mengkapua ma’palusau’, ma’palulako rampe matallo sia ma’palulako Padang ballo.

NAHUM 1:14

Apa diona tu apa la urrampoiko Napokada PUANG susite, Nakua: Iatu sangammu tae’mo nala dipatale’: lan mai banua deatammu la Kupisanni tu mintu’ rapang-rapang dipodeata dipa’ sia mintu’ rapang-rapang dipodeata dipati’no’. La Kuparandan tu lamunammu, belanna Kuangga’ maringanko.

1 SAMUEL 3:13

Belanna mangkamo Kupa’peissanan, kumua Aku la unnukungi tu to lan banuanna sae lakona, diona tu mintu’ kakadakean naissan, belanna iatonna umpasae tampak ropu lako kalena tu anakna sola duai, inang tae’ bang nagarrakki.