DANIEL 10:13 - Sura' Madatu

¹³ Apa naeana’ tu arungna kadatuan Persia duangpulo mmisa allona; apa tonganna iatu Mikhael, misa’i arung tarompo’ sae lako kaleku, untunduina’, kuurunganni pasau’ dio lu mintu’ datu to Persia.

DANIEL 10:13 ပူးပေါင်းရင်းမြစ်များ

EZRA 4:24

Susito ditorroimi tu pengkarangan dio banuanNa Puang Matua dio Yerusalem, anna tadang sae lako taun ma’penduan kadatuanna Darius, datu Persia.

DANIEL 12:1

Attu iato la bendan tu Mikhael, arung kapua, tu untundui mintu’ bati’na bangsamu; sia la den tu misa’ attu kadipandasan kapua, tu tae’ bangpa susinna dadi temponna den tu mai bangsa sae lako attu iate. Apa lan attu iato la tilendok tu bangsamu; iamotu mintu’ to diappa’ tisura’ lan Sura’ iato.

EFESUS 6:12

Belanna tangia padanta ma’rupa tau tasiean, sangadinna mintu’ to ma’parenta sia to paa sia pangulunna lino tu umparenta kamalillinan iate sia mintu’ kuasa deata masussuk dao langi’.

KOLOSE 2:10

sia kamu duka dipasundun tete dio Kalena, tu to napopangulu mintu’ to ma’parenta sia to paa.

1 TESALONIKA 2:18

Iamoto anna sae diong penaangki la male mati’, iamote aku Paulus pissan penduampa, apa naampangikan deata bulituk.

1 PETRUS 3:22

tu mangkamo kendek langngan suruga, anNa unno’ko’ dio kananNa Puang Matua, na mintu’ malaeka’ sia to paa sia kakuasan mengkanorong lako Kalena.

YUDAS 1:9

Apa Mikhael pangulu malaeka’, tonna site’ge’ deata bulituk ussialai batang rabukna Musa, tae’ ia nabarani ungkada layukki, sangadinna nakua bangri: Na Puangmora unnada’ko.

KADA OMBO’ LAKO RASULU’ YOHANES 12:7

Bu’tumi kasirarian dao suruga, iamotu Mikhael sola mintu’ malaeka’na urrarii naga; na iatu naga sola mintu’ baananna parari dukami;