BATING 5:21 - Sura' Madatu

²¹ O PUANG, solammokan sule lako Kalemi, manassa la sulekan mati’. Ba’rui tu alloki susi tonna dolona!

BATING 5:21 ပူးပေါင်းရင်းမြစ်များ

1 DATU 18:37

Pebaliina’, o PUANG! pebaliina’, anna issanni te tau buda, kumua Kamuri, o PUANG, Kapenomban, sia kumua Mipatibalikki tu penaanna tau iate mai.

PA’PUDIAN 80:19

Iake susito, tae’mo angki la balik dio mai Kalemi, patuokanni angki meongli’ ussa’bu’ sangamMi.

PA’PUDIAN 80:3

Angkarammi dio tingayona Efraim sia Benyamin na Manasye tu kalalongamMi, amMi mai ullendokangkan.

PA’PUDIAN 80:7

Mitananmokanni napenggaronto’i kasigaganna bali lembangki, sia nasitelleikan mintu’ ualingki.

PA’PUDIAN 85:4

Mirampanammo tu mintu’ kare’dekan ara’Mi, sia Mitoyangan tu Kalemi dio mai kasengkean ma’lulu-lulumMi.

YESAYA 60:20

Tae’mo nala lambun tu allomu sia tae’mo nala pu’pu’ tu bulanmu, belanna PUANGmo tu mupoarrang matontongan sia rampo randannamo tu mintu’ allo kamasussammu.

YEREMIA 30:20

Mintu’ anakna muane la susi a’ganna tonna dolona sia iatu kasirampunanna la tontong dio oloKu, sia iatu mintu’ to umpakario-rioi la Kuukung.

YEREMIA 31:18

Tonganna Kurangi tu Efraim sumarro, nakua: Mangkamo’ Mipa’dikki, sia dipa’dikkina’ susi sapi mangura tu tae’pa nadipamanaran; patoba’na’, angku mengkatoba’, belanna Kamumo, o PUANG, Kapenombangku.

YEREMIA 31:4

La Kubangunangko sule, ammu bendan sule, e anak dara Israel! La ma’beloko sule sia ma’dedek ganda’-ganda’ ammu tassu’ sola to ma’marua’-rua’ ma’gellu’.

YEREMIA 33:10

Nakua kadanNa PUANG: Lan inan iate tu mipokada kumua disabu’imo, naurungan moi misa’ tolino ba’tu patuoan tae’mo lan, anna lan mintu’ kota Yehuda sia mintu’ batatta lan lu Yerusalem tu sanggang, moi misa’ tolino ba’tu misa’ patuoan tae’mo lan.

YEREMIA 33:13

Lan lu mintu’ kota dao ma’buntunna sia lan mintu’ kota dio Padang Merrantena sia lan mintu’ tondok lo’ Pollo’na uai sia dio tana Benyamin sia lili’na Yerusalem sia lan mintu’ kotana Yehuda la lendu’ pole’omo tu mintu’ domba diongna lu limanna to umbilangi, kadanNa PUANG.

YEHEZKIEL 36:37

Inde sia tu kadanNa Puangta PUANG, Nakua: Iate iannate la Kupalalo duka tu pengkamoyana to Israel, kumua la Kupopemba’ka’ tu tau iato mai, na iatu bilanganna la pada tuntunan domba budanna.

HABAKUK 3:2

O PUANG, kurangimo tu karebamMi, mataku’na’, o PUANG, lako penggauramMi; palaloi tu iannato lan taun-taun la sae, pasomboi tu iannato lan taun-taun la sae; lan attu kasengkean la Mikilalai tu pa’kamasean.

MALEAKHI 3:4

Attu iato iatu pemala’na Yehuda sia Yerusalem la naala penaanNa PUANG, susitu allo dolo-dolona sia taun lendu’.