DANIEL 1:17 - Sura' Madatu

¹⁷ Nakamaseimi Puang Matua kapaissanan, kamatarrusan untandai mintu’ sura’ sia kakinaan tu to mangura sola a’pa’i, na iatu Daniel matarru’mo untandai ma’rupa-rupa patiro mendeata sia tindo.

DANIEL 1:17 ပူးပေါင်းရင်းမြစ်များ

1 DATU 3:12

manassa la Kupogau’ susitu kadammu; tonganna la Kukamaseangko penaa kinaa sia kamatarrusan, naurunganni tae’ padammu te attu lendu’ sia iate attu mutingayo lako tae’ la bendan tu padammu.

1 DATU 3:28

Iate pangra’ta’na datu narangi mintu’ to Israel, nakabangnga’mi tu datu, belanna natiro kumua den kamatarrusanNa Puang Matua lan ba’tengna, la ma’paolai salu.

2 OSSORANNA DATU 1:10

Iamoto kamaseina’ tu kakinaan sia kapaissanan, angku ma’din lu tama lu lan mai dio pentirona bangsa iate, belanna mindara ma’din umparentai tu mintu’ taumMi pada budanna te?

2 OSSORANNA DATU 1:12

iamoto iatu kakinaan sia kapaissanan la dikamaseangko; ondongpi la Kubenko kasugiran sia ianan sia kamala’biran, susitu tae’pa naampui mintu’ datu tu dolo na iko sia tae’ nala unnampui mintu’ datu undi na iko.

2 OSSORANNA DATU 26:5

Undaka’ Puang Matua tempon tuona Zakharia, tu unnada’i mengkaola lako Puang Matua; temponna undaka PUANG, Napamaupa’ Puang Matua.

AYUB 32:8

Manassa kumua iatu penaa lan ba’tengna ma’rupa tau sia penaanna To umpoissan angge maritik, tu umbenni kapaissanan lako tau iato mai.

SARAMBU PEADA’ 2:6

Belanna PUANG Ia tu umpa’kamasean kakinaan, lan mai pudukNa nanii tassu’ tu kapaissanan sia tangnga’ kinaa.

TOMANGADA’ 2:26

Belanna iatu to melo dio pentiroNa Puang Naben kakinaan, kapaissanan sia kaparannuan, apa iatu to tae’ naalai penaanNa, Napatakoi pengkarangan la mangrampun sia ma’pakombong, kumua anna sorongi lako minda-minda tu naala penaanNa Puang Matua. Ia duka tu apa iato tae’ gai’na sia susito unnula’ angin.

YESAYA 28:26

Sia Napatudu duka Kapenombanna tu lalan sipatunna sia Naada’i.

YEHEZKIEL 28:3

Manassa matarru’ko anna Daniel, moi misa’ rasia tae’ kabunian dio paissanmu;

DANIEL 1:18

Iatonna ganna’mo tu attu napamanassa datu, maneri dipopennolo tu tau iato mai, nasolammi pangulu to mase’ponna datu umpennoloi Nebukadnezar.

DANIEL 1:20

Na lan mintu’na apa diona kamatarrusan sia kapaissanan, tu napekutanan datu lako kalena, naappa’mi datu kumua losong ia pessangpulo manarangna na iatu mintu’ to paissan-issan sia to ma’basa-basa lan mintu’ kadatuanna.

DANIEL 1:4

Iamotu ba’tu pira-pira to mangura, tu tae’ tattanna sia melo pantarisanna, tu kinaa sia paissan sia tarru’ manarang, tu malute untoe pengkarangan lan tongkonan layukna datu, anna ada’i sura’ sia basa to Kasdim tu tau iato mai.

DANIEL 10:1

Iatonna taun ma’pentallunna parentana Koresh, datu Persia, dipaombo’mi misa’ kada lako Daniel, tu diganti Beltsazar, iatu kada iato iamo kamanapparan sia ussa’bu’ kamaparrisan kapua. Napalan penaami tu kada iato sia napariba’teng tu patiro mendeata.

DANIEL 2:19

Attu iato dipaombo’mi lako Daniel tu rasia iato lan patiro mendeata tonna ibongi, anna pudi-pudi Daniel tu Puang Matua dao suruga.

DANIEL 2:21

Ia duka umpopembali pentaunan sia attu. Ia untassu’i datu, Ia duka unnangka’i, Ia duka ungkamasei kakinaan tu to kinaa sia kapaissanan tu to paissan.

DANIEL 2:23

Kamu, o Kapenombanna nene’ to doloku, tu kupudi sia kupakala’bi’, belanna mangkamoKomi ungkamaseina’ kakinaan sia kamatotoran, sia Mipokadammo’ totemo tu apa kipalaku lako Kalemi, belanna Mipaombo’mo lako kaleki tu diona a’ganna datu.

DANIEL 2:30

Iatu aku te, tae’ to kumua den kamanarangan losong lan kaleku na iatu mintu’ to tuo, anna dipaombo’ lako kaleku te rasia iate, sangadinna iari tu sembangna dipamanassan datu, ammi issanni tu mintu’ tangnga’ penaammi.

DANIEL 4:6

Attu iato kupa’parentammi mesua umbaai lako kaleku tu mintu’ to paissan dio lu Babel, kumua anna pokadanna’ tu sembangna tindo iato.

DANIEL 5:14

Kurangimoko, kumua naniiko penaa deata sia iatu penaammu naniimo arrang sia kamatarrusan sia kakinaan kapua tongan.

DANIEL 7:1

Iatonna taun pamulanna kadatuanna Belsazar, datu Babel, ma’tindomi tu Daniel sia natiro tu pentiro mendeata, tu bu’tu dio pentirona dao katindoanna. Nasura’mi tu tindo iato. Inde sia tu pamulanna tu kada iato.

DANIEL 8:1

Iatonna ma’tallung taunmo ma’parenta tu datu Belsazar dipapayanmi lako kaleku, te aku Daniel, tu misa’ patiro mendeata, tonna mangkamo tu patiro mendeata dolo payan lako kaleku.

KADIBILANGAN 12:6

Ma’kadami tu Puang Nakua: Perangimi tu kadangKu. Iake denkomi misa’ nabi, ma’din Kupasombo tu Kaleku lan patiro mendeata, ba’tu ma’kada lako kalena lan tindo.

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

PENGGAURANNA RASULU’ 6:10

Apa tae’ nabelai tinde tau unneai tu kakinaan sia Penaa urrondongi ma’kada-kada.

PENGGAURANNA RASULU’ 7:10

sia nalendokan dio mai mintu’ kamaparrisan anna benni pa’kamasean sia kakinaan dio olona Firaun, datu Mesir, tu unnalai pangulu dio mintu’ lili’na tana Mesir sia lan banuanna datu.

PENGGAURANNA RASULU’ 7:22

Naada’imi tau kamanarangan to Mesir tu Musa, naurunganni pasau’ nala diona kada nala diona penggauran.

KOLOSE 1:9

Iamoto tempon dio mai tongki rangi tu iannato, tae’mo kitorei umpassambayangangkomi sia umpalakui kumua anna ponnoikomi kapaissanan untandai tu pa’poraianNa Puang Matua lan mintu’ kakinaan sia kamanarangan mempenaa,

YAKOBUS 1:17

Iatu mintu’na pamengan sia mintu’na pa’kamase lu dao mai, songlo’ dao mai Ambe’, oto’na mintu’ parrangna dao langi’, Iamotu tang membali sia tae’ natimbayo len katileleanNa.

YAKOBUS 1:5

Anna iake denkomi tu tang kinaa, sipatu la napalaku lako Puang Matua, tu umpa’kamasean bangi lako mintu’ tau sia tang Napopeko’to’, manassa la Napa’kamasean lako kalena.