BATING 4:6 - Sura' Madatu

⁶ Belanna iatu kakadakeanna anak dara bangsaku mandu kapua anna kasalanna Sodom, tu dibaliangan lan sangkappidian mata, moi misa’ tau tae’ ungkasara’i.

BATING 4:6 ပူးပေါင်းရင်းမြစ်များ

KADADIAN 19:24

Mangkato napaurannimi PUANG dao mai langi’ uran solo’ sia api lu dio mai PUANG, tu kota Sodom na Gomora.

KADADIAN 19:25

Nabaliangammi Puang tu mintu’ kota iato sia mintu’ lili’ Padang sia mintu’ lisa’na kota sia tanan-tananan.

YESAYA 24:2

La Natallanni tu mai to minaa susi dukato tu to buda, sia to ma’kekaunan susi dukato tu kaunan, sia baine to kapua susi dukato tu baine naruranni, sia to ma’baluk susi dukato tu to mangalli, sia to ma’pasuka’ susi dukato tu to massuka’, sia to ma’pedenne’ susi dukato tu to ma’denne’i.

YEREMIA 20:16

Elo’namo tu tau iato nasusi tu mai kota Nabaliangammo PUANG, natang umpenassanni; melo ke melambi’ narangi tu sarro sia ongngo’ kasirarian ke ma’tangngai allo.

YEREMIA 23:14

Apa dio lu mintu’ nabi Yerusalem Kutiro tu apa megi’giran, iamotu pasandak salu lako rampanan kapa’ sia ma’kada tang tongan; sia napamatoto’ limanna tu mintu’ to umpogau’ kadake naurungan moi misa’ tae’ namengkatoba’ dio mai kakadakeanna. Mintu’ tau iato mai susi Sodom lako Kaleku sia mintu’ pa’tondokanna sangtinti Gomora.

BATING 4:9

Maupa’ iatu to mate nakande pa’dang, anna iatu to mate mangelo; samasai-sainna samoro’-moro’na susito ditobok, belanna iatu padangna tang memburamo.

DANIEL 8:25

Sia tete dio kabulitukanna anna palaloi tu pa’pakenanna; la napakapua tu penaanna, sia nasanggangi buda tu to tae’ namangea. Sia la pabali-bali duka lako Arungna mintu’ arung, apa la sabu’ ia tang narumbu lima.

DANIEL 9:12

Napalanda’mo tu mintu’ kadanNa, tu mangka Napokada diona kami sia diona mintu’ to ma’parentaki, tu umparentakan, belanna Naparampoikan kasanggangan lendu’ kapuana, susitu tae’ bangpa nadadi lan mintu’ nasambo langi’, sangadinna lan manna Yerusalem.

MATIUS 24:21

Belanna attu iato la bu’tu tu ma’iringanna kadipakario-rioan; iatu susinna to tae’ bangpa nadadi len tempon dio mai pamulanna lino sae lako te totemo, sia tae’ dukamo nala dadi len.

LUKAS 10:12

Kukua lako kalemi: iato allo iato parri’na tondok Sodom la maringngan na iatu parri’na tondok iato.

LUKAS 12:47

Iatu kaunan unnissanmo pa’poraianna puangna, natae’ nama’parandan ba’tu tae’ napogau’i susitu pa’poraianna puangna, iamo la dipemalongkanni.