DANIEL 10:1 - Sura' Madatu

¹ Iatonna taun ma’pentallunna parentana Koresh, datu Persia, dipaombo’mi misa’ kada lako Daniel, tu diganti Beltsazar, iatu kada iato iamo kamanapparan sia ussa’bu’ kamaparrisan kapua. Napalan penaami tu kada iato sia napariba’teng tu patiro mendeata.

DANIEL 10:1 ပူးပေါင်းရင်းမြစ်များ

KADADIAN 41:32

Iatu tindo iato ma’penduan maro’ sae lako Firaun tu belanna iatu apa iato Napamanassa tongan Puang Matua sia Puang Matua duka la umpalaloi madomi’.

2 OSSORANNA DATU 36:22

Apa iatonna taun pamulanna kadatuanna Koresh, datu Persia, Napatiakka’mi PUANG tu penaanna Koresh, datu Parsia, dikua anna dipalanda’ tu kadanNa PUANG tu nalopian Yeremia, anna mesua metamba-tamba lan lu mintu’ parentana sia napa’peissanan duka lan sura’, nakua:

EZRA 3:7

Nabenmi doi’ tau iato mai tu to ma’pa’batu sia pande kayu; sia kande sia diiru’na sia minna’ naben to Sidon sia to Tirus la umbaai tu kayu arasi’ dao mai Libanon tama tasik Yafo, susitu pangeloranna Koresh, datu Persia lako tau iato mai.

EZRA 4:3

Apa mebali tu Zerubabel, Yesua sia mintu’ pangulu rapu senga’na to Israel lako tau iato mai, nakua: Tae’ misipatu kumua la sisolaki’ umpabendananni misa’ banua tu Kapenombangki, belanna kami kalena la umpabendananni PUANG, Kapenombanna to Israel, susitu napasan datu Koresh, iamotu datu Persia, lako kaleki.

EZRA 4:5

Sia napappe’ tu ba’tu pira-pira pa’bisara umbalii tu tau iato mai, kumua anna dampai tu tanan penaanna tempon tuona Koresh, datu Persia, sae lako tonna ma’parenta Darius, datu Persia.

EZRA 6:14

Iatu mintu’ pekaamberanna to Yahudi umpatarru’ marampa’ umbangunni tu Banua Kabusungan, tonna attunna ma’nubua’ tu nabi Hagai sia Zakharia, anakna Ido; anna sundunni umbangunni susi pepasanNa Kapenombanna to Israel sia susi parentana Koresh, Darius na Artahsasta, datu Persia.

EZRA 6:3

Sura’ dianna batu silambi’: iatonna taun bunga’na datu Koresh ma’parenta, napatassu’mi datu Koresh te parenta iate nakua: Iatu banuanNa Puang Matua dio Yerusalem, banua iato sipatu dibangun sule, dadi misa’ inan la nanii tau umbaa pemala’; sia iatu parandanganna manassa la dioton; iatu langka’na annan pulona siku, iatu babana annan pulona siku.

YESAYA 44:28

Kukua lako Koresh: Kupotomanglaako, la naturu’ duka tu mintu’ pa’poraiangKu, belanna nakua lako Yerusalem: La dibangunko sule sia la diparandanganni tu Banua Kabusungan.

DANIEL 1:17

Nakamaseimi Puang Matua kapaissanan, kamatarrusan untandai mintu’ sura’ sia kakinaan tu to mangura sola a’pa’i, na iatu Daniel matarru’mo untandai ma’rupa-rupa patiro mendeata sia tindo.

DANIEL 1:21

Torromi tu Daniel dio sae lako taun bunga’na kadatuanna Koresh.

DANIEL 1:7

Nasondaimi pangulu to mase’ponna datu tu sanganna tau iato; iatu Daniel nasangaimo Beltsazar, na iatu Hananya nasangaimo Sadrakh, Misael nasangaimo Mesakh, na iatu Azarya nasangaimo Abednego.

DANIEL 10:14

Na totemo saemo’ umpaissanniko tu diona apa la urrampoi bangsamu, ke allo ma’katampakannai; belanna den dukapa tu patiro mendeata diona tu allo la sae.

DANIEL 11:2

Totemo la kupokadangko tu kamanapparan. Manassa tallupa tu datu la bendan lan Persia na iatu to ma’penna’pa’na la kapuapa kasugiranna na iatu mintu’ senga’na, sia iake matoto’mi tete dio kasugiranna, la napatiangka’ tu mintu’na ullaoi tu kadatuan Yunani.

DANIEL 12:4

Apa iko, e Daniel, nannai te mintu’ kada iate sia ca’i te Sura’ sae lako attu ma’katampakanna; buda tu tau la unnunnungi sia iatu kapaissanan la sakerangngan-rangnganna.

DANIEL 12:9

Apa ma’kada nakua: Malemoko, e Daniel, belanna mintu’ apa iate la manda’ dibuni sia dica’ sae lako attu ma’katampakanna.

DANIEL 2:21

Ia duka umpopembali pentaunan sia attu. Ia untassu’i datu, Ia duka unnangka’i, Ia duka ungkamasei kakinaan tu to kinaa sia kapaissanan tu to paissan.

DANIEL 4:8

Undinna saemi tu Daniel umpennoloina’, sikona sanga deatangku disanga Beltsazar, tu natorroi penaa deata masero angku uleleananni lako tu tindo iato.

DANIEL 5:12

Belanna lan kalena tu penaa liu matarru’, kapaissanan sia kamanarangan ussembang tindo sia umpabu’tu rasia sia ungko’ka’i ponto bannang, iamotu lan kalena Daniel, tu naganti datu, iamotu Beltsazar, iamoto melo ke ditambai tu Daniel, naia la umpokadai tu battuanna.

DANIEL 5:17

Mebalimi tu Daniel lako datu nakua: Da’i bangmi to tu pa’kamaseammi, na iatu pamenganmi ben bangmi to senga’; moi tae’ tu apa, la kubasan duka datu te pangoki’ iate sia la kupokadangkomi tu battuananna.

DANIEL 6:28

Iamo parampanan sia pakarimmanan sia Ia umpaden tanda kalle-kallean sia tanda mangnga dao lu langi’ sia dao kuli’na padang. Iamo mangka urrampanan Daniel lan mai kuasa singa.

DANIEL 8:16

Sia kurangi tu gamara tau daona lu Ulai, tu nakua: E Gabriel! battuananni lako tau iate tu patiro mendeata iato.

DANIEL 8:26

Na iatu patiro mendeata diona makaroen sola melambi’, iatu apa mangka disa’bu’ dionato, tang balle. La mubuni bang tu patiro mendeata, belanna budapa allona namane sae.

LUKAS 1:20

Dadi la mamang todako, tang la muissan ma’kada sae lako dadinna nasang tu mintu’na te, tu belanna tae’ mupatonganni te kadangku, natae’ nasalai ke allu’namo.

KADA OMBO’ LAKO RASULU’ YOHANES 19:9

Nakuami lako kaleku: Sura’i susite: Maupa’ tu mintu’ to ditoratu lako pa’maruasan rampanan kapa’Na Anak domba iato. Ma’kadami lako kaleku, nakua: Iamote tu kadanNa Puang Matua, tu kada tongan.