DANIEL 1:19 - Sura' Madatu

¹⁹ Napa’kadaimi datu tu tau iato mai; dio lu mintu’ tu tau iato, tae’ misa’ naappa’ susi Daniel, Hananya, Misael na Azarya; randukmi diala to mase’ponna datu.

DANIEL 1:19 ပူးပေါင်းရင်းမြစ်များ

KADADIAN 41:46

Tallungpulomo taun dadinna tu Yusuf tonna mennolo lako Firaun, datu Mesir. Messimanmi tu Yusuf lako Firaun anna male ussalongi tu mintu’ tana Mesir.

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

SARAMBU PEADA’ 22:29

Iammu tiroi tu misa’ tau malute lan pengkaranganna, manassa la diangka’ untoe pengkaranganna datu, tae’ nala umpentoean to tang mala’bi’.

YEREMIA 15:19

Iamoto, nakua kadanNa PUANG; iake mengkatoba’ko, manassa Aku unnangka’ko sule, ammu bendan dio oloKu; sia iake mupokadai tu kebattuananna sia tang ma’kada matampo, manassa la Kuposumbung pudukko. Melo ke tibalikki tu tau iato mai lako kalemu, apa da na iko tibalik lako kalena.

DANIEL 1:18

Iatonna ganna’mo tu attu napamanassa datu, maneri dipopennolo tu tau iato mai, nasolammi pangulu to mase’ponna datu umpennoloi Nebukadnezar.

DANIEL 1:4

Iamotu ba’tu pira-pira to mangura, tu tae’ tattanna sia melo pantarisanna, tu kinaa sia paissan sia tarru’ manarang, tu malute untoe pengkarangan lan tongkonan layukna datu, anna ada’i sura’ sia basa to Kasdim tu tau iato mai.

DANIEL 1:5

Napamanassami datu tu kandena tau iato mai kiallo-kiallo, iamotu dio mai kandena datu sia uai anggoro’ nairu’ datu. Lan tallung taun la dinii unnada’i tu tau iato, namane ma’din untoei tu pengkaranganna datu.

DANIEL 1:6

Dio lu tau iato mai ba’tu pira-pira tu to Yehuda, iamotu Daniel, Hananya, Misael na Azarya.

DANIEL 1:7

Nasondaimi pangulu to mase’ponna datu tu sanganna tau iato; iatu Daniel nasangaimo Beltsazar, na iatu Hananya nasangaimo Sadrakh, Misael nasangaimo Mesakh, na iatu Azarya nasangaimo Abednego.

DANIEL 2:13

Iatonna tassu’mo tu parenta iato, kumua la dipatei tu mintu’ to paissan, nadaka’mi tau tu Daniel sola to nasolan la napatei.

DANIEL 3:29

Iamoto angku pa’parentanni, kukua lako mintu’ tau, dio mai mintu’ bangsa ba’tu sangpetayanan ba’tu ma’rupa-rupa basana tae’ duka misa’ dipasalian, ke umpa’kada solangi Kapenombanna Sadrakh, Mesakh na Abednego, tau iato mai la dita’tak-ta’tak sia iatu banuanna la dipopendaun lauan, belanna tae’ tu kapenomban senga’, tu ma’din merampanan susito.