BATING 4:3 - Sura' Madatu

³ Moi serigala umpatado sia ia susunna, la nasusu anakna; apa iatu anak dara bangsaku masarrangmo, susi burung unta dio lu padang pangallaran.

BATING 4:3 ပူးပေါင်းရင်းမြစ်များ

1 DATU 3:21

Iatongku millik tonna tibangka’ masiang la umpasusu anakku, a’a matemo ia, apa iatonna masiangmo kutiro meloi, a’a natangia anakku te tu kudadian.

YESAYA 13:22

Sia lan mintu’ tambakukunna la nanii ungnguang-nguang asu lampung sia lan tongkonan layukna nanii ma’pema’mik-ma’mik la nanii serigala; iatu attunna mandappi’mo sia iatu allona tang la dipapodo’mo.

YESAYA 34:13

Lan mintu’ tongkonan layukna natuoi duri sia lan mintu’ tambakukunna den lelating sia a’da’; mintu’nato nanii torro serigala sia padang pa’porianna burung unta.

YESAYA 49:15

Ma’dinraka misa’ baine ungkalupai anak sumusunna, anna tang ungkatirinnai tu anak natibussanan? Kenna la ungkalupai tonganni baine iato mai, manassa tae’ Aku Kukalupaiko.

YEREMIA 19:9

La Kupakande dukapa duku’ anakna muane sia anakna baine tu tau iato mai; pada la ungkande duku’na solana lan kapu’duran sia kapussakan, tu nalaoanni ualinna sia napapussakanni to undaka’ lalan la ungka’tu sunga’na.

BATING 2:20

O PUANG, tiroi sia pemarangai! Mindara tu Mipasusito? Sipaturaka tu baine ungkande anakna, iamotu pia naria? Sipaturaka lan inan maindanNa Puang dipatei tu to minaa sia nabi?

BATING 4:10

Iatu limanna baine matirinna untollo’mo anakna; iamoto tu napokande, tonna lambi’ kasangganganna tu anak dara bangsaku.

YEHEZKIEL 5:10

Iamoto lan lu tangngamu iatu ambe’ la ungkande anakna na iatu mai anak la ungkande ambe’na. Aku la umpaolaiko salunna, na mintu’ tu torrona dio mai kalemu la Kuambo’ lako mintu’ matanna angin.

SURA’ KATOMINAAN 26:29

Ammi kandei tu duku’na anakmi muane sia duku’na anakmi baine.

ROMA 1:31

tang keinaa, ussalai lampa kada, tang mamase, tang maturu-turu.