DANIEL 1:4 - Sura' Madatu

⁴ Iamotu ba’tu pira-pira to mangura, tu tae’ tattanna sia melo pantarisanna, tu kinaa sia paissan sia tarru’ manarang, tu malute untoe pengkarangan lan tongkonan layukna datu, anna ada’i sura’ sia basa to Kasdim tu tau iato mai.

DANIEL 1:4 ပူးပေါင်းရင်းမြစ်များ

KADADIAN 41:46

Tallungpulomo taun dadinna tu Yusuf tonna mennolo lako Firaun, datu Mesir. Messimanmi tu Yusuf lako Firaun anna male ussalongi tu mintu’ tana Mesir.

2 SAMUEL 14:25

Lan mintu’ tondok Israel moi misa’ tau tae’ kalelean kameloanna, susi Absalom; randuk diong mai pala’ lette’na sae langngan botto ulunna, tae’ sayuanna.

SARAMBU PEADA’ 22:29

Iammu tiroi tu misa’ tau malute lan pengkaranganna, manassa la diangka’ untoe pengkaranganna datu, tae’ nala umpentoean to tang mala’bi’.

TOMANGADA’ 7:19

Iatu kakinaan umpabu’tuan kuasa to kinaa losong na iatu kuasa naampui sangpulo to paa lan misa’ kota.

YESAYA 36:11

Nakuami tu Elyakim sia Sebna sia Yoah lako kolonel: Melo ke ma’basa Aramkomi umpa’kadaikanni, belanna kitandai sia; ke ma’dinni da nama’basa Yehuda tu puang ma’kada lako kaleki dio pa’peranginna mintu’ to buda, tu dao tembo’ benteng.

YEREMIA 5:15

Tonganna la Kupasaeangkomi mintu’ bangsa mambela, e to Israel, kadanNa PUANG, iamo misa’ bangsa matontongan tu inang den dolona, misa’ bangsa tang mutandai basana sia tang mupebuyu’ tu kadanna.

DANIEL 2:10

Mebalimi tu to Kasdim lako datu nakua: Tae’ misa’ tau dao kuli’na padang umbelai napokada tu apa natuntun datu, iamoto tae’ duka misa’ datu, moi nakapua sia makuasa untuntunni tu apa susite lako misa’ to paissan-issan, ba’tu to ma’basa-basa, ba’tu to Kasdim.

DANIEL 2:2

Mesuami tu datu untambai mintu’ to paissan-issan sia to ma’basa-basa sia to unnampui balik mata sia to Kasdim, la ussembanganni tu tindona datu; saemi tu tau iato mennolo dio olona datu.

DANIEL 3:8

Attu iato ta’pa saemi tu ba’tu pira-pira to Kasdim mennolo umparapa’i tu to Yahudi tu diona to.

DANIEL 4:7

Pakalan saemi tu mintu’ to paissan-issan, to ma’basa-basa to Kasdim sia to pakita-kita, angku uleleananni tu tindoku lako kalena, apa tang naissan umpokadanna’ tu sembangna.

DANIEL 5:11

Den misa’ tau lan parentami, natorroi penaa deata masero; na iatonna ambe’mipa iatu tau iato iatu penaanna, naniimo arrang sia tangnga’ kinaa sia kakinaan, susitu kakinaanna deata; iatu ambe’mi datu Nebukadnezar unnangka’i tu tau iato pangulu to paissan-issan, to ma’basa-basa, to Kasdim sia to pakita-kita, – susimoto tu ambe’mi, o datu.

DANIEL 5:7

Metambami tu datu umpekapuai gamaranna, mesua ussolanni sae tu to ma’basa-basa, sia to Kasdim sia to pakita-kita. Ma’ kadami tu datu lako mintu’ to paissan lan Babel, nakua: Minda-minda ma’din umbasai te pangoki’ iate sia umpokadanna’ tu battuananna, la dipakei tamangkale lango-lango, sia dipaluangi manik bulaan tu barokona, sia iamo la ma’parenta lan kadatuan untoe pangka’ ma’pentallun.

DANIEL 9:1

Iatonna taun pamulanna kaparentanna Darius, anakna Ahasweros, bati’ to Media, tu mendadi datu undatui to Kasdim,

ZAKHARIA 2:4

anna ma’kada lako tu malaeka’ senga’, nakua: Ma’dondoko male muma’kada lako tu to mangura, mukua: Iatu a’ganna Yerusalem la susi misa’ kota tang dibenteng, napobua’ kabudanna tau sia patuoan lan.

PENGGAURANNA RASULU’ 7:20

Attu iamoto nadadi tu Musa sia lendu’ melona pantarisanna, natallungbulan didaranai lan banuanna ambe’na.

PENGGAURANNA RASULU’ 7:22

Naada’imi tau kamanarangan to Mesir tu Musa, naurunganni pasau’ nala diona kada nala diona penggauran.

EFESUS 5:27

sia kumua anna Ia kalena umpabendanni tu kombongan dio oloNa sikambi’ kamala’biran tang den kadakena ba’tu tingkurrungna ba’tu senga’na, sangadinna masero tae’ sayuanna.

TO PARENGNGE’ 8:18

Undinnato ma’kadami lako Zebah sola Salmuna, nakua: Umbamira tu to mangka mipatei dao Tabor? Mebalimi nakua: Susikomi, iatu pa’kaleanna, ke misa’oi susito misa’ anak datu.