DANIEL 10:14 - Sura' Madatu

¹⁴ Na totemo saemo’ umpaissanniko tu diona apa la urrampoi bangsamu, ke allo ma’katampakannai; belanna den dukapa tu patiro mendeata diona tu allo la sae.

DANIEL 10:14 ပူးပေါင်းရင်းမြစ်များ

KADADIAN 49:1

Undinnato natambaimi Yakub tu mintu’ anakna nakua: Sirampunkomi la kupokadangkomi tu apa la urrampoikomi undinna.

YESAYA 2:2

La dadi undinna, kumua iatu buntu nanii banuanNa PUANG, la bantang ten to buntu malangka’ untongloi mintu’ buntu, anna mintu’ bangsa lolong lako.

YEHEZKIEL 12:27

E ma’rupa tau, tonganna iatu to Israel ma’kada nakua: Iatu patiro mendeata natiro, umpatu allo masaipa namane sae, sia ma’nubua’ diona attu mambelapa.

YEHEZKIEL 38:16

sia la ke’de’ko ullaoi Israel, taungKu, susito misa’ gaun ussamboi padang. Lan attu la sae la Kupake’de’ko ullaoi tondokKu, anna tandaiNa’ mintu’ bangsa, ke Kupamanassai lako kalemu, e Gog, dio pentirona tau iato mai, kumua Akumo tu To maindan.

DANIEL 10:1

Iatonna taun ma’pentallunna parentana Koresh, datu Persia, dipaombo’mi misa’ kada lako Daniel, tu diganti Beltsazar, iatu kada iato iamo kamanapparan sia ussa’bu’ kamaparrisan kapua. Napalan penaami tu kada iato sia napariba’teng tu patiro mendeata.

DANIEL 12:4

Apa iko, e Daniel, nannai te mintu’ kada iate sia ca’i te Sura’ sae lako attu ma’katampakanna; buda tu tau la unnunnungi sia iatu kapaissanan la sakerangngan-rangnganna.

DANIEL 12:9

Apa ma’kada nakua: Malemoko, e Daniel, belanna mintu’ apa iate la manda’ dibuni sia dica’ sae lako attu ma’katampakanna.

DANIEL 2:28

Apa den misa’ Kapenomban dao suruga, tu umpaombo’ mintu’ rasia. Iamo umpamanassai lako datu Nebukadnezar tu apa la dadi allo undi. Inde sia tu tindomi sia mintu’ patiro mendeatammi, tu bu’tu dio pentiromi dao katindoammi.

DANIEL 8:16

Sia kurangi tu gamara tau daona lu Ulai, tu nakua: E Gabriel! battuananni lako tau iate tu patiro mendeata iato.

DANIEL 8:26

Na iatu patiro mendeata diona makaroen sola melambi’, iatu apa mangka disa’bu’ dionato, tang balle. La mubuni bang tu patiro mendeata, belanna budapa allona namane sae.

DANIEL 9:22

Naparandukmi unnada’ina’ anna sipa’kadanna’ nakua: E Daniel, totemo tassu’mo’ sae la umbenko kapaissanan.

HOSEA 3:5

Undinnato la mengkatoba’ tu to Israel, sia undaka’ PUANG Kapenombanna, sia Daud datunna, na sae mennolo ma’parondo tu tau iato mai lako PUANG sia lako kameloanNa, – lan attu la sae.

MIKHA 4:1

Sia la dadi, ke allo ma’katampakannai, kumua iatu buntu banuanNa PUANG la bantang butung tu buntu malangka’na mintu’ buntu, sia la layuk untongloi mintu’ tanete, anna mintu’ bangsa lolong sae lako kalena.

HABAKUK 2:3

Belanna iatu patiro mendeata umpeagipa tu attu dipamanassa, apa la madoi’ male lako ma’katampakanna sia tae’ nabuttok; iake malelanpi, la mukampai, belanna la sae tongan, sia tae’ nala torro.

KADIBILANGAN 24:14

Na totemo tiromi, la ke’de’mo’ sule lako bangsaku, iamoto melo ke kupa’nubuarangkomi apa tu la naparampoanni bangsa iate tu bangsami.

PA’TOLE 31:21

Iake narampoi buda kamandasan sia kapussakan tu tau iato, manassa iate sengo la sa’bi umpasalai tu tau iato, belanna tae’ nala tore len nasa’bu’ bati’na. Belanna Kutandai tu pa’inaanna tu lan penaanna allo iate, tongKu tang ussolampi lako tondok, tu mangka Kuallu’ lako tau iato mai Kupalaoi sumpa.

PA’TOLE 31:29

Belanna kutandai, kumua, iangku matemo, la umpagau’komi kabulitukan tongan sia sumepangkomi dio mai lalan tu mangka kupepasanan lako kalemi. Iamoto la narampoikomi kasanggangan undinna, ke mipogau’i tu apa kadake dio pentiroNa PUANG sia mipamapa’di’ tu penaanNa diona panggaraga limammi.

PA’TOLE 4:30

Iake masussako narampoi te mintu’ apa iate lan attu la sae, manassa la mengkatoba’ko lako PUANG, Kapenombammu, ammu perangii.

2 TIMOTIUS 3:1

Sipatu la muissan, kumua iake attu ma’katampakanna la sae tu attu maparri’ tongan.

IBRANI 2:3

umbara la takua tilendok, ke tae’i takatappa’i tu kasalamaran pada kapuanato, tu tipamulanna Napa’peissanan Puang, anna pakanassai mintu’ to mangka urrangii lako kita;