BATING 4:9 - Sura' Madatu

⁹ Maupa’ iatu to mate nakande pa’dang, anna iatu to mate mangelo; samasai-sainna samoro’-moro’na susito ditobok, belanna iatu padangna tang memburamo.

BATING 4:9 ပူးပေါင်းရင်းမြစ်များ

2 DATU 25:3

Iatonna allo ma’pengkasera bulan (ma’penna’pa), tonna lendu’ ia ma’irrikna karorian lan kota, naurungan tae’mo rotinna tu mai to buda lan tondok,

KATASSURAN 16:3

Ma’kadami tu to Israel lako sola duai, nakua: A’a melo kengki mate Napata’paiora limanNa PUANG dio Mesir tongki untingayoipa kurin nanii duku’ sia ungkande roti sadia’ki, apa misolammokan tama te padang pangallaran la umpamate tangdia’i te kombongan iate.

YESAYA 22:2

E kota ponno arrak sia angnga’, e tambakuku ponno kasolleran! Iatu mintu’ taummu mate, tang mate nakande bassi sia tang songka lan tananan ra’.

YEREMIA 16:4

Iatu tau iato mai la mate napobua’ ra’ba biang, anna tae’ nadibatingi sia tae’ nadilamun anna dadi pangangku’ dio lu padang sia la karorian anna iatu batang rabukna la napopendurukan manuk-manuk dao lu langi’ sia olo’-olo’ dao kuli’na padang.

YEHEZKIEL 24:23

sia la ma’passapukomi sia ma’sepatu. Sia tae’ mila umbating sia tumangi’, sangadinna la bonnongkomi natumang kakadakeammi sia pada la sumarrokomi lako solami.

YEHEZKIEL 33:10

Iamoto, e ma’rupa tau, ma’kadako lako to Israel kumua: Susite tu kadammi, mikua: Kapatodo-tintingangki sia kasalangki unti’tinkan iamo bannangna angki bonnong-umbamora la kikua tuo?

YEHEZKIEL 4:16

Sia Nakua siapa lako kaleku: E ma’rupa tau, Kuparoto’ tu roti dipopamuntu dio Yerusalem – anna ditimbang tu roti la nakande situang karossoan penaanna; sia disuka’ tu mai la nairu’ disuka’ situang kamagianganna –

YEHEZKIEL 7:15

Dio salian den pa’dang, anna lanna lu den ra’ba biang sia karorian. Minda-minda tu dio lu padang, na minda-minda lan kota la napisanni ra’ba biang sia karorian.

SURA’ KATOMINAAN 26:39

Sia minda-mindakomi tu torronapa, la marangke tu kalena lan tondokna ualinna natumang kakelokanna sia diona duka kakelokanna nene’ to dolona, anna marangke tu kalena, susitu nene’ to dolona.

PA’TOLE 28:51

tu la ungkandei tu anak patuoammu sia bura padangmu, sae lako purammu mangsan; tang natampeammoko gandung, uai anggoro’ sia minna’, sia anak sapimmu sia anak dombamu sia bembe’mu, sae lako purammu namangsanni bangsa iato.