BATING 4:7 - Sura' Madatu

⁷ Iatu mai arungna masero na ambun makko, sia mabusa anna bumbungan, pa’kaleanna mararang anna merdan, kalena susito batu parimata lasuri’.

BATING 4:7 ပူးပေါင်းရင်းမြစ်များ

AYUB 28:16

sia tae’ duka nama’din dibutunganni bulaan matasak dio mai Ofir, sia tae’ duka nama’din ke ake’ ido ballo sia lasuri’.

AYUB 28:18

Iatu gewang sia kinang tae’ angga’na ke dipasitintii, sia iake diampui tu kakinaan losong ia na iatu merdan.

PA’PUDIAN 144:12

Sangapaoi tu mai anakta muane, ke mangurapi anna maloboran susi tananan, sia sangapaoi tu mai anakta baine anna susito batu petau dipa’ napomaramba’ tongkonan layuk.

PA’PUDIAN 51:7

Pada ditibussanammo’ kakadakean, sia pada natambukna’ kasalan mendadiangku.

KATASSURAN 24:10

Natiromi tau iato mai tu Kapenombanna to Israel, na diong to’ lette’Na den susi sali batu parimata lasuri’, na iatu parrangna butung to langi’ maserrong.

PA’TENDENG BALLO 5:10

– Iatu andi’ pa’kaboro’ku mabusa sia mararang rupanna, iatu rupanna ussau’ tau sangpulo sa’bunna.

PA’TENDENG BALLO 5:15

Iatu lette’na susito lentong marmar toppo’ dao parandangan bulaan tasak; iatu pati’na susito Libanon, mala’bi’ sangtinti garonto’ arasi’.

DANIEL 1:15

Iatonna upu’mo sangpulo allona natiromi kumua mandu maelo ia tu rupanna sia malompo tu kalena tau iato mai anna iatu mintu’ to mangura ungkande kandena datu.

LUKAS 1:15

Belanna ia la kapua dio oloNa Puang sia tae’ nala unniru’ uai anggoro’ ba’tu apa palangona ke diiru’i sia iamo la Naponnoi Penaa Masallo’ tempon dio mai natambukna indo’na.

TO PARENGNGE’ 13:5

Belanna manassa la ma’tambukko, ammu dadian misa’ pia muane; iatu ulunna tae’ nama’din narua piso peku’ku’ belanna randuk dio mai pa’tambukanna indo’na iatu pia muane iato misa’ nasirinNa Puang Matua; iamo la randuk ullendokan to Israel dio mai kuasanna to Filistin.

TO PARENGNGE’ 13:7

Apa ma’kada lako kaleku, nakua: Manassa la ma’tambukko ammu dadian misa’ pia muane; iamoto da muiru’ uai anggoro’ ba’tu diiru’na tu melangona sia da mukande apa maruttak, belanna randuk dio mai pa’tambukanna indo’na sae lako allo kamateanna, iatu pia muane iato la dadi nasirinNa Puang Matua.

TO PARENGNGE’ 16:17

Napasomboan nasangmi tu mintu’ lanna penaanna nama’kada nakua: Tae’ bangpa nadiku’ku’i tu ulungku, belanna tempon lan mai pa’tambukanna indo’ku akumo nasirinNa Puang Matua. Iake diku’ku’i tu ulungku, manassa iatu kamatotorangku la soro’ dio mai kaleku, angku langga’ susito senga’.

1 SAMUEL 16:12

Nasuami tu tau untambai tama. Iatu pia muane iato mariri api beluakna sia me’lok matanna sia maballo rupanna. Ma’kadami tu PUANG, Nakua: Bendanko mubolloi, belanna iamote.