BATING 4:5 - Sura' Madatu

⁵ Iatu to ma’pemammi’ bang kumande limpumo mangelo dio lu mintu’ lalan; iatu to ditaranak mamma’ dao sampin karamisi, urraka’mo pa’rampunan au.

BATING 4:5 ပူးပေါင်းရင်းမြစ်များ

2 SAMUEL 1:24

E kamu, anak dara Israel, tangi’i tu Saul tu umpakeikomi sampin karamisi ma’ba’na, tu umpale’ke’i belo bulaan tu pakeammi.

2 DATU 18:27

Apa nakua tu kamandang lompo lako tau iato mai: Nasuara’ka puangku umparampoi te mintu’ kada iate lako puangmi sia lako kalemi? Tang lakoraka tu mintu’ to unno’ko’ dao rinding tembo’ la dinii umparampoi, tu la misisolan ungkande tainna sia unniru’ tenena?

AYUB 24:8

Tu makuyu nauranni dao mai tanete, sia belanna tae’ tu pentiongannanna mella’ka’mi lako buntu batu.

SARAMBU PEADA’ 31:21

Tae’ namataku’, narampoi ambun makko tu rurananna, belanna mintu’ rurananna ma’tamangkale karamisi.

BATING 1:11

Mintu’ pa’tondokanna sisumarroan undaka’ roti; iatu mintu’ apa keangga’na napasituka’ kande, la natoean sunga’na. – Tiromi, o PUANG, sia pemarangai, umba nakua tu kaditunaiangku!

LUKAS 15:16

La moraimi ungkande bangi tu pa’parran, tu nakande bai, apa moi misa’ tau tae’ duka umbenni.

LUKAS 16:19

Den misa’ to sugi’ ma’pakean melo ma’sambu’ lango-lango sia sampin ballo, ma’marua’-rua’ bang kiallo-kiallo sia manaman bang katuoanna.

LUKAS 7:25

Apara pale’ tu mangka loo mitiro? Tau ma’pakean meloraka? Iatu to ma’pakean melo sia unnappa’ mintu’na mammi’na, lan sia banuanna datu.

1 TIMOTIUS 5:6

Apa iatu unturu’na bang kamoraian penaanna, tonganna tuo apa samanna mate.